ტირამისუ ჭიქაში

500გრ Granarolo-ს მასკარპონე

1 ჭიქა Valio-ს ნაღები

1 ჭიქა (ან მეტი) შაქარი

4 კვერცხი

ვანილი

La mole-ს სავოიარდის ორცხობილები

4-5 წითელი ფორთოხალი

3-4 ს/კ კონიაკი, ან რომი

მასკარპონეს დაუმატეთ შაქარი და კარგად გათქვიფეთ. შემდეგ გააცალკევეთ კვერცხის გული და ცილა ერთმანეთისგან და კვერცხის გულები სათითაოდ შეურიეთ მასკარპონეს მასას.

ცალკე ჯამში ნაღები გათქვიფეთ, ოღონდ ძალიან არ გაამაგროთ, რომ კარაქად არ გადაიქცეს. ნაღებიც შეურიეთ მთავარ ინგრედიენტებს და ერთიან მასად გადააქციეთ. დაუმატეთ ვანილი.

კვერცხის ცილებს რაც შეეხება, გათქვიფეთ ისე, რომ ჯამის ამოტრიალების შემთხვევაში არ გადმოსრიალდეს და დაუმატეთ მასკარპონეს და ნაღების ჯამს. ახლა უკვე გამოიყენეთ სილიკონის ჯოხი და ნაზად მოურიეთ. კრემი მზადაა!

გაწურეთ წითელი ფორთხოხლები, ჩაასხით წვენი ფართო და ღრმა თეფშზე, დაამატეთ რომი და მოურიეთ.

დაიწყეთ ტირამისუს აწყობა: ჯერ ძირზე მოათავსეთ კრემი, შემდეგ სავოიარდის ორცხობილები დაასველეთ ორივე მხარეს სათითაოდ გადაანაწილეთ. ასე გააკეთეთ 3 ფენა რომ გამოგივიდეთ. ბოლოს მოახეხეთ წითელი ფორთოხლის ცედრა.

გააჩერეთ ტირამისუ რამდენიმე საათი (ან მთელი ღამე) მაცივარში და გემრიელად მიირთვით!