4 ჯანსაღი საუზმე ბავშვებისთვის, რომლებსაც 5 წუთში მოამზადებთ
საუზმე, პირველ რიგში, მთელი დღის ენერგიის წყაროა ბავშვისთვის და ორგანიზმის ნორმალურ ფუნქციონირებას უწყობს ხელს. კვლევები მოწმობს იმასაც, რომ ბავშვებს, რომლებიც საუზმის გარეშე მიდიან სკოლაში, ყურადღების დეფიციტი აქვთ, ვლინდება ქცევის სხვადასხვა დარღვევა, არიან უფრო აგრესიულები. სისტემატურად საუზმის გარეშე დარჩენა, მოქმედებს ბავშვის განწყობასა და მეხსიერებაზე.
საუზმის დიდი მნიშვნელობის მიუხედავად, დღეს მას მშობლების გარკვეული ნაწილი სათანადო ყურადღებას ვერ აქცევს. კვლევებით დასტურდება, რომ ბავშვის საუზმის გამოტოვების უხშირესი მიზეზი მშობლის მოუცლელობაა. დილით როცა სამსახურში ეჩქარებათ, უმეტესად ვერ ახერხებენ მოამზადონ საუზმე, რომელიც სწრაფადაც გაკეთდება და გემრიელიც იქნება.
1. ორგანული შვრიის ფაფა თაფლით, რძითა და ხილით
როცა ძალიან გეჩქარება და დრო არ გაქვს, მშრალი საუზმე (მიუსლი, შვრიის ფანტელები) რძესთან ან იოგურტთან ერთად, ძალიან კარგი გამოსავალია.
მომზადების წესი:
1. ხილი გარეცხეთ, გაფრცქვენით და დაჭერით პატარა ნაჭრებად.
2. პატარა ქვაბში გააცხელეთ რძე და ჩაყარეთ შვრიის ფანტელი. გამუდმებით ურიეთ და ხარშეთ ნელ ცეცხლზე, 2 წთ-ის განმავლობაში.
3. ჩაასხით თაფლი და ამოურიეთ. დაუმატეთ მწიკვი მარილი, ქიშმიში და ხილი.
4. დაახურეთ თავსახური და გააჩერეთ კიდევ 2 წთ. როდესაც გამორთავთ, ჩააგდეთ ცოტაოდენი კარაქი.
2. საბავშვო ბუტერბროდი უგლუტენო, ინდაურის ლორითა და კრემ–ყველით
ალბათ, არ არსებობს ბავშვი, ვისაც სენდვიჩი და ბურგერები არ უყვარს, თუმცა ხშირად მშობლები ერიდებიან ბავშვებისთვის fast food-ის მიცემას. გემრიელი ბუტერბროდი შესაძლებელია იყოს სასარგებლო, თუ მას სახლის პირობებში, თავად მოამზადებთ.
მომზადების წესი:
1. გახუხეთ პურის ნაჭრები. დაადეთ სალათის ფოთოლი, თხლად დაჭრილი ინდაურის ლორი, კრემ-ყველი, პომიდვრის და კიტრის თხელი რგოლები. დაახურეთ პურის მეორე ნაჭერი.
2. შეგიძლიათ კრემ-ყველი პურის ნაჭრებს შიგნითა მხრიდანაც წაუსვათ.
3. მზა საუზმე
Movenpick-ის იოგურტი ნატურალური, დაბალვადიანი, საღი რძისგან დამზადებული სასარგებლო პროდუქტია, რომელიც თამამად შეგიძლიათ მისცეთ ბავშვს. ის ფრეშ-პროდუქტების კატეგორიას მიეკუთვნება, რაც ქართულ ბაზარზე რძის ნაწარმის პროდუქციაში მწირი ასორტიმენტითაა წარმოდგენილი.
ევროპაში ხშირად მიირთმევენ საუზმეზე ჯემებსა და მურაბებს. Alce Nero-ს უგემრიელესი, ნატურალური ხილის ჯემები, ასევე, სწრაფი და მარტივი საუზმეა, რომელიც განსაკუთრებით უხდება სეზამიან პურის ჩხირებს.
4. ჯანსაღი ვრეპი
მომზადების წესი:
მსოფლიოში ძალიან პოპულარულია ე.წ. ტორტილები QuickBury, რომელიც მარტივი ლავაშია და ვრეპის გასაკეთებლად შეგიძლიათ გამოიყენოთ.
1. წაუსვით მას კრემ–ყველი.
2. დაუმატეთ სხვადასხვა ინგრედიენტი, მაგალითად, ბოსტნეული, ქათმის ხორცი.
3. შეგიძლიათ გააცხელოთ ტოსტში ან ცივად მიირთვას ბავშვმა.
ორგანული და უგლუტენო პროდუქციის ოფიციალური და ექსკლუზიური დისტრიბუტორი საქართველოში სუპერმარკეტების ქსელი ევროპროდუქტია, რომელიც 2004 წლიდან მომხმარებელს მაღალი ხარისხის პროდუქციას სთავაზობს. ევროპროდუქტი აქტიურად უწყობს ხელს ულაქტოზო, უგლუტენო, მაღალი ხარისხის და ორგანული პროდუქციის იმპორტს ქვეყანაში.