თევზის სახეობები და მათი სასარგებლო თვისებები

ისტორიის განმავლობაში თევზი მნიშვნელოვან როლს ასრულებდა სხვადასხვა ცივილიზაციების არსებობაში. ადრეული ადამიანის კვების რაციონი თევზაობის შედეგად მოპოვებული პროდუქტებისაგან შედგებოდა. ძველ ეგვიპტეში მდინარე ნილოსი საკვების ერთ-ერთი მთავარი წყარო იყო. ნადავლს კი მარცვლეულთან ან ბოსტნეულთან ერთად ამზადებდნენ. მოგვიანებით ევროპაში, განსაკუთრებით საფრანგეთში ზღვის პროდუქტების მომზადება აქტუალური გახდა და  შეიქმნა ისეთი კერძი, როგორიცაა, მაგალითად,  თევზის ღვეზელი. 

შესაბამისად, საუკუნეებია თევზის კერძები კულინარიულ ტრადიციებში მნიშვნელოვან ადგილს იკავებს, იმდენად, რომ მაგალითად იაპონია მსოფლიოში ცნობილია, როგორც სუშის სამშობლო, რომლის მთავარი ინგრედიენტიც სწორედ, რომ თევზია.  რაც შეეხება ქართულ სამზარეულოს, თევზი ქინძმარში ერთ-ერთი გამორჩეული კერძია. 

მაღაზიათა ქსელ ევროპროდუქტში, თევზის მრავალფეროვანი არჩევანია წარმოდგენილი. უნდა აღინიშნოს, რომ კომპანია Freezco-ის ექსკლუზიური იმპორტიორია და ქართველ მომხმარებელს უმაღლესი ხარისხის პროდუქციას სთავაზობს. 

თევზის მრავალნაირი სახეობა არსებობს, რომელიც კულინარიაში აქტიურად გამოიყენება. თითოეული მათგანი უნიკალური გემოთი, ტექსტურითა და სასარგებლო თვისებებით ხასიათდება. 

ევროპროდუქტში Freezco-ის ორი კატეგორიის პროდუქტი შეგიძლიათ შეიძინოთ - Better Fish და Feelo.  Better Fish ბიო წარმოების თევზის პროდუქტებისაგან შედგება. მაღალი ხარისხი კი განპირობებულია სერტიფიცირებული ნედლეულითა და ეფექტური დამუშავების პროცესით. რაც შეეხება Feelo-ს, მისი განსაკუთრებულობა იმაში მდგომარეობს, რომ პროდუქტი მზადდება ეკოლოგიურად სუფთა თევზისგან, რომელიც არ შეიცავს მავნე საკვებ დანამატებს.

 ორაგული ჯანმრთელობისათვის სასარგებლო ნივთიერებებით მდიდარი პროდუქტია. უნდა აღინიშნოს, რომ ის ომეგა-3-ის ცხიმოვანი მჟავების მაღალი შემცველობით ხასიათდება, რაც ორგანიზმში ანთებებისა თუ გულის დაავადებების რისკს ამცირებს და ხელს უწყობს ტვინის აქტიურ ფუნქციონირებას.  ამასთანავე, ორაგული მაღალი ხარისხის ცილის წყაროა, რაც მნიშვნელოვანია სხეულის განვითარებისათვის. 

ორაგული დიდი რაოდენობით შეიცავს ისეთ საკვებ ნივთიერებებს როგორებიცაა D და B12 ვიტამინები, იოდი და სელენი. აღნიშნული ვიტამინები და მინერალები მნიშვნელოვან როლს ასრულებს ორგანიზმის გამართულ ფუნქციონირებაში. აღსანიშნავია ისიც, რომ D ვიტამინი ორგანიზმს კალციუმის ათვისებაში ეხმარება, შესაბამისად, პროდუქტი ძვლების ჯანმრთელობისთვისაც სასარგებლოა. 

თქვენს რაციონში ორაგულის შეტანა წონის მართვაში დაგეხმარებათ, რადგან, როგორც აღინიშნა, პროდუქტი მდიდარია ცილებით. ორაგული მისი გემოვნური თვისებებიდან გამომდინარე მრავალი საინტერესო და გემრიელი კერძის მთავარი ინგრედიენტია. თუ თქვენი კვების რაციონში ორაგულის ჩართვას გეგმავთ გირჩევთ მოამზადოთ გამომცვარი ნორვეგიული ორაგული ნაღებში, რომლის რეცეპტსაც ჩვენს ვებსაიტზე იხილავთ.

რაც შეეხება თინუსის სარგებლიანობას, თევზი მდიდარია ომეგა-3 ცხიმოვანი მჟავებით, რაც გულ-სისხლძარღვთა დაავადებების, არტერიული წნევისა და გულის ზოგადი ჯანმრთელობისათვის ძალიან სასარგებლოა.  ამასთანავე, ტუნა დიდი რაოდენობით ცილის წყაროა. როგორც ზემოთ აღინიშნა, ეს ერთი მხრივ, აუცილებელია კუნთების ზრდისა და აღდგენისთვის, მეორე მხრივ კი დაბალანსებული კვებისათვის. მნიშვნელოვანია ისიც, რომ თინუსი  ბუნებრივად შეიცავს ნაჯერი ცხიმების დაბალ რაოდენობას, რაც ამ პროდუქტს კიდევ უფრო ჯანსაღს ხდის. 

