შვრია და გრანოლა - ყველაფერი, რაც ჯანსაღი საუზმის მოსამზადებლად უნდა იცოდეთ

შვრია და გრანოლა, ერთი შეხედვით, მსგავსი საკვები პროდუქტებია, თუმცა ისინი ერთმანეთისაგან მომზადების მეთოდით, გემოვნური თვისებებითა და კვებითი ღირებულებით განსხვავდება. 

შვრია, ჩაის, პურისა და კარაქის კომბინაციის მსგავსად, კლასიკურ საუზმედ მიიჩნევა. ის მარტივად და სწრაფად მზადდება: ფანტელები, გემოვნების მიხედვით, წყალში ან რძეში რამდენიმე წუთის განმავლობაში იხარშება. დუღილის პროცესში სახამებელი გამოიყოფა და ფაფის კონსისტენციის ხდება, რომელშიც ბუნებრივი ბოჭკო, განსაკუთრებით ბეტა-გლუკანი ნარჩუნდება. 

გრანოლა განსხვავებული შემადგენლობისა და გემოს მქონე პროდუქტია. მის დასამზადებლად შვრიის ფანტელებს იყენებენ, თუმცა თაფლს, ნეკერჩხლის სიროფს, თხილეულსა და ჩირებს უმატებენ. მასას კარგად ურევენ და შემდეგ ღუმელში აცხობენ. მაღალ ტემპერატურაზე შაქარი კარამელიზდება, გრანოლა ოქროსფერ შეფერილობას იღებს და ხრაშუნა ტექსტურის ხდება. 

ფანტელებისა და გრანოლას ხარისხი დამოკიდებულია იმაზე, თუ რომელი ტიპის შვრიაა გამოყენებული. არსებობს რამდენიმე ძირითადი ფორმა, ესენია: მთელმარცვლოვანი,  მსხვირმარცვლოვანი და სწრაფი მომზადების. 

მთლიან შვრიის მარცვალს, რომელიც მხოლოდ 2-3 ნაწილად არის დაჭრილი, მსხვილმარცვლოვანს უწოდებენ. ფანტელები მინიმალურად მუშავდება, არ ზიანდება მათი სტრუქტურა და პროდუქტში სრულად შენარჩუნებულია უჯრედისი, ვიტამინები და მინერალები, რის გამოც ყველა სხვა ტიპთან შედარებით, დაბალი გლიკემიური ინდექსი აქვს. ეს კი იმას ნიშნავს, რომ პროდუქტი სასარგებლოა გულ-სისხლძარღვთა სისტემის ჯანმრთელობისთვის, დაბალკალორიულია და ჯანსაღი კვების რაციონთან სრულად თავსებადია. 

მთელმარცვლოვან შვრიას მოსახარშად დაახლოებით 20-30 წუთი სჭირდება. მომზადებულს ერთგვაროვანი და გარკვეულწილად კრემისებრი კონსისტენცია აქვს, თუმცა ამავდროულად, ინარჩუნებს დასაღეჭ ტექსტურას. ამ ტიპის შვრია გრანოლაში ნაკლებად გამოიყენება. 

მსხვილმარცვლოვანი შვრია ყველაზე გავრცელებული პროდუქტია, რადგან ის მალე მზადდება და დიდხანს ინახება. ამას დამუშავების მეთოდი განაპირობებს. შვრიის მთლიან მარცვალს ჯერ ორთქლავენ, შემდეგ კი სპეციალური ლილვაკებით აბრტყელებენ. 

მსხვილმარცვლოვანი შვრია სასარგებლო ნივთიერებების დიდ ნაწილ ინარჩუნებს, თუმცა დამუშავების გამო მისი გლიკემიური ინდექსი ოდნავ მაღალია მთელმარცვლოვანთან შედარებით. 

მზადდება სწრაფად, სულ 5-10 წუთი სჭირდება. აქვს ნაზი და ერთგვაროვანი სტრუქტურა. მოხარშვისას სწრაფად სქელდება და ფაფის კონსისტენციას იღებს. ის გამოიყენება გრანოლას, ნამცხვრებისა და სხვა დესერტების მოსამზადებლად. 

სწრაფი მომზადების პროდუქტის მისაღებად, მსხვილმარცვლოვან შვრიას ჭრიან კიდევ უფრო წვრილ ფანტელებად და უფრო თხლად აბრტყელებენ. ამის გამო, ის ყველაზე დამუშავებული ტიპია. 

