დესერტი ტირამისუ

ინგრედიენტები:

500-600 გრ სავოიარდის ორცხობილა

800  გრ მასკარპონე

300 გრ ნაღები

200 გრ შაქარი (თუ უფრო ტკბილი გინდათ გაზარდეთ დოზა)

4 კვერცხი

4 ს/კ ხსნადი ყავა (+300 მლ ადუღებული წყალი)

100 მლ რომი

კაკაო

მომზადების წესი:

პირველ რიგში ყავას დაასხით ადუღებული წყალი და გააციეთ. გაციებულს დაამატეთ 50 მლ რომი

განაცალკევეთ კვერცხის გული და ცილა, 100 გრამი შაქრით მოამზადეთ გოგლიმოგლი, დადგით ორთქლის აბაზანაზე შაქრის დადნობამდე , თან ურიეთ. კვერცხის ცილით დ 100 გრამი შაქრით მოამზადეთ ბეზე.

გოგლიმოგლში, გადაურიეთ ნაღები, მასკარპონე და კარგად ათქვიფეთ, ბოლოს დაუმატეთ გათქვეფილი ბეზე, ბოლოს დაუმატეთ დარჩენილი რომი.კიდევ ერთხელ ათქვიფეთ და კრემი მზადაა.

ააწყვეთ სურვილისამებრ, სასურველ ფორმაში ჩაასხით კრემი და მასზე დააწყვეთ ყავაში ამოვლებული ორცხობილა, ასე გაიმეორეთ იმდენჯერ რამდენის საშუალებასაც ფორმა მოგცემთ.

აწყობილი ტირამისუ მოვათავსოთ მაცივარში მთელი ღამით, მეორე დღეს კი სერვირების წინ მოაყარეთ კაკაო.

გემრიელად მიირთვით