საუზმე ყველიანი შვრიით, კვერცხით და ბოსტნეულით

2 ულუფის მოსამზადებლად დაგჭირდებათ 15-20 წუთი და შემდეგი ინგრედიენტები:

½ ჭიქა შვრიის ფანტელი (ჰელსინკი)

150 გ ყველი ოლტერმანი

10 გ კარაქი

მარილი, პილპილი გემოვნებით

150 გ ქამა სოკო

1 ტკბილი წიწაკა

2 კვერცხი

ერთი მუჭა ოხრახუში

ზეითუნის ზეთი შესაწვავად

სოკო გავასუფთაოთ, გავჭრათ ორად და შევწვათ გახურებულ ზეთიან ტაფაზე. დავჭრათ წიწაკა და შევწვათ იმავე ტაფაზე. მოვაყაროთ ცოტაოდენი მარილი და ახალდაფქული პილპილი.

შვრია და 1 ჭიქა წყალი მოვათავსოთ ქვაბში და შემოვდგათ ცეცხლზე, წამოვადუღოთ და ჩავყაროთ გახეხილი ყველი, დავტოვოთ ქურაზე და ვურიოთ 2-3 წუთის მანძილზე, ვიდრე ყველი არ დადნება, ჩავაგდოთ კარაქის კუბი. მოვაყაროთ პილპილი სურვილისამებრ. 

ზეთიან ტაფაზე შევწვათ კვერცხი, მოვაყაროთ მარილი და პილპილი.

2 თეფშზე გავანაწილოთ შვრია, ბოსტნეული და კვერცხი, მოვაყაროთ ოხრახუშის ფოთლები.