შოკოლადის ტორტი

ინგრედიენტები

ცომისთვის:

• 2 ჭიქა შაქარი
• 1+3/4 ჭიქა ფქვილი
• 3/4 ჭიქა კაკაო
• 1+1/2 ჩ/კ გამაფხვიერებელი
• 1 1/2 ჩ/კ სოდა
• 1 ჩ/კ მარილი
• 2 კვერცხი
• 1 ჭიქა ამჟავებული რძე, იგივე buttermilk
• 1/2 ჭიქა დამდნარი Lurpak-ის კარაქი
• ვანილი
• 1/2 ჭიქა ცხელი ყავა

კრემისთვის:

• 200 გ დარბილებული Lurpak-ის კარაქი
• 1 ჭიქა კაკაო
• 1/2 ჭიქა Sterilgarda-ს რძე
• 2-3 ჭიქა შაქრის ,,პუდრა"

ამჟავებული რძე:

• 1 ჭიქა Sterilgarda-ს რძე
• 1 ს/კ ძმარი

მომზადება

გაახურეთ ღუმელი 180 გრადუსზე. თუ გაქვთ ორი ერთნაირი მრგვალი ტორტის საცხობი ღრმა ფირფიტა წაუსვით კარაქი.

ღრმა ჯამში ერთად მოათავსეთ შაქარი, ფქვილი, კაკაო, გამაფხვიერებელი, ვანილი, სოდა და მარილი. მოურიეთ. დაამატეთ კვერცხი და ამჟავებული რძე, იგივე buttermilk.

როგორ ავამჟაოთ რძე?

1 ჭიქა რძეში ჩაასხით 1 ს/კ ძმარი, 5-10 წუთი გააჩერეთ და შენიშნავთ, თუ როგორ გასქელდება რძის მასა.

აღნიშნული ინგრედიენტები მიქსერით დაახლოებით 2 წუთი ათქვიფეთ და ბოლოს ცხელი ყავა შეურიეთ.

დროა გამოაცხოთ 30-35 წუთის განმავლობაში. ვიდრე გამოიღებთ, გულში ასანთის ღერით შეამოწმეთ მზადაა თუ არა. თუ მხოლოდ ერთი ფორმა გაქვთ, ან გაყავით ორ ნაწილად და ისე გამოაცხეთ, ან ერთიანად გამოაცხეთ და შემდეგ გაჭერით შუაზე.

რაც შეეხება კრემს. კარაქი კარგად გათქვიფეთ მაღალი სიჩქარით, სუფრის კოვზით ნელ-ნელა დაუმატეთ კაკაო, იგივე მეთოდით შეურიეთ შაქარი. შეურიეთ ნელ-ნელა რძე, ვიდრე არ მიიღებთ სასურველ კონსისტენციას. კრემი უნდა იყოს ფაფუკი და მსუბუქი. ბოლოს საშუალო სიჩქარით 3 წუთი კიდევ ათქვიფეთ.

გაციებულ ბისკვიტს გადაუსვით კრემი და გააჩერეთ ცოტა ხანს მაცივარში. კრემი გამაგრდება. 

მორთეთ მარწყვით.