შვრიის ორცხობილები

დაგჭირდებათ:

• 120 კარაქი VALIO
• 190 გ ფქვილი
• 1 ჩ.კ. საცხობი პუდრი (გამაფხვიერებელი)
• ⅓ ჩ.კ. სოდა
• მწიკვი მარილი
• 140 გ შაქარი
• 1 პაკეტი ვანილის ფხვნილი (8 გ)
• 1 კვერცხი
• 1 კვერცხის ცილა
• 140 გ შვრია Helsinki Mills
• 90 გ მოხალული და დაჭრილი თხილი
• 80 გ ქიშმიში
• 50 გ შვრია ამოსავლებად

დაადნეთ და გააგრილეთ კარაქი.

მოზრდილ ჯამში მოათავსეთ ფქვილი, საცხობი პუდრი, სოდა, მარილი და აურიეთ.

მეორე ჯამში ათქვიფეთ კვერცხი, შაქარი, ვანილი, დამდნარი და გაგრილებული კარაქი.

თქვიფეთ ვიდრე მასა არ გაორმაგდება მოცულობაში.

ფქვილიან ჯამში ჩაასხით კვერცხის და შაქრის მასა, აურიეთ და ჩაყარეთ შვრია, დაჭრილი თხილი და ქიშმიში. მოურიეთ.

შეფუთეთ ჯამი და შეინახეთ მაცივარში 30 წუთით.

გააცხელეთ ღუმელი 190 გრადუსზე.

საცხობ ფირფიტას დააფინეთ საცხობი ქაღალდი ან სილიკონის ხალიჩა. გაგრილებული ცომით გააკეთეთ ბურთები (დაახლოებით 18-20 ბურთულა გამოგივათ), ამოავლეთ შვრიის ფანტელში, გაანაწილეთ 2 საცხობ ფირფიტაზე და მსუბუქად დატკეპნეთ ხელით.

გამოაცხვეთ ჯერ 1, შემდეგ კი მეორე ფირფიტა. ვაცხობთ 11-13 წუთის განმავლობაში.