რძე და მისი სასარგებლო თვისებები

რძე ყველასათვის კარგად ნაცნობი ცხოველური საკვები პროდუქტია, მაგრამ ის  მხოლოდ კერძებისა და საკვები რაციონის გამრავალფეროვნებისათვის როდი გამოიყენება. ეს სითხე მდიდარია ადამიანის ჯანმრთელობისათვის საჭირო ვიტამინებითა და ნუტრიენტებით, მაგალითად, ის მაღალი ხარისხის ცილების შესანიშნავი წყაროა. ცილები კი ისეთი აუცილებელი ამინომჟავების არსებობას უზრუნველყოფს, რომლებიც მეტად მნიშვნელოვანია კუნთების ზრდის, აღდგენისა და სათანადო ფუნქციონირების პროცესში.  

შეიძლება ითქვას, რომ რძე უნივერსალური ინგრედიენტია, რადგან მისგან საკვებთა მთელი სპექტრი იწარმოება, იქნება ეს კარაქი, ხაჭო თუ ყველი. ადამიანები ასწლეულებია აქტიურად  მოიხმარენ სხვადასხვა ცხოველის, ყველაზე გავრცელებულ შემთხვევაში კი ძროხის რძეს. თუმცა, აღსანიშნავია, რომ დროთა განმავლობაში ბაზარზე მცენარეული ალტერნატივებიც გაჩნდა, მაგალითად, სოიოს, ქოქოსის ან ნუშის რძეები. ბლოგში გაგაცნობთ ამ პროდუქტის ერთმანეთისაგან განსხვავებულ სახეობებს და მათი სასარგებლო თვისებების შესახებაც მოგიყვებით. 

როგორც აღინიშნა, ძროხის რძე ერთ-ერთი ყველაზე ფართოდ გამოყენებადი პროდუქტია, რომელიც გარდა გემოვნური თვისებებისა და კულინარიული დანიშნულებისა, ადამიანის ორგანიზმისათვის დიდი სარგებლის მომტანია. ეს პროდუქტი დიდი რაოდენობით ცილას შეიცავს და, ასევე, მდიდარია კალციუმით, რაც მნიშვნელოვან როლს თამაშობს ძვლებისა კბილების განვითარებასა თუ სიძლიერეში. 

იმ შემთხვევაში თუ, რძეს თქვენი ყოველდღიური რაციონის აქტიურ კომპონენტად აქცევთ, მაშინ მიიღებთ ვიტამინების ისეთ კომპლექსებს, როგორებიცაა D და B12 ვიტამინები. ეს ფაქტორი კი მნიშვნელოვნად გააუმჯობესებს, ერთი მხრივ, კალციუმის შეწოვას, მეორე მხრივ კი, სისხლის წითელი უჯრედების ანუ ერითროციტების ფორმირებას. 

ამ ტიპის რძის შერჩევისას მნიშვნელოვანია მისი ცხიმიანობა გაითვალისწინოთ. იმ შემთხვევაში თუ, დღიურ საკვებ კალორაჟს მკაცრად აკონტროლებთ, მაშინ შედარებით დაბალპროცენტიან პროდუქტზე შეჩერდით. მაგრამ თუ ეს საკითხი თქვენთვის მნიშვნელოვანი არ არის, მაშინ მოუხდელ რძეს გირჩევთ. უნდა ითქვას, რომ გრანოლა რძესთან საუკეთესო კომბინაციას ადგენს და საუკეთესო ნაწილი ისაა, რომ მისი გრანოლასა და მიუსლის სახლში მომზადება ძალიან მარტივია. სუპერმარკეტების ქსელ ,,ევროპროდუქტში” მრავალფეროვანი არჩევანია წარმოდგენილი.

რაც შეეხება თხის რძეს, მიუხედავად იმისა, რომ ეს უკანასკნელი შედარებით ნაკლებად გავრცელებული სახეობაა, ის უნიკალური გემოვნური თვისებებითა და კვებითი ღირებულებით ხასიათდება. ისევე, როგორც ძროხის, თხის რძეც მდიდარია ცილით, კალციუმით, D და B12 ვიტამინებით. 

