დესერტი მასკარპონეთი

დაგვჭირდება:

მასკარპონე /STERILGARDA / -500 გრ

რძე /STERILGARDA/-5 სკ

ნაღები /STERILGARDA/   ასათქვეფი 36% -200 გრ

შაქარი 120 გრ

ვანილი 2 შ

შაქრის ფანტელი 2 სკ

მუქი კაკაო 2 სკ

ჟელატინის 2 ფურცელი ( ან 8 გრ ჟელატინი)

დაასველეთ ჟელატინი ცივ წყალში. შემდეგ კი გაწურეთ.

ქვაბში შეურიეთ  ერთმანეთს მასკარპონე,შაქარი, ვანილი და რძე. გაათბეთ დაბალ ცეცხლზე, დაახლოებით 5 წუთის განმავლობაში, ადუღების გარეშე. განაგრძეთ მორევა, სანამ არ მიიღებთ ერთგვაროვან კრემს.

ქვაბი გადმოდგით გაზქურიდან, გაწურეთ ჟელატინი და დაუმატეთ მასას. კიდევ მოურიეთ, ჟელატინი გაქრება. მიღებული მასა ჩაასხით სილიკონის ფორმებში პორციებად, თუ ფორმა არ გაქვთ ჭიქებში. გააცივეთ მაცივარში 2 საათის განმავლობაში.

ეხლა მივხედოთ კრემს. 200 გრ ცივ ნაღებს, დავუმატოთ შაქრის ფანტელი და კაკაო. თასი რაშიც უნდა გათქვიფოთ ნაღები წინასწარ გაყინეთ საყინულეში, ესეთი მეთოდით ნაღები გასქელდება მალევე და მიიღებთ  უგემრიელეს კრემს.

დესერტი მორთეთ კრემით.