დანიური კრემ-ყველის დესერტი

ფენოვანი ცომის ინგრედიენტები: 250 მლ თბილი წყალი, 1 ს/კ მარილი, 1 ს/კ შაქარი, 1 ს/კ არაყი, 1 ს/კ ძმარი, 1 ს/კ ზეთი,1 კვერცხი, 3 ჭიქა ფქვილი, 250 გრ ლურპაკის კარაქი

ფენოვანი ცომის მომზადება მომზადება:

წყალს შეურიეთ მარილი, შაქარი, არაყი, ძმარი, ზეთი და კვერცხი. გააერთიანეთ მასა, ბილოს შეაზილეთ ფქვილი. როგორც კი მიიღებთ მყარი ცომის მასას დაასვენეთ 1 საათი. გააბრტყელეთ და გადაუსვით კარაქი მთლიან ზედაპირზე 50- 70 გრ პირველ ჯერზე.დაკეცეთ ცომი და შედგით მაცივარში. გამოიღეთ 1 საათში გააბრტყელეთ ცომი და კვლავ გადაუსვით კარაქი. ასე გაიმეორეთ 3-4 ჯერ, ბოლოს დაასვენეთ ცომი კვლავ 1 საათი და შემდგომ შეგიძლიათ გამოიყენოთ.

კრემ-ყველის კრემის ინგრედიენტები: არლას კრემ-ყველი 500 გრ , შაქრის ფხვნილი 200 გრ + თავზე მოსაყრელად

კრემის მომზადება:

ვთქვეფთ კრემყველს და ვუმატებთ შაქრის ფხვნილს, როგირც კი კრემი ჰაეროვანი გახსება, მზადაა.

შეგიძლიათ გამოიყენოთ მოსართავად.

ლიმონ ქარდის ინგრედიენტები: 2 ლიმონის ცედრა,150 მლ ლიმონის წვენი , 4 კვერცხი, 150 გრ კარაქი და 2 ს/კ სიმინდის სახამებელი.

მომზადება: ყველა ინგრედიენტი შევურიოთ ერთმანეთს და დავდგათ ორთქლის აბაზანაზე, ვურიოთ ერთგვაროვანი მასის მიღებამდე და დუღილის პირველ ბუშტამდე. შემდეგ გადმოვდგათ და გავაგრილოთ მაცივარში, რამდენიმე საათი. დესერტის მორთვის წინ გავთქვიფოთ და მოვრთოთ.

გულსართი:

ლურჯი მოცვი, წითელი მოცხარი, ხილის ნაირსახეობა

50 გრ შაქრის ფხვნილს +2 ს/კ რძე მოსართავად

ნუშის ფანტელი

აწყობა: მართკუთხა ან ოთკუთხა ფორმებად ვჭრით ფენოვან ცომს, გულში ვუსვამთ კრემყველის კრემს ვაწყობთ მასზე გაყინულ ხილს და ვაცხობთ გახურებულ ღუმელში 180 გრადუსზე 20-30 წუთი, (დაარეგულირეთ თქვენი ღუმელის შესაბამისად) გამომცხვარი დესერტი გამოგვაქვს ღუმელიდან, ვასხამთ ზოლებად ლიმონის კრემს, მოსართავად ვასხამთ შაქრის გლაზურს და ვაყრით ნუშის ფანტელს.