პასკის მარტივი რეცეპტი

ინგრედიენტები

1 კგ ფქვილი

300 გრ შაქარი

20 გრ საფუარი

მწიკვი მარილი

400 გრ კარაქი

5 კვერცხი

400 მლ რძე

ვანილი

ქიშმიში, ცუკატები

სუნელები:

რომი/არაყი 30 მლ

1/2 ჩ/კ დარიჩინი

1/4 ჩ/კ მიხაკი

1/4 ჩ/კ მუსკატის კაკალი

1/2 ჩ/კ ჯანჯაფილი

1/4 ჩ/კ ილი

 ლიმონის ცედრა

მომზადება

წინა საღამოს შეურიეთ რომს/არაყს სუნელები და დატოვეთ მშრალ ადგილას.

მომზადების დღეს აურიეთ ერთმანეთში მშრალი ინგრედიენტები: ფქვილი, საფუარი, შაქარი და მარილი. დაამატეთ რბილი კარაქი და კარგად შეურიეთ მშრალ ინგრედიენტებში მიქსერის დახმარებით. ამის შემდეგ სათითაოთ შეათქვიფეთ კვერცხი, დაუმატეთ სუნელების ნაყენი, ვანილი და ქიშმიში, ან ცუკატები. ბოლოს დაამატეთ თბილი რძე (თბილზე ოდნავ ცხელი).

ცომი კარგად მოზილეთ და გაანაწილეთ ფორმებში. ფორმები ცომით შეავსეთ ნახევრამდე, შეფუთეთ და დაახლოებით 2 საათით მოათავსეთ თბილ ადგილას გასაფუებლად.

170-180 გრადუსზე გახურებულ ღუმელში მოათავსეთ პასკის ფორმები და გამოაცხვეთ 45-50 წუთი. ბოლო 15-20 წუთი დაუწიეთ ტემპერატურას 150 გრადუსამდე, რომ პასკა კარგად გამოშრეს.

რაც შეეხება შაქრის მინანქარს, იყიდება მზა სახით. 

ბედნიერ აღდგომას გისურვებთ!