საუკეთესო გამაგრილებელი სასმელები ზაფხულის სიცხის დასაძლევად

ნატურალური წვენები ერთი შეხედვით ჩვეულებრივი სასმელია, მაგრამ ცოცხალი გემოები სხვა ტკბილი სასმელებისგან გამოარჩევს, ამასთან მათი რეალური მნიშვნელობა ზოგიერთ ქვეყანაში კულტურულ ხასიათსაც კი იღებს. მაგალითად, ლათინურ ამერიკაში "აგუა ფრესკა" - ახალი ხილის, ყვავილების ან მარცვლეულის წყალზე დამზადებული ნატურალური სასმელი - კულტურის განუყოფელი ნაწილია და ცხელ დღეებში ყველგან შეხვდებით ქუჩის ფესტივალებსა და ბაზრობებზე.

ხილის ნატურალური წვენი ზაფხულის ცხელი დღეების იდეალური თანმხლებია. თან, სიგრილის შენარჩუნებასთან ერთად  მნიშვნელოვანი ვიტამინებსა და მინერალების მიღებაშიც დაგეხმარებათ. ფორთოხლის წვენი, მაგალითად, არა მხოლოდ გამაგრილებელია, არამედ მდიდარია C ვიტამინით, რაც განსაკუთრებით მნიშვნელოვანია იმუნური სისტემის გასაძლიერებლად.

ცივი ჩაი შესანიშნავი არჩევანია მათთვის, ვინც ზაფხულის სიცხისაგან თავის დასაღწევად ჯანსაღ, უალკოჰოლო ვარიანტებს ეძებს. სასმელი არა მხოლოდ გამაგრილებელი ეფექტის მატარებელია, არამედ მდიდარია ჯანმრთელობისთვის სასარგებლო ელემენტებით. ჩაი, განსაკუთრებით კი მწვანე, მძლავრ ანტიოქსიდანტებს შეიცავს, რომლებიც უჯრედებს დაზიანებისგან იცავს. ზაფხულში, როდესაც მაღალი ტემპერატურის გამო ორგანიზმი დამატებითი სტრესის ქვეშაა, ანტიოქსიდანტების ოპტიმალური დოზით მიღება განსაკუთრებით მნიშვნელოვანია. 

ამასთანავე, აღსანიშნავია, რომ ჩაი ამინომჟავა L-თეანინს შეიცავს, რომელიც დამამშვიდებელი ეფექტითაა ცნობილი, ცხელ დღეებში, როდესაც სიცხე გაღიზიანებას და დისკომფორტს იწვევს, ორგანიზმს დამატებითი L-თეანინი მიაწოდო ზედმეტი ნამდვილად არაა.

მიუხედავად იმისა, რომ ლუდი შეიცავს ალკოჰოლს და მისი ჭარბი მოხმარება სიცხეში არ არის რეკომენდებული, ზომიერად მიღებული ცივი ლუდი სასიამოვნო გამაგრილებელია. 

მაგალითად, ხორბლის ცივი ლუდი (Wheat Beer) ცნობილია თავისი მსუბუქი გემოთია. მისი გემო ხშირად შეიცავს ციტრუსის ან ბანანის ნოტებს, რაც იდეალურად ერგება ზაფხულის განწყობას. გარდა ამისა, ხორბლის ლუდი ხშირად შეიცავს B ვიტამინებს და მინერალებს, რომლებიც სასმლის ზომიერი მიღების შემთხვევაში შეიძლება სასარგებლოდაც კი ჩაითვალოს.

Pilsner კიდევ ერთი პოპულარული არჩევანია. ეს მსუბუქი გამაგრილებელი ლუდი მკვეთრი, მაგრამ დაბალანსებული გემოთი ხასიათდება. Pilsner-ის დაბალი ალკოჰოლის შემცველობა ნიშნავს, რომ სხვა, კლასიკური ლუდებისგან განსხვავებით, ნაკლები შანსია მან დეჰიდრატაცია გამოიწვიოს.

,,ევროპროდუქტის” ქსელში შეძლებთ კლასიკური კოქტეილების ბუტილირებული ვერსიების შეძენას. Coppa Cocktails მზა კოქტეილების სერიაა, რომელიც იდეალურია ზაფხულში გართობისა და სოციალური შეკრებებისთვის. 

მაგალითად, მოჰიტო კლასიკური არჩევანია ზაფხულისთვის. პიტნისა და ლაიმის კომბინაცია არა მხოლოდ კარგი გამაგრილებელია, არამედ ცხელ ამინდში სიმსუბუქის შეგრძნებას ტოვებს.

პინა კოლადა  ტროპიკულ გემოებითაა ცნობილი და ეფექტსაც შესაბამისს იწვევს. ანანასისა და ქოქოსის არომატები არა მხოლოდ სასიამოვნოა, არამედ ასევე ასოცირდება დასვენებასთან და რელაქსაციასთან, რაც შეიძლება ცხელ დღეებში სტრესის შემცირებაში დაგეხმაროთ.

როდესაც ტემპერატურა იზრდება და სიგრილის სურვილი პიკს აღწევს, Coppa Cocktails-ის კოსმოპოლიტენი შეიძლება მთლად კლასიკური არჩევანი არი იყოს მაგრამ მისი მსუბუქი მომჟავო გემო სასიამოვნო იქნება მათთვის ვისაც ნაკლებად-ტკბილი გამაგრილებელი სასმელები ურჩევნია.