ბერძნული სალათა

ინგრედიენტები:

• კიტრი - 1 ცალი
• პომიდორი - 2 ცალი
• წითელი ხახვი - 1 თავი
• ზეთის ხილი - 100 გრ
• სალათის ფოთოლი - სურვილისამებრ
• ყველი ფეტა, ბრინზა ან აკადია- 200 გრ
• წითელი ბულგარული წიწაკა - 1 ცალი
• დაჭყლეტილი ნიორი - 1-2 კბილი
• ლიმონის წვენი - 1 სკ
• ზეითუნის ზეთი - 3 სკ
• მარილი და შავი წიწაკა - გემოვნებით

მომზადების წესი:

ხახვი და კიტრი დავჭრათ რგოლებად, ბულგარული წიწაკა, პომიდორი და ყველი კი პატარა კუბიკებად.

ხელით დავანაწილოთ სალათის ფოთლები. ყველაფერი ერთად ჩავყაროთ სასალათეში და ჩავამატოთ უკურკო ზეთისხილი.

ზეითუნის ზეთში შევურიოთ ლიმონის წვენი და დაჭყლეტილი ნიორი. მოვასხათ დაჭრილ ბოსტნეულს ზემოდან და მოვაყაროთ მარილი.