ფენქეიქი

დაგჭირდებათ:

✔️ 250 მლ რძე

✔️ 2 ს/კ ზეთი

✔️ 1 კვერცხი

✔️ 60 გრ შაქარი (თუ ტკბილი გიყვართ დაუმატეთ)

✔️ მწიკვი მარილი

✔️ ვანილი

✔️ 1 ცალი ლაიმის ცედრა

✔️ 10 გრ გამაფხვიერებელი

✔️ 160  გრ ფქვილი ( შეგიძლიათ შვრიის ფქვილი გამოიყენოთ)

ფენქეიქის მომზადება:

კვერცხი და შაქარი კარგად გათქვიფეთ, დაუმატეთ რძე მარილი, ვანილი, გამაფხვიერებელი და განაგრძეთ თქვეფა მიქსერით (ან ხელის სათქვეფით) დაუმატეთ ზეთი, ლაიმის ცედრა და დააცერით ფქვილი. როგორც კი მიიღებთ ერთგვაროვან ცომს შეგიძლიათ დაიწყოთ ცხობა. (უნდა მიიღოთ საშუალო სისქის მასა).  თუ ტაფა ცხელია შეგვიძლია გამოვაცხვოთ ოლადები. შეარჩიეთ ტაფა, რომლიც არ მიიკრავს. შეგიძლიათ ტაფას ზეთი მოუსვათ. დაასხით სასურველი რაოდენობის ცომის მასა ტაფაზე, როგორც კი ბუშტუკებს გაიჩენს ამოაბრუნეთ, ასე რიგრიგობით.

კრემისთვის დაგჭირდებათ:

✔️ ხაჭოყველი /კრემყველი 100გრ

✔️ იოგურტი 100 გრ (ნებისმიერი თქვენთვის სასურველი ხილის)

✔️ კარაქი 50 გრ (ოთახის ტემპერატურის )

კარგად გათქვიფეთ კარაქი გათეთრებამდე გაურიეთ ხაჭოყველი განაგრძეთ თქვეფა და დაუმატეთ იოგურტი. (თუ სიტკბო თქვეთვის საკმარისი არ აღმოჩნდა დაუმატეთ შაქრის ფხვნილი)

სერვირებისთვის გამოვიყენეთ - დაღერღილი ფისტა, წითელი მოცხარი და მაყვალი