ყარსული მწვადი / შაურმა

• წითელი ბულგარული წიწაკა - 6 ც.
• ხალაპენიო - 1-2 ცალი
• ქათმის ფილე - 1 კგ
• Kolios-ის ბერძნული იოგურტი - 2 ს.კ.
• ხახვი - 3-4 ც.
• ქინძი - 1 ჩ.კ.
• რეჰანი - 1 ჩ.კ.
• Esti-ს ცხარე წიწაკის სპრედი - 250 გ
• ნიორი - 1 თავი
• კიტრი - 2 ცალი
• კამა - რამდენიმე ღერი.
• Valio Fin-ის კარაქი - 100გ
• ტორტილა - 3 ცალი.

ხალაპენიო და ბულგარული შევწვათ მაყალზე.

ქათმის ფილე დავჭრათ თხლად და დავამარინადოთ ბერძნულ იოგურტში. გავხეხოთ 2 ცალი ხახვი, გავწუროთ და დავამატოთ მარინადს. დავამატოთ 1 ჩ.კ. ქინძი, რეჰანი, ცხარე წიწაკის სპრედი, ნიორი, ამოვურიოთ და დავასვენოთ 30 წუთით.

გადმოვიღოთ გრილიდან ბულგარული, გადავაკრათ კულინარიული ცელოფანი და დავასვენოთ.

თხლად დავჭრათ 2 კიტრი, ხახვი და 3-4 კბილი ნიორი, კამა და დავამატოთ მარილი. დავასვენოთ ცოტა ხნით, შემდეგ გავწუროთ, დავამტოთ ბერძნული იოგურტი 3 ს.კ. და კამა.

გავფცქვნათ წიწაკა, გავურიოთ ხალაპენიო და ცოტა ამოვზილოთ.

ქათმის მარინადი ავაწყოთ შამფურზე, გადავუსვათ Valio Fin-ის კარაქი და შევწვათ გრილზე.

ცეცხლზე შევაფიცხოთ ტორტილა. მოვხსნათ შამფურიდან ხორცი და ავაწყოთ შაურმა. ტორტილაზე მოვათავსოთ ხორცი, ბულგარული, კიტრისა და ხახვის მასა, მჭიდროდ  გადავახვიოთ და დავაბრუნოთ ცეცხლზე, ცოტა შევბრაწოთ და მივირთვათ.