კროკეტი

ინგრედიენტები:

• 2 საშუალო ზომის კარტოფილი
• 1 კვერცხის გული
• 25 გრამი გახეხილი პარმეზანი
• შავი პილპილი
• მუსკატის კაკალი
• მარილი

ამოსავლებად :

• 2 კვერცხის ცილა
• პურის ორცხობილა

გულსართი :

• გამომშრალი მოცარელა
• ან რომელიმე ყველი რომელიც იწელება

მომზადების წესი:

მოვხარშოთ კარტოფილი. წყლის გადაწურვის მერე დავდგათ დაბალ ცეცხლზე, რომ ზედმეტი სისველე ამოიშროს. გავაცალოთ კანი და დავჭყლიტოთ. დავამატოთ კვერცხის გული, პარმეზანი, შავი პილპილი, მარილი და ცოტაოდენი მუსკატის კაკალი.

ამოვიღოთ პატარა გუნდები ჩავუდოთ ყველი და დავხუროთ ( ყველი არ უნდა გამოვიდეს გარეთ ). ხელისგულებს შორის მივცეთ „მუთაქის ფორმა“. გვერდებზე კი დავაწვეთ თითის ბალიშებით. ორ-ორჯერ ამოვავლოთ კვერცხის ცილაში და საფანელში.

გავახუროთ ტაფა და დავბრაწოთ ცხელ ზეთში.