ძირითადი რაციონის დაცვასთან ერთად, განსაკუთრებით მნიშვნელოვანია შუალედური კვების სწორად დაგეგმვა. ნუტრიციოლოგების რეკომენდაციით, დღის განმავლობაში 2-3 მცირე წახემსება, მეტაბოლიზმის გააქტიურებისა და ენერგიის დონის შენარჩუნების მიზნით, მეტად მნიშვნელოვანია.
„ევროპროდუქტის“ ონლაინ მაღაზია ჯანსაღი სნექების მრავალფეროვან არჩევანს გთავაზობთ, რომლებიც თქვენი დღის რაციონის განუყოფელი ნაწილი გახდება.
შეიძლება ითქვას, რომ თხილეული ბუნებრივი “სუპერფუდია”. ამ ჯგუფში შემავალი პროდუქტები, განსაკუთრებით ნიგოზი და თხილი, არა მხოლოდ ქართული გასტრონომიული ტრადიციების განუყოფელი ნაწილია, არამედ კვებითი ღირებულებითა და ჯანმრთელობაზე დადებითი ზეგავლენითაც გამოირჩევა.
ნიგოზში შემავალი ომეგა-3 ცხიმოვანი მჟავები კოგნიტურ ფუნქციასა და მეხსიერებას აუმჯობესებს. E ვიტამინის მაღალი შემცველობა კი ანტიოქსიდანტური ფუნქციით ხასიათდება და კანის ჯანმრთელობის შენარჩუნებას უწყობს ხელს.
შუალედური კვებისათვის დაახლოებით 30 გრ თხილეული პირდაპირი სახით მიირთვით ან ამ პროდუქტის გამოყენებით ჯანსაღი სნექი მოამზადეთ.
მას შემდეგ, რაც თხილეულის რომელიმე სახეობას „ევროპროდუქტში“ შეიძენთ, დაფქვით ან დააქუცმაცეთ ის. მიღებულ მასას შეურიეთ 2 სუფრის კოვზი თაფლი, დაუმატეთ წვრილად დაჭრილი ფინიკი ან ნებისმიერი ჩირი და გააკეთეთ ბატარა ბურთულები. ეს ენერგეტიკული წასახემსებელი იდეალურია როგორც საუზმისთვის, ასევე შუალედური კვებისთვის და განსაკუთრებით სასარგებლოა გონებრივი ან ფიზიკური დატვირთვის პერიოდში.
ჩირი ვიტამინებითა და ანტიოქსიდანტებით მდიდარი პროდუქტია. მაგალითად, გოჯი ბერი C ვიტამინის იმაზე მეტ რაოდენობას შეიცავს, ვიდრე ფორთოხალი. ის ასევე მდიდარია ბეტა-კაროტინით, რომელიც მნიშვნელოვანია მხედველობისთვის.
ქიშმიში განსაკუთრებით მდიდარია რკინითა და B ჯგუფის ვიტამინებით. ერთი მცირე ულუფა (30 გრამი) რკინის დღიური დოზის 6%-ს ითვისებს.
ჩირი და კენკროვანი ხილი შეგიძლიათ დამოუკიდებლად მიირთვათ ან პუდინგს/იოგურტს დაუმატოთ და დღის ნებისმიერ მონაკვეთში ჯანსაღად წაიხემსოთ.
თუკი ტრადიციულ სნექებზე უარს ვერ ამბობთ, ჩვენ უფრო ჯანსაღ და გემრიელ ალტერნატივებს შემოგთავაზებთ. მაგალითად, Land-Leben-ის ორგანული კრეკერები იდეალურ არჩევანია მათთვის, ვისაც ხრაშუნა ტექსტურის სნექები უყვარს. ეს მსუბუქი და დაბალკალორიული პროდუქტი მაღალი ხარისხის მარცვლეულისგან მზადდება.
ნატურალური კარტოფილის ჩიფსი კი ტრადიციულის შესანიშნავი ალტერნატივაა. დამზადების ტექნიკიდან გამომდინარე, პროდუქტს შენარჩუნებული აქვს სასარგებლო თვისებები.