გასათვალისწინებელია ისიც, რომ ეს თევზი ვერცხლისწყალს შეიცავს. მიუხედავად მისი სასარგებლო თვისებებისა, ამ ფაქტორის გამო, სასურველია თუ მას ზომიერად მოიხმართ. 

საქართველოში სკუმბრია ძალიან პოპულარული თევზია, რადგან ერთი მხრივ, გემრიელია, მეორე მხრივ კი, ამ თევზის ფასები ხელმისაწვდომია.  

ქიმიური შემადგენლობის თვალსაზრისით სკუმბრია ცხიმიან თევზად მიიჩნევა, რადგან 100 გრამი პროდუქტი დაახლოებით 30 გრამი ცხიმისა შედგება. მნიშვნელოვანია ისიც, რომ თევზი დიდი რაოდენობით ცილას შეიცავს, რომელსაც ორგანიზმი სწრაფად და ეფექტურად ითვისებს. ამასთანავე, რომ სკუმბრია დაბალკალორიული თევზია, 100 გრამი პროდუქტის კვებითი ღირებულება დაახლოებით 200 კილოკალორიაა. 

რაც შეეხება თევზის სასარგებლო თვისებებს, აღსანიშნავია, რომ ისევე, როგორც თევზის დანარჩენი ორი სახეობა, სკუმბრიაც ომეგა-3 მდიდარი პროდუქტია. თევზი მაღალი ხარისხის ცილის შესანიშნავია წყაროა, რაც მეტად მნიშვნელოვანია ორგანიზმის ფუნქციონირებისა და აღდგენისთვის.

თევზი, გარდა უნიკალური გემოვნური თვისებებისა და კულინარიაში ფართო გამოყენებისა, თევზის ქონისა  და ხიზილალის წყაროა. აღნიშნული პროდუქტები ძალიან ბევრი დადებითი ეფექტის მატარებელია და მნიშვნელოვნად უწყობს ხელს ადამიანის ორგანიზმის ფუნქციონირებას. 

ხიზილალას ხშირად ზღვის სამკაულს უწოდებენ, რადგან ძვირადღირებული და მოთხოვნადი დელიკატესია. ეს პროდუქტი ფასდება არა მხოლოდ დახვეწილი გემოთი, არამედ თავისი შთამბეჭდავი შემადგენლობით, კვებითი ღირებულებითა და ჯანმრთელობისათვის პოტენციური სარგებლით. 

გარდა იმისა, რომ ხიზილალა ომეგა-3 და ცილის წყაროა,  ეს პროდუქტი მდიდარია ისეთი მინერალებით, როგორებიცაა A, D და  E ვიტამინები. ამასთანავე, დიდი რაოდენობით შეიცავს სელენს, რკინასა და თუთიას. ეს ნუტრიენტები კი გადამწყვეტ როლს თამაშობს ჯანსაღი იმუნური სისტემის, ფიზიკური სიძლიერისა და ძვლების ჯანმრთელობის შენარჩუნებაში.

ამასთანავე, ხიზილალა სხვადასხვა ანტიოქსიდანტებს შეიცავს, რომლების უჯრედებს თავისუფალი რადიკალების მიერ გამოწვეული დაზიანებებისაგან იცავს. ანტიოქსიდანტებს ქრონიკული დაავადებების რისკის შემცირება შეუძლია. 

თევზის ქონი თევზის ცხიმოვანი უჯრედებიდან მოპოვებული პროდუქტია, რომელიც ჯანმრთელობისათვის სასარგებლო განსაკუთრებული თვისებებით ხასიათდება.  ეს ბუნებრივი კვებით დანამატი მდიდარია ომეგა-3 ცხიმოვანი მჟავებით, რომლებიც გადამწყვეტ როლს თამაშობს ადამიანის ჯანმრთელობასა და  საერთო კეთილდღეობაში. 

თევზის ქონი, მასში შემავალი ნივთიერებების გამო, განსაკუთრებულად სასარგებლოა ტვინის ფუნქციისა და კოგნიტიური ჯანმრთელობისათვის. პროდუქტს შეუძლია გააუმჯობესოს მეხსიერება და შეამციროს ნეიროდეგენერაციული რისკები. 

თევზის ქონის მიღების შემთხვევაში მნიშვნელოვნად მცირდება შფოთვისა და სხვა დეპრესიული სიმპტომების გამოვლენა. ასე, რომ პროდუქტი სტრესის მართვასაც უწყობს ხელს. 

და ბოლოს, როგორც გაირკვა, თევზი უნიკალური პროდუქტია, როგორც მისი გემოვნური თვისებების, ისე სარგებლიანობის გამო. ზემოთ ჩამოთვლილი ზღვის პროდუქტების შეძენა ევროპროდუქტის ნებისმიერ ფილიალში შეძლებთ.