ორცხობილას ტორტი კენკრით

დაგჭირდებათ:

• 100 გ კარაქი Elle & Vire
• 50 გ შაქარი
• 150 გ ფქვილი
• მწიკვი მარილი

კრემისთვის:

• 160 გ ნაღები Elle & Vire 35%
• 140 გ კრემ ყველი Elle & Vire
• 50 გ შაქრის პუდრი
• ½ ჩ.კ. ვანილის ექსტრაქტი
• კენკრა გასაფორმებლად

ოთახის ტემპერატურის კარაქი და შაქარი ავთქვიფოთ მიქსერით, კარგად გავათეთროთ.

დავუმატოთ ფქვილი, მარილი და მოვზილოთ ცომი. გადავფუთოთ საკვებ პარკში და შევინახოთ მაცივარში მინიმუმ 1 საათით. შეგიძლიათ ცომი წინა დღესაც მოამზადოთ.

გავაცხელოთ ღუმელი 190 გრადუსზე.

ცომი გავაბრტყელოთ ფქვილის დახმარებით, ამოვჭრათ 18 სმ დიამეტრის რგოლი, შუა გული კი ამოვჭრათ 8 სმ დიამეტრის ყალიბით ან ჭიქით. 

საცხობ ფირფიტაზე დავაფინოთ საცხობი ქაღალდი, ფრთხილად გადავიტანოთ რგოლი და დავაფაროთ პერფორირებული ხალიჩა ერთგვაროვანი ზედაპირისთვის. (თუ არ გაქვთ, გამოაცხვეთ ჩვეულებრივ).

ვაცხობთ 14-15 წუთი.

გამომცხვარ ფენებს ვაგრილებთ სწორ ზედაპირზე, რადგან ცხელ მდგომარეობაში რბილია, გაგრილებული კი ხრაშუნა ხდება.

ვაცხობთ 3 ფირფიტას.

კრემის მოსამზადებლად ყველა ინგრედიენტს მოვათავსებთ მიქსერის ჯამში და ავთქვეფთ ვიდრე მასა არ შეიკვრება, ზედმეტად არ გადათქვიფოთ.

კრემს გადავიტანთ საკონდიტრო ტომარაში და ვანაწილებთ ფირფიტაზე, ვაფორმებთ სხვადასხვა კენკრით.