ხილის ტარტი

ტარტის ცომისთვის:

• 1 კვერცხის გული
• 1 ს/კ მაღალპროცენტიანი ნაღების კრემი
• 1/2 ჩ/კ ვანილი
• 1 1/4 ჭიქა ფქვილი
• 2/3 ჭიქა შაქრის პუდრა
• მწიკვი მარილი
• 8 ს/კ ცივი კარაქი

ტარტის კრემისთვის:

• 1 1/2 ჭიქა რძე
• 1/2 ჭიქა ნაღების კრემი
• 1/2 ჭიქა შაქარი, ორად გაყავით
• მწიკვი მარილი
• 3 ს/კ სახამებელი
• 5 კვერცხის გული
• 4 ს/კ კარაქი
• 1/2 ჩ/კ ვანილი

მომზადება კრემისთვის:

შეურიეთ ერთმანეთს რძე, ნაღები და ნახევარი შაქარი საშუალო ზომის ქვაბში და მიიყვანეთ ადუღებამდე.

პატარა ჯამში მოათავსეთ შაქარი, მარილი, სახამებელი, კვერცხის გულები და გათქვიფეთ, ვიდრე არ მიიღებთ კრემოვან მასას. ამავე ჯამში ჩაასხით 1 ჭიქა ცხელი რძე (ქვაბიდან) და მოურიეთ. შემდეგ ეს მასა ჩაასხით ცხელი რძის ქვაბში და ურიეთ მანამ, სანამ არ მიიღებთ სქელ კრემოვან მასას. როდესაც ბუშტები დაიწყებს გახეთქვას 30 წამი გააჩერეთ და გადმოდგით. კრემი მოათავსეთ ღრმა ჯამში, გადააფარეთ სპეციალური კულინარიული ცელოფანი და 2-3 საათი გააციეთ.

ცომისთვის:

პატარა ჯამში შეურიეთ ერთმანეთს კვერცხის გული, ნაღების კრემი და ვანილი.

პროცესორში მოათავსეთ მშრალი ინგრედიენტები: ფქვილი, შაქრის პუდრა, მარილი და დაატრიალეთ რომ შეერიოს ერთმანეთს. დაამატეთ ცივი კარაქი და დაატრიალეთ კიდევ ერთხელ ცოტა ხნით.

პროცესორში ჩაამატეთ სველი ინგრედიენტების მიქსი და დაელოდეთ ვიდრე არ მიღებთ ცომის მასას. (გაითვალისწინეთ, რომ დიდი ხანი დაბლენდერება არაა საჭრო).

სპეციალურ ცელოფანში მოათავსეთ ცომი, მსუბუქად გააბრტყელეთ და ერთი საათი გააჩერეთ მაცივარში.

გააბრტყელეთ ცომი, მოათავსეთ ტარტის ფორმაში და გამოაცხვეთ 180 გრადუსზე.

გააციეთ გამომცხვარი ბისკვიტი და გადაუსვით კრემი. ტარტი მორთეთ სასურველი ხილით და ისიამოვნეთ.