ბოლო დროს საქართველოში კომბუჩა პოპულარული ხდება — ის ჩნდება კაფეებისა და რესტორნების მენიუებში, ჯანსაღი ცხოვრების წესის მიმდევართა რაციონში და სუპერმარკეტების დახლებზე.
წაიკითხეთ ბლოგი და გაიგეთ თუ რატომ უწოდებენ ამ სასმელს უკვდავების ელექსირს და რომელი თვისებები განაპირობებს მის მზარდ პოპულარობას საქართველოში.
კომბუჩას სხვაგვარად ,,უკვდავების ელექსირს” უწოდებენ. ეს დასახელება შემთხვევითი არ არის. ერთ-ერთი ვერსიის მიხედვით, ის ძვ.წ. III საუკუნეში ჩინეთში შეიქმნა. უკვდავების ელექსირის ძიებისას ჩინის დინასტიის იმპერატორმა ჩაის სოკოსაგან დამზადებული სასმელი იგივე კომბუჩა აღმოაჩინა და დალია, ამის შემდეგ ხალხმაც აიტაცა ეს სასმელი და ის მალევე ძალიან პოპულარული გახდა.
მეორე ლეგენდის თანახმად, ახ.წ. 414 წელს სილას სამეფოდან იაპონიაში, იმპერატორის სამკურნალოდ ექიმი მიიწვიეს. დოქტორმა კომბუმ ფერმენტირებული ჩაისაგან ეფექტური სასმელი დაამზადა, რომელმაც იმდროინდელი მმართველი სრულად განკურნა. ვარაუდობენ, რომ სწორედ ამ ექიმის სახელიდან მომდინარეობს სასმლის ამჟამინდელი სახელწოდება.
რთულია იმის დადგენა თუ რომელი ვერსია შეესაბამება სიმართლეს, თუმცა ერთი რამ ცხადია, დროთა განმავლობაში კომბუჩამ ისეთი პოპულარობა მოიპოვა, რომ მთელ მსოფლიოში გავრცელდა. მიუხედავად იმისა, რომ თითოეულ კულტურაში სასმელს თავისებურად იღებდნენ — უმატებდნენ ინგრედიენტებს და ექსპერიმენტებს ატარებდნენ — ერთი რამ, ფერმენტირებული ჩაის ბაზა და მისი სასარგებლო თვისებები, ყველგან უცვლელი რჩებოდა.
კომბუჩა ბუნებრივად გაზიანი სასმელია, რომელიც ჩაის, შაქრისა და ჩაის სოკოსაგან მზადდება. ჩაის სოკო კომბუჩას მოსამზადებლად უმნიშვნელოვანესი ინგრედიენტია. ის, სასარგებლო ბაქტერიებისა და საფუარის მოქმედებით, შაქრიანი ჩაის ზედაპირზე წარმოიქმნება.
ფერმენტაციის პროცესში ჩაის სოკოს დახმარებით სითხეში ქიმიური პროცესი მიმდინარეობს — მიკროორგანიზმები შაქარს შლის და მას ორგანულ მჟავებად, ვიტამინებად, ანტიოქსიდანტებად და სხვა ბიოაქტიურ ნაერთებად გარდაქმნის. პარალელურად წარმოიქმნება ნახშირბადი, რომელიც კომბუჩას ბუნებრივ გაზიანობას ანიჭებს.
1-2 კვირიანი ფერმენტაციის შედეგად, ის, რაც ოდესღაც მხოლოდ ტკბილი ჩაი იყო, ახალ სასმელად გარდაიქმნება, რომელიც არა მხოლოდ გემრიელი, არამედ სასარგებლო თვისებებითაც გამორჩეულია.