ეს პროდუქტი კარგი ალტერნატივაა მათთვის, ვისაც ძროხის რძის მიღების შედეგად შეფერილობა და დისკომფორტი აწუხებს, რადგან მიიჩნევა, რომ თხის რძის ცილების სტრუქტურის შემადგენლობა ადამიანის რძისას წააგავს, შესაბამისად, საჭმლის მომნელებელი სისტემისათვის მისი გადამუშავება უფრო მარტივია. 

ნუშის რძე პოპულარული მცენარეული რძის სახეობაა, რომელიც ცხოველური პროდუქტისაგან განსხვავებით შედარებით დაბალი კალორიულობით ხასიათდება, რაც მას ხელსაყრელ ალტერნატივად აქცევს მათთვის, ვისაც კალორაჟის შემცირება და მაღალცხიმიანი რძის შემცვლელი სურს. მიუხედავად იმისა, რომ ტრადიციულისაგან განსხვავებით, ეს უკანასკნელი ცილების დაბალი შემცველობით ხასიათდება, ის მდიდარია კალციუმითა და D ვიტამინით. 

ნუშის რძე ხასიათდება თხილეულის მკვეთრი არომატით, რაც მას კულინარიული გამოყენების თვალსაზრისით საუცხოო პროდუქტად აქცევს, მაგალითად, თუ ცხელი შოკოლადი გიყვართ, ნუშის რძის დამატებით, მას კიდევ უფრო არომატულს გახდით.

სოიოს რძე სოიოს მარცვლებისაგან მიღებული პროდუქტია, რომელიც საკვები ნივთიერებებითა და ცილით მდიდარი ნაწარმია. გარდა იმისა, რომ ის მინერალებითა და ვიტამინებითაა გაჯერებული, ამასთანავე, შეიცავს ისეთ უჯერ ცხიმებს, რომლებიც მდიდარია ომეგა 3 და ომეგა 6-ით, რასაც მნიშვნელოვანი წვლილი შეაქვს ადამიანის ორგანიზმის, განსაკუთრებით კი გულ-სისხლძარღვთა სისტემის ჯანმრთელობაში. 

აღსანიშნავია, რომ პროდუქტი თვისობრივად ძალიან წააგავს თავის ცხოველურ ვერსიას, შესაბამისად, ის საუკეთესო ჩამნაცვლებელია, რადგან მდიდარია ცილით, ვიტამინებითა და ორგანიზმისათვის აუცილებელი საკვები ნივთიერებებით. ეს რძე ფასი გამორჩეულია და საკმაოდ ხელმისაწვდომია/

შვრიის მარცვლების შესაბამისი დამუშავების შედეგად მიიღება ნაზი და კრემისებრი ტექსტურის, ბუნებრივად ტკბილი არომატების მქონე რძე. აღსანიშნავია, რომ პროდუქტი  შეიცავს რთულ ნახშირწყლებს, ბოჭკოებსა და ბეტა-გლუკანებს, რომლებიც ცნობილია ქოლესტერინის დონის დაქვეითების უნარით. 

მსგავსად სხვა მცენარეული რძეებისა არ შეიცავს ლაქტოზას და, როგორც წესი, ალერგიული პროდუქტი არ არის. შესაბამისად, თუ თხილეულზე ალერგია გაქვთ და ნუშის რძეს ვერ იყენებთ, მაშინ შეგიძლიათ ის შვრიის მცენარეული ვერსიით ჩაანაცვლოთ. 

თქვენთვის სასურველი რძის შეძენას ,,ევროპროდუქტის” მაღაზიათა ქსელშია შესაძლებელი. ჩვენ გთავაზობთ უმაღლესი ხარისხის, როგორც ადგილობრივ, ისე ევროპულ პროდუქციას. გარდა რძის პროდუქტებისა, ქსელში ხელმისაწვდომია იმპორტირებული დესერტების მრავალფეროვანი არჩევანი, მაგალითად შეგიძლიათ ჩვენთან პოპულარული ნუგბარი, მოჩი შეიძინოთ.