ბრი ფენოვან ცომში

დაგჭირდებათ:

• 400 გ მზა ფენოვანი ცომი
• 4 ს.კ. ST. Dalfour-ის 4 ხილის ჯემი
• Ile De France -ის ყველი Petite Brie
• 1 კვერცხის გული
• მწიკვი ქონდარი

გავაცხელოთ ღუმელი 210 გრადუსზე.

ფენოვანი ცომი გავაბრტყელოთ 1 სანტიმეტრამდე და გავყოთ ორი თანაბარი ზომის წრედ. 1 წრე დავდოთ საცხობ ქაღალდზე, გადავუსვათ ჯემი, ცენტრში დავდოთ ყველი და მსუბუქად დავსეროთ დანით. მეორე ცომს ამოვაჭრათ შუაში ყველის დიამეტრის ნაჭერი და გადავაფაროთ ჯემიან ცომს. 

ცომის დისკი გავჭრათ ოთხ თანაბარ ნაწილად, თითოეული მეოთხედი კიდევ ოთხად, დავატრიალოთ ყოველი ნაჭერი რამდენჯერმე. გადავუსვათ კვერცხის გულს + 1 ს.კ რძე და ვაცხოთ 20-30 წუთი ან ვიდრე ყველი არ დადნება და ცომი ოქროსფერ შეფერილობას მიიღებს.

მოვაყაროთ ქონდარი და მივირთვათ თბილი.