D ვიტამინი: რატომ არის ის მნიშვნელოვანი და როგორ დავეხმაროთ ორგანიზმს მის ათვისებაში?

ზამთარში მზიანი დღეების სიმცირე და მზის ულტრაიისფერი სხივების ნაკლებობა D ვიტამინის დეფიციტს იწვევს. ამ პერიოდში განსაკუთრებით მნიშვნელოვანია რაციონში ამ ვიტამინით მდიდარი პროდუქტების ჩართვა.

საინტერესოა, რომ სახელწოდების მიუხედავად, D ვიტამინი, თავისი თვისებებით, უფრო ჰორმონია, ვიდრე ვიტამინი. ამის თქმის საფუძველს გვაძლევს ის ფაქტი, რომ მას ორგანიზმი დამოუკიდებლად, მზის სხივების ზემოქმედებით გამოიმუშავებს. ვიტამინები კი თავისთავად არ წარმოიქმნება და ისინი აუცილებლად საკვებიდან უნდა მივიღოთ. 

ამასთანავე, ეს ნივთიერება მართავს გენომის დაახლოებით 3%-ს, რაც იმას ნიშნავს, რომ მისი გავლენა ვრცელდება თითქმის ყველა ორგანოზე: ძვლებზე, გულზე, ტვინსა და იმუნურ სისტემაზე.

ეს ნივთიერება დიდ გავლენას ახდენს გულ-სისხლძარღვთა და ნერვულ სისტემებზე. D ვიტამინი ხელს უწყობს არტერიული წნევის რეგულირებას, რაც გულის ჯანმრთელობისთვის აუცილებელია. საინტერესოა მისი კავშირი მენტალურ ჯანმრთელობასთანაც. კლინიკური კვლევები ადასტურებს, რომ ვიტამინის დეფიციტი დეპრესიასა და სეზონურ აფექტურ აშლილობას იწვევს, რაც ზამთარში გუნება-განწყობის გაუარესებით ვლინდება.

იმისათვის, რომ ზამთრის სეზონს ორგანიზმი მომზადებული შეხვდეს, გაეცანით ჯანსაღი კვების 5 პრინციპს  და ისწავლეთ, როგორ შეადგინოთ სრულფასოვანი, დაბალანსებული რაციონი მარტივად.

ბუნებაში არც ისე ბევრი ისეთი საკვები მოიპოვება, რომელიც ამ ვიტამინს დიდი დოზით შეიცავს. თუმცა, „ევროპროდუქტის“ ასორტიმენტიდან შევარჩიეთ რამდენიმე პროდუქტი, რომელიც თქვენს რაციონს გაამდიდრებს. 

ერთ-ერთი საუკეთესო არჩევანია Dardanel-ის ორაგულის სტეიკი, რომელიც D ვიტამინის, სელენისა და B ჯგუფის ვიტამინების საუკეთესო წყაროა და აუცილებელია ორგანიზმის ნორმალური ფუნქციონირებისთვის. D ვიტამინის მისაღებად ასევე რეკომენდებულია Dardanel-ის სკუმბრია ტომატის სოუსით, რომელიც კვებითი ღირებულებით გამოირჩევა.  

რაციონის გასამრავალფეროვნებლად იდეალურია თინუსის ფილე ზეითუნის ზეთში. ვიტამინების მისაღებად ეფექტურია მცირე ზომის თევზებიც, მაგალითად, ზეთში შენახული შპროტი, რომელიც ბალტიური ქაშაყისგან მზადდება. ბოლოს კი აუცილებლად უნდა ვახსენოთ კვერცხის გულიც, რადგან ის D ვიტამინის მიღების ყველაზე მარტივი გზაა.

ორგანიზმში მოხვედრილი D  ვიტამინი თავდაპირველად არააქტიურ მდგომარეობაშია და მას დამოუკიდებლად მოქმედება არ შეუძლია. იმისთვის, რომ მან თავისი სასარგებლო თვისებები გამოავლინოს, საჭიროა, რომ ის ე.წ. აქტიურ ფორმაში გადავიდეს, რასაც მაგნიუმი უზრუნველყოფს. ორგანიზმში ამ მიკროელემენტის გარეშე D ვიტამინი თავის ფუნქციას ვერ ასრულებს და მეტიც, მაგნიუმის ნაკლებობა ხშირად მისი დეფიციტის მიზეზიც ხდება. ამრიგად, სასურველია, რომ თევზთან ან კვერცხთან ერთად რაციონში ისპანახი, გოგრის თესლი ან ნუში ჩართოთ. 

ყურადღება მიაქციეთ პროდუქტის დამუშავების მეთოდსაც. მაგალითად, ზეთში შეწვისას ვიტამინის დიდი ნაწილი ცხიმში იხსნება, რის გამოც კერძის კვებითი ღირებულება მცირდება. სასარგებლო თვისებების შესანარჩუნებლად უმჯობესია თევზი გამოაცხოთ, მოხარშოთ ან ორთქლზე მოამზადოთ. 

„ევროპროდუქტის“ თაროებზე წარმოდგენილი მაღალი ხარისხის თევზეულითა და სხვა ჯანსაღი ინგრედიენტებით მარტივად შეადგენთ დაბალანსებულ კვების რაციონს და ზამთრის სეზონზე ორგანიზმს საჭირო ვიტამინებით მოამარაგებთ.