ორაგულის ბანები

• 90 გ ღორის ქონი
• 15 გ საფუარი
• 100 გ შაქარი
• 600 გ ფქვილი
• 45 გ რძის ფხვნილი
• 2 გრამი გამაფხვიერებელი
• FREEZCO-ს ბიო ორაგულის ფილეს 1 ნაჭერი
• FREEZCO შებოლილი ორაგულის ფილეს რამდენიმე ნაჭერი
• 1 კონა მწვანე ხახვი
• ნახევარი შეკვრა Naturalis-ის სეზამის მარცვლები
• ერთი მუჭა Naturalis-ის მიწისთხილი
• 1 ც. მწვანე წიწაკა
• 1 ჩ.კ. სოიოს სოუსი
• 1 ჩ.კ. სეზამის ზეთი
• 1 ჩ.კ. ბრინჯის ძმარი
• სირაჩა

გავალღოთ ღორის ქონი და გავაგრილოთ.

მიქსერის ჯამში ჩავასხათ 350 მლ წყალი, დავამატოთ საფუარი, შაქარი და 1 მწიკვი მარილი.

600 გრამ ფქვილში ავურიოთ 45 გრამი რძის ფხვნილი, 2 გრამი გამაფხვიერებელი, დავამატოთ წყლის მასაში და ავურიოთ მიქსერით. მას მერე, რაც ცომი მოიზილება, ჩავამატოთ ქონი და კიდევ კარგად მოვზილოთ. ცომი შევინახოთ 1 საათით ოთახის ტემპერატურაზე.

დავჭრათ პატარა კუბებად კლასიკური ორაგულის ფილე და რიგითობით დავამატოთ: ნახევარი კონა მწვანე ხახვი, ტაფაზე წინასწარ მოხალული Naturalis-ის სეზამის მარცვლები,  დაკეპილი Naturalis-ის მიწისთხილი, 1 ც. წვრილად დაჭრილი მწვანე წიწაკა. 1 ჩ.კ. სოიოს სოუსი და 1 ჩ.კ. სეზამის ზეთი, 1.ჩ. კ. ბრინჯის ძმარი, რამდენიმე ნაჭერი შებოლილი ორაგული და შევინახოთ მაცივარში დასამარინადებლად.

გადავზილოთ ცომი და დავანაწევროთ 60 გრამიან ნაწილებად, რომლებსაც ოდნავ გავაბრტყელებთ და გადავკეცავთ ვიდეოში მოცემული ინსტრუქციის მიხედვით. მოვათავსოთ ბანები ლანგარზე და გამოვაცხოთ ორთქლის რეჟიმზე 30 – 40 წუთის განმავლობაში.

გამომცხვარ ბანს მოვასხათ ცოტა სირაჩა, ჩავდოთ ორაგულის მასა, მოვაყაროთ სეზამი, მიწისთხილი და მწვანე ხახვი.