ზაფხულის თბილი დღეები ბუნებაში გასვლის საუკეთესო საბაბია. ადამიანები თავისუფალი დროის ღია ცის ქვეშ გატარებას ამჯობინებენ. პიკნიკზე სასიამოვნო გარემო და გემრიელი საკვები ერთმანეთს იდეალურად ავსებს, ამიტომ დასვენების ეს ფორმა ბევრისთვის საყვარელი აქტივობაა. ის ოჯახური გასვლისა და მეგობრებთან შეკრების საუკეთესო გზაა.

ბუნებაში გასვლის წინ ყოველთვის ჩნდება მთავარი კითხვა: რა წავიღოთ? ამ ბლოგში მოგიყვებით, რომელი კერძები და წასახემსებელი უხდება პიკნიკს განსაკუთრებულად. ასევე, გასწავლით, როგორ უნდა შევარჩიოთ პიკნიკზე წასაღები პროდუქტები ისე, რომ მათ მომზადებას დიდი დრო არ დასჭირდეს და გაგიზიარებთ რჩევებს, თუ როგორ დავიცვათ საკვები გაფუჭებისგან მაღალ ტემპერატურაზე. 

ბუნებაში დანისა და ჩანგლის გამოყენება ხშირად მოუხერხებელია, ამიტომ უმჯობესია, ისეთი წასახემსებელი შევარჩიოთ, რომელსაც ხელით მივირთმევთ. ამ შემთხვევაში ყველაზე პრაქტიკული არჩევანი ყველი და ძეხვია. ისინი დაჭრისთანავე მზადაა საჭმელად და დამატებითი ინგრედიენტები არ სჭირდება. მოხარშული კვერცხიც საუკეთესო გამოსავალია, რადგან წინასწარ მზადდება და ტრანსპორტირებისთვისაც მოსახერხებელია.

ამ პროდუქტებს ძალიან უხდება ახალი ბოსტნეული. მათ გემოს სხვადასხვა სოუსი აუმჯობესებს, მაგალითად, ჰუმუსი ან რძის პროდუქტებზე დამზადებული საწებელი. თუკი სხვადასხვა სახის ხილ-ბოსტნეული გსურთ რომ წაიღოთ, მათი წინასწარ დაჭრა და ცალკე კონტეინერებში ჩალაგება ადგილზე დროს დაგიზოგავთ.

მსგავს წასახემსებელს განსაკუთრებით უხდება ზეთისხილი, ჩირი ან თხილეული.

მაღალ ტემპერატურაზე მძიმე კერძების ნაცვლად, მსუბუქი სალათების მირთმევა გაცილებით სასიამოვნოა. ბროკოლისა და ყვავილოვანი კომბოსტოს სალათი, რომელიც რძის პროდუქტების ბაზაზე დამზადებული სოუსით ზავდება, ხრაშუნა და მსუბუქია, თანაც მოსამზადებლად ძალიან მარტივია. 

ზაფხულის განწყობას შესანიშნავად გადმოსცემს საზამთროსა და ფეტას სალათი, სადაც ტკბილი ხილისა და მარილიანი ყველის გემოები ერთმანეთს ჰარმონიულად ერწყმის.

ცხელ ამინდში სითხის მიღება აუცილებელია. წყალი ყოველთვის უალტერნატივო არჩევანია, თუმცა მას ლიმონათი და სხვა გამაგრილებელი სასმელები შესანიშნავად შეავსებს. მთავარია, სასმელი გრილი დარჩეს, ამიტომ უმჯობესია, ის ყინულებთან ერთად იზოლირებულ ჩანთაში მოათავსოთ.

გემრიელი საკვების გარდა, პიკნიკისთვის ადგილის სწორად შერჩევა არანაკლებ მნიშვნელოვანი დეტალია. მშვიდი გარემო, მაგალითად, ხეებით გარშემორტყმული მინდორი ან ტბის ნაპირი, სრულფასოვანი დასვენებისთვის საუკეთესოა. ამასთან, სასურველია, ტერიტორია ხმაურიანი საავტომობილო გზებისგან მოშორებით მდებარეობდეს, რათა ბუნების სიმშვიდემ და სუფთა ჰაერმა დასვენების პროცესი სრულყოფილად აქციოს. 

თან წასაღები ნივთების სიის წინასწარ შედგენა ორგანიზების ეტაპს საგრძნობლად ამარტივებს. მრავალჯერადი გამოყენების ჭურჭელი ბუნების დაბინძურების რისკებს ამცირებს და სუფრას უფრო ესთეტიკურ იერს სძენს. ასევე, ძალზე პრაქტიკულია ნაგვის პარკების წინასწარ მომარაგება, რათა ტერიტორიაზე სისუფთავე დაიცვათ. დასვენების მრავალფეროვნებისთვის, სათამაშო ინვენტარი, როგორებიცაა ბადმინტონი ან სამაგიდო თამაშები, კარგი არჩევანია.

ბუნებაში დასვენების დაგეგმვა ბევრად უფრო სასიამოვნოა, როცა საჭირო პროდუქტებს ერთ სივრცეში ვყიდულობთ. გამგზავრებამდე სასურველია წინასწარ განვსაზღვროთ მენიუ, იქნება ეს მთავარი კერძი, წასახემსებელი, ხილი თუ სასმელი. როდესაც ყველაფერი წინასწარ გაქვთ გათვლილი, მზადების პროცესი გაცილებით მარტივია. 

,,ევროპროდუქტის” ონლაინ მაღაზია და ქსელის ფილიალები საუკეთესო პროდუქტების ფართო არჩევანს გთავაზობთ. შეარჩიეთ სასურველი ინგრედიენტები, და გაემართეთ ბუნებაში, სადაც გემრიელი საკვები ზაფხულის დღეებს დაუვიწყარ მოგონებად აქცევს.