იბერიკოს სტეიკი ბერნიეზეს სოუსით

• Elpozo-ს იბერიკოს ღორის ხორცის სტეიკი - 600 გრამი
• სატაცური - 1კონა
• Valio-ს კარაქი 200 გრამი
• Zucchi-ს ვაშლის ძმარი
• ლიმონი - 1ც
• კვერცხი - 1 ც
• მწვანე ტყემალი - 200 გ
• Zucchi-ს ზეითუნის ზეთი.
• ნიორი - სამი კბილი.
• ახალი კარტოფილი - 500 გ
• ტარხუნა 1 კგ
• მწვანე ხახვი - 1 კონა

მოვწალოთ სატაცური და მოვხარშოთ ახალი კარტოფილი.

გავალღოთ კარაქი.

დავაბლენდეროთ 1 კვერცხი, ვაშლის ძმარი, ლიმონი და მწვანე ტყემალი და დაბლენდერებისას დავუმატოთ გამლღვარი კარაქი.

მოვაყაროთ ხორცს მარილი და პილპილი. ტაფა კარგად გავაცხელოთ. მოვასხათ ზეითუნის ზეთი და შევწვათ სტეიკები 5-5 წუთით ორივე მხრიდან. ტაფაშივე დავამატოთ რამოდენიმე ნიორი არომატის მისაცემად და 50 გ კარაქი დასაბრაწად.

დავჭრათ ნიორი, ტარხუნა და მწვანე ხახვი.

ტაფაზე მოვასხათ ზეთი. კარტოფილი ოდნავ დავჭყლიტოთ და გადავიტანოთ ტაფაზე, აქვე დავამატოთ სატაცური, მწვანე ხახვი, ახალი ნიორი, ცოტა ტარხუნა და ერთად მოვხრაკოთ.

წინასწარ მომზადებული სოუსი დავდგათ დაბალ ცეცხლზე, მოვაყაროთ ტარხუნა და ოდნავ შევათბოთ.

ავაწყოთ თეფში. დავჭრათ სტეიკები, მივუწყოთ გვერდით კარტოფილისა და სატაცურის გარნირი, მოვასხათ ცოტა სოუსი და დანარჩენიც გავაყოლოთ თეფშს.