ავსტრიული კარინტიას რავიოლი

ინგრედიენტები ცომისთვის:

• 400 გრ ფქვილი
• 150 მლ წყალი (საჭიროებისამებრ დაამატეთ)
• 1 კვერცხი
• ზეთი 50 - 100 მლ

ინგრედიენტები გულსართისთვის:

• 70 გრ კარაქი
• 200 მლ რძე
• 500 გრ კვარკი / ხაჭო ყველი - მე გაუდა გამოვიყენე + მაღალპროცენტიანი ხაჭო
• 100 გრ კარტოფილი (გახეხილი ან პიურეს სახით)
• 2 ს / კ მწვანილი (გემოვნების მიხედვით, კლასიკური რეცეპტის მიხედვით პიტნა და ბაზილიკი, მე პესტოთი მოვამზადე)
• მარილი გემოვნებით.
• 2 სუფრის კოვზი პესტო.

 სერვირებისთვის:

• 80 გრ კარაქი (გამდნარი, გასაფორმებლად)
• კამა წვრილად დაჭრილი ნუდლის

ცომის მომზადება:

ფქვილი, წყალი, კვერცხი და ზეთი, აურიეთ და მოზილეთ გლუვი ცომი (ზელვა არ დააკლოთ) ცომი გააჩერეთ 20 წუთით. გულსართის მომზადება: ხაჭოს და ყველს დაამატეთ გახეხილი კარტოფილი, მწვანილი ან პესტო და მოაყარეთ მარილი, მოასხით რძე გულსართის გასათხელებლად, რათა ადვილად ჩადოთ გული ცომში.

გააბრტყელეთ ცომი, ამოჭერით  8 სმ, მრგვალი ფორმები და მოათავსეთ მასში გულსართი, მიეცით მთვარისებური ფორმა, ან სურვილისამებრ.

ნუდელი მოხარშეთ მდუღარე, მარიალიან წყალში 10 წუთის განმავლობაში.

ამოიღეთ წყლიდან, გადაწურეთ და დაასხით გამდნარი კარაქი. მიირთვით ხახვის სოუსით (კარაქში მოშუშული ხახვი).