ჰოლანდიური ყველის აღნიშნული სამი სახეობა საქართველოშიც ხელმისაწვდომია. სუპერმარკეტების ქსელი „ევროპროდუქტი“ ფრიკოს ბრენდი ექსკლუზიური იმპორტიორია საქართველოში. გაუდას, ედამის და მასდამის ორიგინალი წარმოშობის მედალი სწორად „ფრიკოს“ აქვს მინიჭებული, რაც მის შეფუთვაზეცაა დატანილი. ეს არის პრემიუმ კლასის ჰოლანდიური რძის ნაწარმის მწარმოებელი კომპანიაა, მისი თითოეული პროდუქტი, საუკეთესო ხარისხის რძით მზადება და მასზე მუშაობენ გამოცდილი სპეციალისტები, რათა ჭეშმარიტი, ტრადიციული და განსხვავებული გემო უზრუნველყონ.
ჰოლანდიური ყველის გარდა, მსოფლიოში ცნობილია ფრანგული, იტალიური და შვეიცარიული ყველი. ტრადიციული ყველი ძროხის რძისგან მზადდება. თუმცა ყველს ასევე აწარმოებენ ცხვრის, კამეჩისა და თხის რძისგანაც. ცნობილია აქლემისა და ვირის რძით მომზადებული ყველის სახეობები. მაგალითად, ვირის რძის ყველი "პულე“, რომელსაც სერბეთში ამზადებენ, მსოფლიოში ყველაზე ძვირად ფასობს.
რაც შეეხება ყველის სახეობებს ტიპის მიხედვით, ესენია რბილი და მაგარი ყველი. მაგალითად, გაუდა მაგარი ყველის ერთ–ერთი ყველაზე ცნობილი სახეობაა. რაც შეეხება რბილ ყველს, ის ორ სახეობად იყოფა: თეთრი და ცისფერი ყველი. ცისფერ ყველში მოიაზრება ყველის ის ტიპები, რომლებსაც კეთილშობილი, მოცისფრო-მომწვანო ობი აქვს მოკიდებული. ამ ტიპის ყველი დიდი ხნის განმავლობაში ვარგდება.
ყველის ყველაზე ახალი სახეობაა მდნარი ყველი. მას ძირითადად ბუტერბროდებისა და სენდვიჩების მოსამზადებლად იყენებენ.