კიში

ინგრედიენტები:

ცომი:

• ცოტა წყალი
• მარილი
• ფქვილი - 350 გ
• კარაქი - 200 გ

შიგთავსი:

• ყველი ჩედარი - 150 გ
• ყველი ემენტალი - 100 გ
• რძე - 150 მლ
• ბეკონი - 200 გ
• ნაღები - 200 გ
• კვერცხი - 6
• პამიდორი - 1
• მარილი - გემოვნებით

მომზადების წესი:

ცომის მოსამზადებლად დარბილებული კარაქი დაჭერით ოთხკუთხედებად და ხელით შეურიეთ ფქვილს, სანამ მასა პურის ნამცეცებს არ დაემსგავსება. შემდეგ დაამატეთ ცოტა წყალი და მწიკვი მარილი. მოზილეთ ისეთი ცომი, რომ ხელზე არ მიგეკროთ, მაგრამ რბილი იყოს. ცომისგან გააკეთეთ გუნდა, შეახვიეთ ცელოფანში და 1 საათით შედეთ მაცივარში, რათა კარგად გაბრტყელდეს.

ცომი ფქვილით დაფარულ ზედაპირზე გააბრტყელეთ, გადაკეცეთ და კვლავ გააბრტყელეთ. ეს პროცედურა გაიმეორეთ სამჯერ. ასე მომზადებული ცომი იქნება უფრო მსუბუქი. შემდეგ გაბრტყელებული ცომი მრგვალ საცხობ ფორმაში ჩააფინეთ, ჩანგლით დახვრიტეთ და 180 გრადუსზე გახურებულ ღუმელში 12-15 წუთის განმავლობაში გამოაცხვეთ. შემდეგ გამოიღეთ და დაელოდეთ, რომ გაცივდეს.

ბეკონი პატარა ნაჭრებად დაჭერით და შეწვით, სანამ ყავისფერს არ მიიღებს. ათქვიფეთ კვერცხი, შემდეგ დაამატეთ რძე, ნაღები, მარილი, პილპილი და ჩაასხით უკვე გამომცხვარ ფორმაში. შემდეგ დაუმატეთ გახეხილი ყველი და ბეკონი. პამიდორი მრგვალ ნაჭრებად დაჭერით და ზემოდან მოაწყვეთ. ღუმელს დაუწიეთ 160 გრადუსამდე და კიში გამოაცხვეთ 30-40 წუთის განამავლობაში ან მანამდე, სანამ კვერცხი არ გამაგრდება - ამის შესამოწმებლად შეგიძლიათ ოდნავ გაამოძრავოთ ნამცხვრის ფორმა და თუ კვერცხი შიგნით ილაყლაყებს, ესე იგი მომზადება აკლია. კიში გააგრილეთ დაახლოებით 15 წუთი და მხოლოდ შემდეგ დაჭერით.