ჩაის მოქტეილი მანგოთი და ლაიმით

ლეგენდის თანახმად,  ჩაის ჩინეთში ჩვენს წელთაღრიცხვამდე დაახლოებით 2700 წელს უკვე იყენებდნენ. ათასწლეულების განმავლობაში ეს იყო სამკურნალო სასმელი, რომელიც ცხელ  წყალში ახალი ფოთლების მოხარშვით მზადდებოდა. დაახლოებით III საუკუნეში მან მეტი დატვირთვა შეიძინა და დაიწყო ჩაის კულტივაცია და გადამუშავება.

მის მერე ეს მაგიური სასმელი ყოველთვის იყო ადამიანის ყოველდღიური რუტინის შემადგენელი ნაწილი. სამკურნალო თვისებები დღესაც ძალიან დაფასებულია და ძველ ჩინელებს არც   ჩაის სხვადასხვა მიზნით გამოყენებაში ჩამოვრჩებით.

თანამედროვე გასტრონომიაში ამ სასმელმა უამრავი განვითარება ჰპოვა და ერთ-ერთი ასეთი პროდუქტი ჩაის მოქტეილია (სხვა სიტყვებით რომ ვთქვათ - არაალკოჰოლური კოქტეილი).

ცეილონის ჩაის უმსხვილესი მწარმომებელი “დილმა” პიონერი იყო არომატული ნაყენის მრავალფუნქციური თვისებების ბოლომდე ათვისებაში. ის თავის მომხმარებელსაც უწყობს ხელს ჩაის ახალი და აქამდე უცნობი შესაძლებლობები საკუთარ თავზე გამოსცადონ და მომზადების მრავალფეროვან რეცეპტებს სთავაზობს.

 დღეს “დილმას” მიერ შექმნილი ერთ-ერთი ასეთი მოქტეილის მომზადებას გასწავლით.


ინგრედიენტები

80 მლ დილმას შავი ჩაი „ინგლისური საუზმე“

20 მლ მანგოს წვენი

10 მლ დარიჩინის სიროფი

10 მლ ლაიმის წვენი

20 მლ ფორთოხლის წვენი

 და არ დაგავიწყდეთ პიტნა



მომზადების წესი 

ნატურალური წვენები და სიროფი ყინულებთან ერთად ერთმანეთში აურიეთ და ცოტა ხანი შეანჯღრიეთ. შემდეგ გადმოწურეთ ყინულიან ჭიქაში და არ დაგავიწყდეთ თან დაურთოთ პიტნა.

როგორც ხედავთ, მომზადება ძალიან მარტივია და ისღა დაგრჩენიათ, რომ ბოლომდე დატკბეთ მოქტეილით, რომელიც ჩაითა და სხვა ინგრედიენტების ცოცხალი გემოებითაა გაჯერებული.

„დილმა“ შრი-ლანკაში 1985 წელს დაფუძნდა და მალევე ცეილონის ჩაის მთავარ მწარმოებლად იქცა. ამის მიზეზი უმაღლესი ხარისხი და კრეფისა და მომზადების ტრადიციული მეთოდი გახდა, რომელიც სრულიად გამორიცხავს ხელოვნურ დანამატებს. მისი პროდუქცია 100-ზე მეტ ქვეყანაშია ხელმისაწვდომი და მათ შორისაა საქართველოც. 

„დილმას“ ოფიციალური წარმომადგენელი საქართველოში „ევროპროდუქტია“. ხელით დაკრეფილი საუკეთესო ფოთლებისა და ყლორტებისგან დამზადებული ჩაის სრული ასორტიმენტი მის მაღაზიათა ქსელში დაგხვდებათ. ასევე, ხელმისაწვდომია მსხვილ სუპერმარკეტებსა და ჰიპერმარკეტებში.