უგლუტენო ნამცხვარი ჟოლოთი

• 400 გ ჟოლო
• 3 ს.კ. თაფლი ან შაქარი
• 1,5 ს.კ. სიმინდის სახამებელი
• ½ ლიმონის წვენი

ცომისთვის:

• 120 გ უგლუტენო ფქვილი ნამცხვრისთვის Balviten
• 220 გ უგლუტენო შვრია Helsinki Mills
• ½ ჩ.კუგლუტენოგამაფხვიერებელი
• მწიკვი მარილი
• 80 გ შაქარი
• 150 გ კარაქი
• 100 გ მაწონი
• ½ ჭიქა დაჭრილი ნუში

ვიწყებთ ჟოლოს მომზადებით. გარეცხილი და გამშრალი ჟოლო ქვაბით დადგით ცეცხლზე, დაამატეთ დანარჩენი ინგრედიენტები, ურიეთ და ადუღეთ 5 წუთი. გამოყენებამდე გააგრილეთ.  

გააცხელეთ ღუმელი 190 გრადუსზე.

ცომის მოსამზადებლად მოზრდილ ჯამში ჩაყარეთ ფქვილი, შვრია, შაქარი, გამაფხვიერებელი, მარილი და კუბებად დაჭრილი ცივი კარაქი. ცომი დაამუშავეთ, ვიდრე ფხვიერ მასას არ მიიღებთ. დაამატეთ მაწონი და მოურიეთ. ცომი არ უნდა შეიკრას და უნდა დარჩეს ფხვიერ მდგომარეობაში.

18-20 სანტიმეტრიან კვადრატულ ყალიბში ჩააფინეთ საცხობი ქაღალდი, ჩაყარეთ ცომის მასის 2/3 და ჩატკეპნეთ კოვზით ან ხელით. გამოაცხვეთ 15 წუთის განმავლობაში.

გამოიღეთ ღუმელიდან ნახევრად გამომცხვარი ნამცხვრის ძირი, დაასხით ჟოლოს მასა, მოაყარეთ დარჩენილი ცომი და დაჭრილი ნუში. შეაბრუნეთ ღუმელში და გამოაცხვეთ 200 გრადუსზე 20 წუთით ან მზადყოფნამდე, ვიდრე ზედაპირი არ მოიბრაწება.