ორაგული ნაღების სოუსით

ინგრედიენტები ორ პერსონაზე:

• 400 გ ორაგული
• 1 ლაიმი ან ლიმონი
• 400 გ სატაცური
• 250 გ Elle & vire-ის ნაღები 35%-იანი
• 1-2 კბილი ნიორი
• 20 გ კარაქი
• 10 გ ზეითუნის ზეთი
• მარილი და პილპილი გემოვნებით
• მწიკვი ხმელი ბაზილიკი

ორაგული გარეცხეთ, შეაშრეთ ხელსახოცზე, მოაყარეთ მარილი და პილპილი, შეწვით ზეითუნის ზეთში ორივე მხრიდან. მოასხით ½ ლაიმის წვენი.

ცხელ ტაფაზე შეწვით წინასწარ მოწალული სატაცური, მოაყარეთ მარილი და პილპილი.

ნაღების სოუსის მოსამზადებლად პატარა ქვაბში გაადნეთ კარაქი, მოშუშეთ წვრილად დაჭრილი ნიორი, დაასხით ნაღები და წამოადუღეთ, უფრო მსუბუქი სოუსისთვის გამოიყენეთ 12 %-იანი ნაღები. დაუმატეთ მარილი, პილპილი და ხმელი ბაზილიკი, ჩააწურეთ ½ ლაიმის წვენი, კარგად მოურიეთ და მოასხით თეფშზე სერვირებულ ცხელ ორაგულს და სატაცურს.