ჩიზქეიქი ცხობის გარეშე

ალუბლის ჩიზქეიქი ხაჭოს გამოყენებით არის უგემრიელესი და მსუბუქი დესერტი, რომელიც არ საჭიროებს ცხობას. ეს რეცეპტი იდეალურია მათთვის, ვისაც უყვარს ტკბილეულის მომზადება, მაგრამ არ სურს ბევრი დრო დახარჯოს ღუმელთან. ხაჭოს ნაზი ტექსტურა, შაქრის სიტკბო და ალუბლის მჟავე გემო ერთმანეთს უნიკალურად ერწყმის და ქმნის დაუვიწყარ გასტრონომიულ გამოცდილებას. მოდით, გავეცნოთ ამ მარტივ, მაგრამ ძალიან გემრიელ რეცეპტს.

ინგრედიენტები 20 სმ-იანი ფორმისთვის

ჩიზქეიქის გულსართი:

• 400 გრ ხაჭო (გაცრილი ან დაბლენდერებული)
• 400 მლ მაღალი ცხიმიანობის დესერტის ნაღები
• 400 გრ კურკაგამოცლილი ალუბალი
• 150 გრ შაქრის ფხვნილი
• 100 გრ შაქარი
• 1 ლიმონის წვენი
• 30 გრ ჟელატინი
• 200 მლ რძე
• ვანილი

ორცხობილის ძირი:

• 400 გრ დაფქვილი ორცხობილა
• 200 გრ გამდნარი კარაქი

ზედსართი:

• 250 გრ ალუბალი
• 250 გრ ალუბლის ჟელე
• 15 გრ ჟელატინი

მომზადების ეტაპები

1. ჩიზქეიქის ძირის მომზადება:

• შეურიეთ დაფქვილ ორცხობილას გამდნარი კარაქი და კარგად მოზილეთ.
• გადაიტანეთ მიღებული მასა ჩიზქეიქის ფორმაში და კარგად დაატკეპნეთ ძირზე და კიდეებზე.
  
  2. გულსართის მომზადება:

• ცივ რძეში ჩაყარეთ 15 გრ ჟელატინი და დატოვეთ დასალბობად 20 წუთის განმავლობაში. შემდეგ, გააცხელეთ მიკროტალღურ ღუმელში ადუღების გარეშე.
• ერთ თასში გააერთიანეთ ხაჭო, ნაღები, შაქრის ფხვნილი და ვანილი. კარგად აურიეთ ერთგვაროვანი მასის მიღებამდე.
• დაამატეთ ლიმონის წვენი, შაქარი და გამზადებული ჟელატინის ნარევი. კიდევ ერთხელ აურიეთ.
• მიღებული გულსართი გადაასხით ორცხობილის ძირს და შედგით მაცივარში 4-5 საათით ან მთელი ღამით.
  
  3.ზედსართის მომზადება:

• 15 გრ ჟელატინს დაასხით ცივი წყალი და აცადეთ დაალბობას 20 წუთი.
• თანაბრად განალაგეთ ალუბლები გაციებულ ჩიზქეიქზე.
• გააცხელეთ დალბობილი ჟელატინი, ადუღების გარეშე.
• ოდნავ გააციეთ ჟელატინის ნარევი და თანაბრად გადაასხით ხილით დაფარულ ჩიზქეიქს.
• კვლავ შედგით დესერტი მაცივარში 2-3 საათით.

თქვენი უგემრიელესი ალუბლის ჩიზქეიქი მზადაა გასინჯვისთვის!

მიუხედაცად იმისა, რომ ეს ჩიზქეიქი არ ცხვება ის ნამდვილად მოხიბლავს ყველას - როგორც პატარებს, ისე დიდებს. იგი შექმნილია იმისთვის, რომ დიდხანს დაგამახსოვრდეთ თავისი შესანიშნავი ბალანსირებული გემოთი და აეროვანი, ნაზი ტექსტურით. მართალია, ჩიზქეიქის მომზადება ჩვეულებრივ საკმაოდ რთული და შრომატევადი პროცესია, მაგრამ ეს რეცეპტი საგრძნობლად ამარტივებს და აჩქარებს პროცესს, ამავდროულად შედეგი მაინც შთამბეჭდავი და გემრიელია.

ალუბალი და ხაჭო შესანიშნავად ერწყმის ერთმანეთს, ხოლო ორცხობილის ძირი დამატებით ტექსტურას და სიმდიდრეს სძენს დესერტს. ასე რომ, შეიკრიბეთ მთელი ოჯახი ან მეგობრები და ერთად ისიამოვნეთ ამ გამაგრილებელი და ზაფხულის განწყობის შემქმნელი ტკბილეულით. რაც მთავარია, ეს რეცეპტი ტოვებს სივრცეს იმპროვიზაციისა და ექსპერიმენტებისთვის - შეგიძლიათ შეცვალოთ ხილი სეზონის მიხედვით, დაამატოთ კაკაო ან ქოქოსის ნაფხვენი ძირზე, მოათავსოთ ტაფელა... წარმოიდგინეთ და განახორციელეთ ყველაზე გემრიელი კომბინაცია!

გისურვებთ შთაგონებას და ბედნიერ მომენტებს სამზარეულოში ექსპერიმენტებისას! გახსოვდეთ, გემრიელი საჭმელი გულისა და სულის საზრდოა, ამიტომ გაუზიარეთ სიყვარულით მომზადებული ალუბლის ჩიზქეიქი ახლობლებს და შექმენით ლამაზი მოგონებები!