კრეპ სუზეტი

• Giglio-ს რძე - 500გ
• კვერცხი - 4 ც
• შაქარი - 50 გ
• Valio-ს კარაქი - 200გ
• ფქვილი - 250გ
• Giglio-ს მასკარპონე - 250გ
• ცედრა - 1 1/2 ფორთოხლის
• ვანილი - 10გ
• ფორთოხლის ლიქიორი - 100 გ
• შაქრის პუდრა - 50გ
• წვენი -1 ფორთოხლის
• Zucchi-ს ზეითუნის ზეთი.
• ლიმონის წვენი - ½
• St. Dalfour-ის ტროპიკული ხილის ჯემი -1 ს.კ.
• ყავისფერი შაქარი - 100გ

4 კვერცხს დავამატოთ 50 გ შაქარი, ცოტა მარილი, 500 გ შემთბარი Giglio-ს რძე და კარგად ავთქვიფოთ. დავადნოთ 50 გ კარაქი და დავამატოთ რძის მასას. შევურიოთ 250გ ფქვილი. ვთქვიფოთ ერთგვაროვანი მასის მიღებამდე. გადავაკრათ სამზარეულოს ცელოფანი და დავასვენოთ მაცივარში.

მოვამზადოთ მასკარპონეს კრემი. 250 გ Giglio-ს მასკარპონეს დავუმატოთ ვანილი, ცოტა ფორთოხლის ცედრა, 50გ შაქრის პუდრა, ½ ფორთოხლის წვენი და ფორთოხლის ლიქიორი. დავასვენოთ მაცივარში 40 წუთით.

მოვუსვათ ტაფას Zucchi-ს ზეითუნის ზეთი და გამოვაცხოთ კრეპები.

მოვამზადოთ სიუზეტის სოუსი. გავწუროთ ½ ფორთოხლის წვენი. დავამატოთ 1 ფორთოხლის ცედრა, ½ ლიმონის წვენი, 1 ს.კ. ტროპიკული ხილის ჯემი, კარგად გავხსნათ და გადავიტანოთ ტაფაში. დავამატოთ 100გ ყავისფერი შაქარი და 100 გ კარაქი. კარგად ვურიოთ, რომ მიიღოთ ემულსიის მსგავსი მასა. დავამატოთ 50გ ფორთოხლის ლიქიორი და წავუკიდოთ ცეცხლი.

ბლინებს მოვასხათ სიუზეთის სოუსი, დავადოთ მასკარპონეს კრემი, მოვაყაროთ ფორთოხლის ცედრა და გემრიელად მივირთვათ.