ტკბილეულის მოყვარულებს კი მარცვლეულის ბატონებს გთავაზობთ, რომლებიც მდიდარია ბუნებრივი ინგრედიენტებით და იდეალურია როგორც დაბალკალორიული სნექი. მაგალითად, „ოშის“ პროტეინის ბატონები და Corny Big-ის მარცვლეულის ბარი მომხმარებლებში განსაკუთრებული პოპულარობით სარგებლობს. ეს იმიტომ, რომ უმაღლესი ხარისხის ინგრედიენტებით დამზადებული პროდუქტი ორგანიზმს, მთელი დღის განმავლობაში, ამარაგებს საჭირო ენერგიით.
თუ სნექების მომზადებისთვის დრო არ გაქვთ და უკვე მზა, დაბალკალორიული ჯანსაღი ალტერნატივები გჭირდებათ, არჩევანი პროტეინით მდიდარ პროდუქტებზე შეაჩერეთ.
თანამედროვე კვების კულტურაში ასეთი სნექები განსაკუთრებულ მნიშვნელობას სწორედ მოხერხებულობისა და მაღალი კვებითი ღირებულების გამო იძენს.
მაგალითად, Valio-ს პროტეინის პუდინგები სასიამოვნო გემოსა და სტრუქტურასთან ერთად, მაღალი ხარისხის ცილების წყაროცაა. თითოეული ულუფა 20 გრამამდე პროტეინს შეიცავს და ცილების დღიურ ნორმას მნიშვნელოვნად ავსებს.
გარდა მზა პროდუქტებისა, ჯანსაღი სნექების მომზადება სახლშიც მარტივადაა შესაძლებელი. თქვენ მიერ დამზადებული წასახემსებლების უპირატესობა ისაა, რომ მას პირად გემოვნებას მოარგებთ. მაგალითად, ენერგეტიკული ბურთულები შეგიძლიათ საყვარელი ინგრედიენტებით მოამზადოთ.
გთავაზობთ რეცეპტს ,,ევროპროდუქტისაგან”, რომლისთვისაც დაგჭირდებათ შემდეგი ინგრედიენტები: დაფქული შვრიის ფაფა, თაფლი, ქოქოსის ფანტელი და თხილეულის ასორტიმენტი. ეს ინგრედიენტები კარგად აურიეთ ერთმანეთში, გააკეთეთ პატარა ბურთულები და მოაყარეთ ქოქოსის ფანტელი. შეინახეთ მაცივარში და შემდეგ მიირთვით.
სახლში გრანოლას ბატონების მომზადებაც ძალიან მარტივია. აიღეთ შვრიის ფანტელები, დაუმატეთ თაფლი, კაკალი, ქიშმიში და საყვარელი ჩირი. ნარევი მოათავსეთ ფორმაში, კარგად დაპრესეთ და გამოაცხვეთ 180 გრადუსზე 15-20 წუთი. გაგრილების შემდეგ დაჭერით სასურველი ზომის ნაჭრებად. ეს ბატონები შეგიძლიათ წაიღოთ სამსახურში ან სკოლაში და გემრიელი შუადღის ხემსი მოიწყოთ.
სწორად შერჩეული სნექი მნიშვნელოვნად განსაზღვრავს კვების ხარისხს და დღის განმავლობაში ენერგიის დონეს.
იმისთვის, რომ თქვენი არჩევანი მართლაც სასარგებლო იყოს, სასურველია რამდენიმე მნიშვნელოვანი ასპექტი გაითვალისწინოთ:
ბოლოს, გაითვალისწინეთ თქვენი ცხოვრების სტილი და რეჟიმი. შეარჩიეთ სნექები, რომლებიც მოსახერხებელია ყოველდღიური რუტინისთვის — ადვილად ტრანსპორტირებადი, მარტივად შესანახი და თქვენს გემოვნებასთან შესაბამისი. ამისათვის კი ესტუმრეთ ,,ევროპროდუქტის” ონლაინ მაღაზიას ან გვეწვით ფილიალებში, ჯანსაღი პროდუქტების სადაც მრავალფეროვანი არჩევანი დაგხვდებათ.
