კესადია

• წითელი ხახვი - 1ც
• წითელი ბულგარული 1ც
• მწვანე ბულგარული - 1ც
• მწვანე ხახვი - რამდენიმე ღერი
• ქამა სოკო - 200გ
• სიმინდი - 150 გ
• ლობიო 150 გ
• ცხარე სოუსი
• Elpozo-ს ჩორიზო - 1 შეკვრა
• ქათმის ფილე - 1კგ
• საქონლის ხორცი - 500გ
• პაპრიკა
• ბეგქონდარა - რამდენიმე ღერი
• ლაიმი - 1 ც
• მაიონეზი - 1 ს.კ.
• Frico-ს გაუდა - 4 ფენა
• Granarolo-ს მოცარელა - 5-6 ცალი

დავჭრათ გრძლად წითელი ხახვი, წითელი ბულგარული, მწვანე ბულგარული, მწვანე ხახვი, სოკო და ჩორიზო.

ქათმის ფილეს მოვაყაროთ მარილი და შევბრაწოთ. დავამატოთ ჩორიზო, ხახვი, წყალი, დავუწიოთ ცეცხლს და მოვთუშოთ. მოვაყაროთ პაპრიკა, შაქარი და ცოტა დავძენძოთ ფილე. კიდევ დავამატოთ წყალი და დავამატოთ დარჩენილი ჩორიზო. გავჩეროთ 25 წუთი. მერე კიდევ კარგად დავძენძოთ ხორცი, დავამატოთ წითელი ბულგარული და ცხარე სოუსი. გავჩეროთ, რომ წვენი ცოტა შეიშროს და გადმოვდგათ ცეცხლიდან.

დავჭრათ საქონლის ხორცი. მოვასხათ ლაიმი, მოვაყაროთ მწვანე ხახვი, ბეგქონდარა, მარილი, და პაპრიკა. მოვასხათ ცოტა ზეთი და დავამარინადოთ. ხორცი გადავიტანოთ ზეთიან ტაფაზე და შევბრაწოთ. დავამატოთ სოკო, წყალი, ლობიო, მაიონეზი.

ავაწყოთ კესადია. ტორტიაზე, გადავიტანოთ ქათმის ფილეს მასა, მოვაყაროთ სიმინდი, დავაფაროთ ორი ნაჭერი გაუდა და შევდგათ გახურებულ ღუმელში.

ავაწყოთ მეორე ვარიაცია. გადავიტანოთ ტორტიაზე საქონლის ხორცის მასა, დავაფინოთ რამდენიმე ბურთულა დაშლილილი მოცარელა, გადავკეცოთ და შევდგათ გახურებულ ღუმელში.

გამოვიღოთ, როგორც კი ყველი დადნება და გემრიელად მივირთვათ.