ბურგერი

#ბურგერი

მოსამზადებლად დაგჭირდებათ:

ფარში - 2 მზა ნაჭერი (შეზავებული მარილით და შავი წიწაკით)

ჩედარის ნაჭრები 2 ცალი (თხელი არ უნდა იყოს)

ბურგერის პური 2 ცალი

სალათის ფოთოლი ( უმჯობესია აისბერგი)

პომიდორი 1 ცალი (მრგვალად დაჭრილი)

კიტრის მჟავე - 3 ცალი კარ

ამელიზირებული ხახვისთვის:

წითელი ხახვი - 1 თავი (ნახევარმთვარუსებურად დაჭრილი)

ყავისფერი შაქარი 1 ს/კ

ყურძნის წიპწის ზეთი

მაიონეზისთვის:

1 კვერცხი

1 ს/კ დიჟონის მდოგვი

ნახევარი ლიმონის წვენი

მარილი

ყურძნის წიპწის ზეთი, მანამ სანამ არ შესქელდება (დაახ. 100 მლ)

პირველ რიგში დავჭრათ ბოსტნეული და შემდეგ მოვამზადოთ მაიონეზი.

მოვათავსოთ ბლენდერში კვერცხი, მდოგვი, ლიმონის წვენი და მარილი დავაბლენდეროთ და შემდეგ დავუმატოთ უწყვეტ ნაკადად ყურძნის წიპწის ზეთი და გავაგრძელოთ დაბლენდერება. მაიონეზი მზად არის.

შემდეგ გახურებულ ტაფას მოვასხათ ცოტაოდენი ზეთი და ბურგერის ხორცი შევწვათ კარგად ორივე მხრიდან 5-6 წუთის განმავლობაში. ტაფაზევე დავადოთ შემწვარ ხორცს ჩედარის ნაჭრები და გავაჩეროთ კიდევ 2 წუთით დაბალ ცეცხლზე.

მოვამზადოთ კარამელიზირებული ხახვი. ტაფაზე დავყაროთ ხახვი და კარგად მოვთუშოთ. შემდეგ მოვაყაროთ ყავისფერი შაქარი.

იმავე ტაფაზე შევათბოთ ბურგერის პურები (ისე როგორც ვიდეოშია ნაჩვენები)

დავიწყოთ ბურგერის აწყობა,

ბურგერის პურებს წავუსვათ მაიონეზი, შემდეგ დავაყაროთ დაჭრილი სალათის ფურცლები, პომიდორი და კიტრის მარინადი. შემდეგ დავადოთ ბურგერის შემწვარი ხორცი, დავამატოთ კარამელიზირებული ხახვი, დავაფაროთ თავზე ბურგერის პური და უგემრიელესი ბურგერიც მზად არის!