სტაფილოს ნამცხვარი კარდამონითა და კარაქის კრემით

სტაფილოს ნამცხვარი კარდამონითა და კარაქის კრემით

მუსკატის კაკალი, დარიჩინი, მოხალული ფისტა, გახეხილი სტაფილო და ფორთოხლის ცედრით გაჯერებული კარაქის კრემი – ამ და სხვა ინგრედიენტებით მოამზადებთ სტაფილოს ნამცხვარს, რომლითაც მეგობრებისა და ოჯახის წევრების გაოცებას ნამდვილად შეძლებთ. ის ნამცხვრის კლასიკურ და ნაცნობ გემოებსაც გაგახსენებთ და ახალ არომატებსაც აღმოგაჩენინებთ. რაც მთავარია, ის წლის ყველა სეზონს და ნებისმიერ სადღესასწაულო სუფრას უხდება.

ასე რომ, მიჰყევით ჩვენს სპეციალურ რეცეპტს და მოამზადეთ ცოცხალი და მდიდარი გემოებით გაჯერებული სტაფილოს ნამცხვარი.

მომზადების დრო: 30 წუთი                           ულუფა: 8-10 კაცი

ინგრედიენტები

150 გრ ლურპაკის უმარილო კარაქი

150 გრ ღია ყავისფერი შაქარი

3 კვერცხი

200 გრ ასაფუებელი ფქვილი

1 ჩ.კ. ბიკარბონატი (სოდა)

½ ჩ.კ. მარილი

1 ჩ.კ. დაფქული დარიჩინი

½ ჩ.კ. გახეხილი მუსკატის კაკალი

200 გრ სტაფილო, გაფცქვნილი და წვრილად გახეხილი

50 გრფისტა, მოხალულიდაუხეშადდაჭრილი, შემოინახეთცოტაგასაფორმებლად

კარაქის კრემისთვის

200 გრ ლურპაკის მარილიანი კარაქი

400 გრ შაქრის პუდრი

2 ჩ.კ. დაფქული კარდამონი

2 ფორთოხლის ცედრა

2-3 ს.კ. მოუხდელი (ცხიმიანი) რძე

მომზადების წესი

დიდ ქვაბში ათქვიფეთ გამდნარი კარაქი, შაქარი და კვერცხები, სანამ არ მიიღებთ მსუბუქ და ფუმფულა მასას.

ერთმანეთში არეული ფქვილი, ბიკარბონატი, მარილი, დარიჩინი და მუსკატის კაკალი გაურიეთ კარაქის მიქსტურას. შემდეგ კი, დაუმატეთ მას სტაფილო და ფისტა. მიღებული მასა თანაბრად გაანაწილეთ ორ სხვადასხვა გამოსაცხობ ფორმაში (ფორმებს წინასწარ წაუსვით ცხიმი). მოათავსეთ ისინი 180°C-მდე წინასწარ გაცხელებული ღუმლის შუა თაროზე. აცხვეთ დაახლოებით 25-30 წუთის განმავლობაში. ღუმლიდან გამოღების შემდეგ, გააგრილეთ და ამოიღეთ ნამცხვრები ფორმებიდან.

კარაქის კრემის მოსამზადებლად, ათქვიფეთ მარილიანი კარაქი 5 წუთის განმავლობაში, სანამ არ მიიღებთ მსუბუქ და ფუმფულა მასას. დაუმატეთ მას შაქრის პუდრი, კარდამონი, ფორთოხლის ცედრა და კარგად შეურიეთ ინგრედიენტები. შემდეგ ჩაასხით რძე და ათქვიფეთ.

გამზადებული კარაქის კრემი გადაუსვით ნამცხვრის ერთ ფენას და დაადეთ ზემოდან მეორე. დარჩენილი კრემით მეორე ფენაც დაფარეთ და ზემოდან მოაყარეთ ფისტა.

რჩევები

გირჩევთ, კარაქის კრემი გამოყენებამდე მაცივარში 15 წუთით მოათავსოთ და გააციოთ. გაციებული კრემი უფრო დამყოლი გახდება და წასმაც უფრო გაგიმარტივდებათ.

ამასთან ერთად, მნიშვნელოვანია სწორად შევარჩიოთ კარაქის ტიპიც. მაგალითად, კრემის დასამზადებლად ლურპაკის მარილიანი კარაქი ავირჩიეთ, რაც გემოების გამოკვეთასა და გაძლიერებაში დაგვეხმარა. ნამცხვრის ფირფიტებისთვის კი, უმარილო კარაქი გამოვიყენეთ, რათა მიგვეღო უფრო ტენიანი და ნაზი მასა.

https://www.lurpak.co.uk/cooking-with-lurpak/carrot-cake-cardamom-orange-zest-buttercream/