ქათამი ქარის სოუსით

არომატული ინდური სუნელების, ცოცხალი მწვანილების, ქათმის ხორცის, კარაქის და სხვა ინგრედიენტების სწორი კომბინაციით, შეგვიძლია ერთ-ერთი ყველაზე გემრიელი ინდური კერძი – ქათამი ქარის სოუსით – შევქმნათ. კიდევ უფრო მდიდარ გემოს მივიღებთ, თუ მას გვერდით ბრინჯსა და იოგურტს მივუდებთ.

თუმცა, გაითვალისწინეთ, კერძი უსაზღვრო ინტერპრეტაციის შესაძლებლობას იძლევა. შეგვიძლია დამატებითი ინგრედიენტები ჩვენი წარმოსახვისა და გემოვნების მიხედვით ვცვალოთ, რაც კერძის მზადების პროცესს კიდევ უფრო სასიამოვნოს გახდის.

მანამდე კი, გაეცანით ჩვენს ამომწურავ რეცეპტს, ყურადღებით წაიკითხეთ ჩვენი რჩევებიც და გასაქანი თქვენს წარმოსახვასაც მიეცით.

მომზადების დრო: 20 წუთი                       ულუფა: 4 კაცი

ინგრედიენტები

100 გრ ლურპაკის მარილიანი კარაქი

2 წითელიხახვი, დაჭრილი

3 კბილი ნიორი, დაჭყლეტილი

1 ს.კ. Garam Masala (ინდური სუნელების ნაზავი)

2 ჩ.კ. დაფქული ქინძი

2 ჩ.კ. დაფქული კვლიავი

1 ჩ.კ. კურკუმა

2.5 სმ ახალი ჯანჯაფილი, გაფცქვნილი და გახეხილი

500 გრ კანგაცლილი ქათმის მკერდი, დაჭრილი 2 სმ-იან ნაჭრებად

2 ჩ.კ. კვლიავის თესლი

2 ს.კ. მდოგვისთესლი

ქარის 12 ფოთოლი

100 გრ წითელი ოსპი, გარეცხილი და მშრალი

400 მლ ქათმის ბულიონი (ნახარში) ან წყალი

200 გრ ისპანახი

მომზადების წესი

საშუალო ცეცხლზე გაადნეთ 30 გრ კარაქი და მოშუშეთ ხახვი, სანამ არ დარბილდება და შეყავისფრდება. დაამატეთ ნიორი, Garam Masala, ქინძი, კვლიავი, კურკუმა და ჯანჯაფილი და მოშუშეთ რამდენიმე წუთის განმავლობაში. მიღებულ მასაში მოათავსეთ ქათამი და კარგად შეურიეთ ერთმანეთს. შემდეგ კი, დაამატეთ ოსპი და დაფარეთ წყლით. წამოდუღების შემდეგ, დაუწიეთ ცეცხლს და ადუღეთ 20-25 წუთის განმავლობაში.

ცალკე საშუალო ზომის ტაფაში, ჩააგდეთ 1 სუფრის კოვზი კარაქი, გაადნეთ, დაუმატეთ კვლიავისა და მდოგვის მარცვლები და ქარის ფოთლები. თუშეთ ერთი წუთის განმავლობაში. მიღებული მიქსტურა მოასხით გამზადებულ ქათამს და შეაზავეთ მარილითა და შავი პილპილით.

დაუმატეთ მას დარჩენილი კარაქი და ისპანახი და დაელოდეთ კარაქის გადნობას. მიირთვით იოგურტთან და ბასმატის მოხარშულ ბრინჯთან ერთად.

რჩევები

მჭლე ქათამი და ბრინჯი სითხეს მარტივად იწოვს, ამიტომ, იმისათვის, რომ ინგრედიენტები არ გამოშრეს, გირჩევთ, კარაქი არ დაიშუროთ. ის გემოების გაძლიერებაშიც დაგეხმარებათ.

ჩვენ არჩევანი ლურპაკის მარილიან კარაქზე შევაჩერეთ, რადგან მისი ცოცხალი გემო განსაკუთრებით კარგად ერგება ქარის სოუსსა და სხვა გამოყენებულ ინგრედიენტებს.

როგორც რეცეპტშიც ამოიკითხეთ, კერძის მოსამზადებლად გახეხილი ჯანჯაფილი გამოვიყენეთ. იცოდით, რომ თუ ჯანჯაფილს ჯერ საყინულეში მოათავსებთ, მას გაცილებით მარტივად გახეხავთ? იმავეს გირჩევთ ისპანახის შემთხვევაშიც. თუ, მას ცოტა ხნით ყინულიან წყალში მოათავსებთ, მას სასიამოვნო ტექსტურას და ცოცხალ ფერს შეუნარჩუნებთ.

https://www.lurpak.co.uk/cooking-with-lurpak/chicken-red-lentil-spinach-curry/