მილ ფეი მარწყვით

• 400 გ მზა ფენოვანი ცომი
• 500 მლ Giglio-ს რძე
• 3 კვერცხი
• 190 გ შაქარი
• 45 გ უმაღლესი ხარისხის ფქვილი
• 45 გ სიმინდის სახამებელი
• 1 ჩ.კ ვანილის ექსტრაქტი ან პასტა
• 75 გ Giglio-ს კარაქი
• 1 ს.კ. შაქარი
• 300 გ მარწყვი

გავაცხელოთ ღუმელი 200 გრადუსზე.

ფენოვანი ცომი გავაბრტყელოთ 2-3 მმ-ზე, მოვაყაროთ 2 ს.კ შაქარი და საბრტყელებლით ჩავტკეპნოთ ცომში. 

საცხობ ფირფიტაზე დავაფინოთ საცხობი ქაღალდი, მოვათავსოთ ცომი, დავაფაროთ მეორე ქაღალდი და სიმძიმისთვის დავადოთ მეორე საცხობი ფირფიტა, ცომი რომ არ აფუვდეს ცხობისას. 

ვაცხობთ 40-50 წუთი, ან ვიდრე ცომი ოქროსფრად არ შეიფერება.

გამომცხვარ ფირფიტას გადმოვიტანთ ცხაურაზე და ვაგრილებთ. ხერხიანი დანით დავჭრით სასურველი ზომის თანაბარ ნაჭრებად.

პარალელურად ვამზადებთ კრემს - რძეს მოვათავსებთ ქვაბში.

ჯამში ავურევთ კვერცხს, შაქარს, სახამებელს, ფქვილს და ვანილს. კარგად გავთქვეფთ, რომ მივიღოთ ერთგვაროვანი მასა. ჩავასხამთ რძიან ქვაბში, მოვურევთ, რომ გაიხსნას და შემოვდგამთ დაბალ ცეცხლზე. 

ხელის სათქვეფით, განუწყვეტელი მორევით მიგვყავს ადუღებამდე და ვადუღებთ 2 წუთი. 

მზა კრემს გადმოვიტანთ ახალ, სუფთა ჯამში. ჩავყრით კუბებად დაჭრილ კარაქს. კრემს ვაბლენდერებთ ხელის ბლენდერით, (თუ არ გაქვთ, ხელის სათქვეფით კარგად გათქვიფეთ).

ვფუთავთ კონტაქტურად, საკვები პარკით და ვინახავთ მაცივარში, ვიდრე არ გაგრილდება.

გაგრილებულ კრემს ვთქვეფთ მიქსერით, უნდა მივიღოთ პრიალა მასა. გადავიტანთ საკონდიტრო ტომარაში და ვრთავთ ფენოვანი ცომის ფირფიტებს, ვაფორმებთ დაჭრილი მარწყვით.