მიუხედავად იმისა, რომ ძირითადი მაკრო და მიკროელემენტები პროდუქტში ნარჩუნდება, მას, სხვა ტიპებთან შედარებით, ყველაზე მაღალი გლიკემიური ინდექსი აქვს. ის ძალიან სწრაფად შეიწოვება და სისხლში შაქრის დონეს მკვეთრად ზრდის. ხშირად, კომერციული სწრაფი მომზადების ფაფები შეიცავს შაქარს, მარილსა და არომატიზატორებს.

გრანოლას შერჩევისას მნიშვნელოვანია, ყურადღება მიაქციოთ მის შემადგენლობას. მოძებნეთ ისეთი ვარიანტები, რომლებშიც შაქრის შემცველობა მინიმალურია.

დამატკბობლის ტიპსაც აქვს მნიშვნელობა. თაფლი, ნეკერჩხლისა და ფინიკის სიროფები, რაფინირებულ შაქართან შედარებით, უკეთესი ალტერნატივებია, რადგან ისინი მინერალებსა და ანტიოქსიდანტებს შეიცავს. თუმცა, კალორიულობის თვალსაზრისით, მათ შორის დიდი განსხვავება არ არის.  

ასევე, ყურადღება მიაქციეთ ცხიმის წყაროს. უპირატესობა მიანიჭეთ იმ გრანოლას, რომელიც ჯანსაღ ცხიმებს თხილეულის, ქოქოსის ან ზეითუნის ზეთის სახით შეიცავს.

გემრიელი და ხრაშუნა გრანოლას მომზადება სახლშიც შეგიძლიათ. ესტუმრეთ ჩვენს მაღაზიას ან შეუკვეთეთ საჭირო პროდუქტები ონლაინ. გრანოლასთვის დაგჭირდებათ: 

• მსხვილმარცვლოვანი შვრიის ფანტელი, 
• სხვადასხვა სახის თხილეული და ჩირი, 
• ბუნებრივი დამატკბობელი (თაფლი ან ნეკერჩხლის სიროფი), 
• ქოქოსის ზეთი, 
• დარიჩინი 
• ვანილის ექსტრაქტი.

ჩართეთ ღუმელი და გააცხელეთ 150°C-მდე. პარალელურად, ღრმა ჯამში მოათავსეთ მშრალი ინგრედიენტები და კარგად აურიეთ. ცალკე პატარა ჭურჭელში შეურიეთ თაფლი, ქოქოსის ზეთი და ვანილის ექსტრაქტი. მიღებული მასა დაასხით მშრალ ინგრედიენტებს და კარგად ამოურიეთ, სანამ ყველა კომპონენტი თანაბრად არ დაიფარება.

მასა გადაიტანეთ და თხელ, ერთგვაროვან ფენად გადაანაწილეთ საცხობ ფირფიტაზე. შედგით ღუმელში დაახლოებით 45-50 წთ-ის განმავლობაში. ნახევარი დროის გასვლის შემდეგ, ერთხელ ამოურიეთ, რათა გრანოლა ყველა მხრიდან თანაბრად მოიბრაწოს.  

თუ მზა გრანოლასა და მაღალი ხარისხის შვრიის ფანტელების შეძენა გსურთ, ,,ევროპროდუქტში" ფართო ასორტიმენტი დაგხვდებათ. ჩვენს ქსელში წარმოდგენილი პროდუქცია სხვადასხვა გემოვნებასა და კვებით საჭიროებაზეა მორგებული, რაც არჩევანის გაკეთებას ძალიან გაგიმარტივებთ.

ჩვენთან შეიძენთ ორგანულ გრანოლას, რომელსაც დამატებული აქვს ლეღვი, მზესუმზირას ან გოგრის გული და ყაყაჩოს თესლი. ასევე ხელმისაწვდომია ორგანული შვრიის ფაფები, მათ შორის, პროტეინით გამდიდრებული ვარიანტები მოცვისა და ბანანის ან კაკაოსა და ბანანის არომატით. გარდა ამისა, ასორტიმენტშია სპეციალურად ბავშვებისთვის შექმნილი კაკაოსა და ბანანის ორგანული გრანოლა და შვრია. ორგანული ხაზის მიღმა, შეგიძლიათ არჩევანი კლასიკურ შვრიაზე შეაჩეროთ. 

ეწვიეთ „ევროპროდუქტის“ უახლოეს ფილიალს ან ჩვენს ონლაინ მაღაზიას, შეარჩიეთ გრანოლა და შვრია და დაიწყეთ ყოველი დღე ენერგიულად.