ლიმონჩელოს ტირამისუ

• Giglio-ს მასკარპონე - 1 კგ
• კვერცხი - 4ც
• შაქრის პუდრა - 400გ
• Giglio-ს ნაღები - 100 გ
• ვანილი - 2 შეკვრა
• Bottega-ს ლიმონჩელო - 120 გ
• ჩაი - 100 გ
• La Mole-ს სავოიარდის ჩხირები - 1 შეკვრა
• ლიმონი - 2 ცალი
• ლაიმი -1 ცალი

გავაცალკეოთ 4 კვერცხის გული და ცილა. ცილა შევინახოთ მაცივარში. კვერცხის გულს დავუმატოთ 200 გ შაქრის პუდრა, ავთქვიფოთ და დავამატოთ 100 გ ნაღები. კიდევ კარგად ავურიოთ მიქსერით.

ცილას დავამატოთ დარჩენილი შაქრის პუდრა და კარგად ამოვიყვანოთ.

კვერცხის გულის მასას დავუმატოთ მასკარპონე, ისევ ავთქვიფოთ, გადავურიოთ ამოყვანილი ცილა და გავაგრძელოთ თქვეფა. დავამატოთ ვანილი, 50 გ ლიმონჩელო და კარგად ამოვურიოთ.

ჩაი და 70 გრამი ლიმონჩელო ავურიოთ ერთმანეთში და დავალბოთ მასში სავოიარდის ჩხირები.

გადავიღოთ ჭურჭელში და დავალაგოთ ერთ ფენად. დავამტოთ კრემი. მოვახეხოთ ორი ლიმონის და 1 ლაიმის ცედრა.

შევდგათ მაცივარში 4-5 საათით.