კომბუჩას პოპულარობა მხოლოდ მის გემოვნურ თვისებებს არ უკავშირდება. საუკუნეების განმავლობაში სასმელს არაერთ ჯანმრთელობისათვის სასარგებლო თვისებას მიაწერდნენ. მაგალითად, ფერმენტაციის პროცესში წარმოქმნილი პრობიოტიკები ნაწლავურ მიკროფლორას ბალანსს უნარჩუნებს, რაც, საჭმლის მონელების პროცესსა და იმუნურ ჯანმრთელობაზე დადებითად აისახება.
სასმელში შემავალი ორგანული მჟავები, მაგალითად გლუკურონის მჟავა, დეტოქსური თვისებებით გამოირჩევა. ის ორგანიზმიდან მავნე ნივთიერებებს გამოდევნის. კომბუჩა ანტიოქსიდანტებითაც მდიდარია, რომლებიც აქტიურად ებრძვის თავისუფალ რადიკალებს, უჯრედებს დაზიანებისაგან იცავს და დაბერების პროცესს ანელებს. B ჯგუფის ვიტამინები კი მეტაბოლიზმისა და ნერვიული სისტემის გამართულ ფუნქციონირებაში ძალიან მნიშვნელოვან როლს თამაშობს.
რა თქმა უნდა, ჯანმრთელობის პრობლემის არსებობის შემთხვევაში, კომბუჩა სრულფასოვან მკურნალობას ვერ ჩაანაცვლებს, თუმცა მისი ზომიერი და რეგულარული მოხმარება ნამდვილად სასარგებლო იქნება თქვეენთვის.
,,ევროპროდუქტის" ონლაინ მაღაზიასა და ფიზიკურ ფილიალებში კომბუჩას მოყვარულებს განსაკუთრებული სიახლე გელით — ჩვენთან გერმანული ბრენდის ROY Kombucha-ს პროდუქციის შეძენას შეძლებთ.
ROY Kombucha სხვა მწარმოებლებისგან იმით განსხვავდება, რომ სასმლის დასამზადებლად მაღალი ხარისხის, საგულდაგულოდ შერჩეულ ჩაისა და ბუნებრივ კომპონენტებს იყენებს. შედეგად, სრულად ორგანული, ვეგანური, უგლუტენო და ულაქტოზო გაზიანი სასმელი მიიღება.
ჩვენს ქსელში ROY-ს რამდენიმე გემოა წარმოდგენილი, ესენია: ჯინჯერი (ჯანჯაფილი), ლიმონი, ჟოლო, კიტრი და პიტნა. თითოეული მათგანი ნაკლებად ტკბილი და გრილი გემოთი ხასიათდება. ამიტომ გვგონია, რომ ზაფხულის ცხელი დღეებისათვის ჩაციებული კომბუჩა განსაკუთრებულად სასიამოვნო უნდა იყოს.
გვიხარია, რომ საქართველოში წარმოვადგენთ იმ კომპანიას, რომელიც მაღალი გარემოსდაცვითი პასუხისმგებლობით გამოირჩევა. ROY წარმოების პროცესში, შესაბამისი ტექნოლოგიების დანერგვის გზით, მინიმუმამდე ამცირებს ნარჩენების წარმოქმნას. ამასთან, ვეგანური სასმელები ალუმინის ქილებშია ჩამოსხმული, რომლებიც მარტივად გადამუშავებადია. ასე რომ, როდესაც ROY Kombucha-ს ირჩევთ, თქვენ არამხოლოდ გემრიელი და სასარგებლო სასმლით გრილდებით, არამედ პასუხისმგებლობიან მწარმოებლებსაც ეხმარებით.
თუ კომბუჩას დიდი მოყვარული ხართ, გვჯერა, რომ ამ სიახლემ ძალიან გაგახარათ, მაგრამ, თუკი ეს სასმელი აქამდე არ გაგისინჯავთ, ზაფხული საუკეთესო დროა ამ გამოცდილების მისაღებად — მობრძანდით ,,ევროპროდუქტში” და შეიგრძენით უკვდავების ელექსირის თანამედროვე გემო.
