ულაქტოზო

ლაქტოზა რძეში

ლაქტოზა არის შაქრის სახეობა, რომელიც გვხვდება რძესა და რძის პროდუქტებში. იგი შედგება ორი პატარა ნივთიერებისგან გლუკოზისა და გალაქტოზისგან, რომლებიც ერთმანეთთან არის დაკავშირებული. როდესაც ჩვენ ვჭამთ ლაქტოზას შემცველ საკვებს, ჩვენი ორგანიზმი იყენებს ფერმენტს, სახელად ლაქტაზას, რათა დაშალოს იგი ამ პატარა შაქრებად. ეს გვეხმარება უფრო მარტივად შევძლოთ მათი ათვისება ენერგიის გამოსაყენებლად. ზოგიერთი ადამიანის ორგანიზმი არ გამოიმუშავებს საკმარის ლაქტაზას ეს კი ართულებს ლაქტოზის მონელებას. ეს მდგომარეობა ცნობილია როგორც ლაქტოზას აუტანლობა.

მათთვის, ვისთვისაც ლაქტოზის მიღება დისკომფორტს არ უკავშირდება, შაქრის ეს სახეობა ენერგიის მნიშვნელოვანი წყაროა. ის განსაკუთრებით სასიცოცხლოდ მნიშვნელოვანია ჩვილებისთვის, რადგან ის არის ერთ-ერთი მთავარი შაქარი, რომელიც გვხვდება დედის რძეში. ლაქტოზა ასევე არის ისეთი რძის პროდუქტების უმეტესობაში, როგორიცაა ყველი, იოგურტი და ნაყინი. მიუხედავად იმისა, რომ ძუძუმწოვართა უმეტესობა ახალგაზრდა ასაკში სვამს რძეს, ზოგიერთი ჩვენგანის ორგანიზმი ამცირებს ლაქტაზას გამომუშავებას და, შესაბამისად მცირდება ლაქტოზას ტოლერანტობას ასაკთან ერთად. აქედან გამომდინარე რძის მოყვარულთათვის, რომელთაც ლაქტოზის აუტანლობა აწუხებთ მნიშვნელოვანია გემრიელი ალტერნატივების მოძიება, სწორედ ამიტომ სუპერმარკეტების ქსელი “ევროპროდუქტი” ულაქტოზო რძის ფართო არჩევანს გთავაზობთ.

ულაქტოზო რძე

ულაქტოზო რძე ძალიან ჰგავს ჩვეულებრივ რძეს, თუმცა ამ შემთხვევაში ლაქტოზა ამოღებულია ან დაშლილია მარტივ შაქარებად - გლუკოზად და გალაქტოზად. ეს კეთდება სწორედ ზემოთ ნახსენები ფერმენტის ლაქტაზას გამოყენებით, რომელსაც რძეს გამოყენებამდე უმატებენ. ლაქტაზას ფერმენტი არღვევს ლაქტოზას მის დალევამდე, ეს კი აადვილებს მონელებას ლაქტოზის აუტანლობის მქონე ადამიანებისთვის.

ულაქტოზო რძე ოდნავ უფრო ტკბილია, ვიდრე ჩვეულებრივი რძე, რადგან დაშლილი შაქარი ატკბობს პროდუქტს. ორგანიზმისთვის მნიშვნელოვანი ნივთიერებების შემცველობის თვალსაზრისით, ასეთი რძე და ჩვეულებრივი რძე თითქმის იდენტურია. ის შეიცავს იგივე რაოდენობით კალციუმს, ვიტამინებსა და ცილებს, რაც სასარგებლოა ძვლებისთვის, კბილებისთვის და კუნთებისთვის.

როგორ მზადდება ნუშის რძე?

ნუშის რძე საკმაოდ მარტივი მოსამზადებელია და პროცესი რამდენიმე მარტივი ნაბიჯისგან შედგება.

პირველ რიგში, ნუში 8-12 საათის განმავლობაში უნდა მოვათავსოთ წყალში, რათა ნუში დარბილდეს და გემოვნური თვისებები განუვითარდეს. 

გაჟღენთის შემდეგ ნუში უნდა გავწუროთ და გავრეცხოთ. შემდეგ გაწურულ ნუშს კვლავ ვურევთ წყალს. ნუშსა და წლის თანაფარდობა უნდა იყოს 1:2 ან 1:3 იმის მიხედვით თუ რამდენად სქელი მასის მიღება გსურთ.

საბოლოოდ, მიღებული მასა უნდა გავწუროთ და სურვილისამებრ დავუმატოთ არომატიზატორი.

სახლში მომზადებული ნუშის რძისგან განსხვავებით კომერციული მიზნით მომზადებისას კომპანიები კიდევ ერთ ეტაპს გადიან და პროდუქტს უმატებენ ვიტამინებსა და მინერალებს, როგორიცაა კალციუმი და ვიტამინი D, რათა მათი ულაქტოზო რძე მეტად სასარგებლო იყოს.

ქოქოსის რძე

ქოქოსის რძე მზადდება მომწიფებული ქოქოსის ხორცისგან და არის კრემისებრი, მდიდარი სითხე, რომელიც წარმოადგენს მრავალი ტროპიკული სამზარეულოს საყვარელ პროდუქტს. მისი მომზადების წესი მარტივია:

პირველ რიგში, უნდა ამოვიღოთ ქოქოსის შიგნით არსებული თეთრი ხორცი.

შემდეგ ქოქოსის ხორცს წვრილად ვჭრით და ვურევთ წყალს, საბოლოოდ კი მას მიღებულ მასას ვწურავთ. ამჯერადაც დასამატებელი წყლის რაოდენობა დამოკიდებულია იმაზე, თუ რამდენად სქელი რძე გსურთ. ნაკლები წყალით მზადდება უფრო სქელი, ნაღების მაგვარი სისქის მქონე მასა, რომელსაც ხშირად უწოდებენ "ქოქოსის კრემს", ხოლო მეტი წყლის დამატებით კეთდება ქოქოსის რძე.

ქოქოსის რძე მდიდარია ცხიმებით, ეს კი მას აძლევს კრემისებრ ტექსტურას. თავის მხრივ სასარგებლო ცხიმების შემცველობის გამო ქოქოსის რძე ჩვეულებრივი რძის ფანტასტიკური ალტერნატივაა ცხობის დროს. იგი ფართოდ გამოიყენება სუპებში, დესერტებსა და სასმელებში. 

მნიშვნელოვანი ნივთიერებების შემცველობის თვალსაზრისით, ქოქოსი რძე მდიდარია გაჯერებული ცხიმებით, მაგრამ ასევე უზრუნველყოფს აუცილებელ საკვებ ნივთიერებებს, ვიტამინებს და მინერალებს. მაღაზიებში, ქოქოსის რძე ხშირად გვხვდება დაკონსერვებულ ან მუყაოს კოლოფში და ასევე ხელმისაწვდომია ფხვნილის სახით, რომელიც შეიძლება წყალში შერევით გავხსნათ. პროდუქტის ნაზი კონსისტენცია და ტროპიკული არომატი მას პოპულარულ არჩევანს ხდის ვეგანურ და ულაქტოზო რეცეპტებშიც.