სალიამი & ბეკონი

თავდაპირველად, ბეკონი და სალიამი რეგიონული საკვები პროდუქტები იყო, მაგრამ მე-20 საუკუნიდან მთელ მსოფლიოში გავრცელდა და დიდი პოპულარობა მოიპოვა. დღეს ისინი გემრიელი საუზმისა თუ იტალიური პიცის განუყოფელი ნაწილია. აღსანიშნავია ისიც, რომ ეს ხორცპროდუქტები როგორც დასავლეთში, ისე აღმოსავლეთში მუდმივ ინტერპრეტაციას განიცდის და ახალ კერძებში წარმატებით ადაპტირდება. 

რა არის სალიამი და ბეკონი?

ბეკონი და სალიამი ხორცპროდუქტების ორი პოპულარული სახეობაა, რომლებიც მსოფლიოს სხვადასხვა სამზარეულოში ფართოდ გამოიყენება.

რა არის ბეკონი? ეს პროდუქტი ღორის მუცლის ან ზურგის ხორცისგან მზადდება. ის დამარილების, შებოლვისა და შრობის ხანგრძლივ პროცესს გადის. ეს პროცესი ხორცს მომლაშო-მომწარო გემოსა და ელასტიკურ, მაგრამ ნაზ ტექსტურას ანიჭებს. პროდუქტი ხშირად საუზმეში ან სენდვიჩებში გამოიყენება. მაღალი ცხიმის შემცველობა კი შესანიშნავ გემოსა და არომატს ქმნის. ვინაიდან ხარისხიანი ხორცის ფასი მაღალია კარგი ბეკონის ყიდვა მეტ ბიუჯეტს მოითხოვს. ხარისხის განსაზღვრისას მნიშვნელოვანია ყურადღება მივაქვიოთ, როგორც ფასს, ისე მის კვებით ღირებულებას, ვადას და პროდუქტში შემავალი ინგრედიენტების სიას.

შეიძლება ითქვას, რომ ერთ-ერთი ყველაზე ცნობილი ტიპის ძეხვი სალიამი, დღესდღეობით იტალიიდან მთელს მსოფლიოში გავრცელდა. ის დაქუცმაცებული, ძირითადად ღორის, ხორცისაგან მზადდება, რომელსაც გარკვეული რაოდენობის ცხიმი, სუნელები, მარილი და სხვა ინგრედიენტები ემატება. ფერმენტაციისა და შრობის პროცესის წყალობით დამახასიათებელი გემო, არომატი და ტექსტურა ყალიბდება. არსებობს სალიამის მრავალი სახეობა, მაგალითად პეპერონი, ჩორიზო, სალიამი მილანეზე და სხვა.

სალიამის მოხმარება შესაძლებელია ცივად, როგორც წასახემსებელი, ასევე ის გამოიყენება პიცაში, სენდვიჩებში, მაკარონის სხვადასხვა ვარიაციებსა და სალათებში. მისი მკვეთრი, მომლაშო გემო და მკვრივი, მაგრამ რბილი კონსისტენცია კერძებს დამახასიათებელ შტრიხს მატებს.

ორივე - ბეკონიც და სალიამიც დელიკატესად მიიჩნევა და ხშირად ევროპულ, განსაკუთრებით კი იტალიურ სამზარეულოსთან ასოცირდება. თუმცა, მათი მაღალი ცხიმისა და მარილის შემცველობის გამო, ამ პროდუქტების ზომიერი მოხმარებაა რეკომენდებული.

იმისათვის, რომ მაღალი ხარისხის ხორცპროდუქტები შეარჩიოთ, სასურველია, რომ შემდეგი მახასიათებლები გაითვალისწინოთ:

ხორცის ნაჭრის ზომა - საუკეთესო ნაჭრები წვრილად და თანაბრადაა დაჭრილი;

ხორცისა და ცხიმის პროპორცია - ხორცი ჭარბობს ცხიმს.

შებოლვისა და დავარგების პროცესი - გავლენას ახდენს საბოლოო არომატსა და გემოზე;

ნედლეულის ხარისხი - პრემიუმ ხარისხის ხორცი საბოლოოს პროდუქტის გემოვნურ თვისებებს განსაზღვრავს. 

ბეკონისა და სალიამის ცნობილი ბრენდები “ევროპროდუქტში”

სუპერმარკეტების ქსელი ,,ევროპროდუქტი” ქართველ მომხმარებელს ევროპული და ადგილობრივი პროდუქციის ფართო არჩევანს სთავაზობს. შესაბამისად, თუ ხარისხიან და გემრიელ ბეკონს ან სალიამს ეძებთ, მაშინ ჩვენი სუპერმარკეტი სწორედ ის ადგილია, სადაც საუკეთესო ხორცპროდუქტების შეძენას შეძლებთ. ამისათვის კი ესტუმრეთ ფილიალებს ან გამოიყენეთ ,,ევროპროდუქტის" ონლაინ მაღაზია. 

ჩვენს სუპერმარკეტების ქსელში იტალიური წარმოების ხორცპროდუქტებია ხელმისაწვდომი. კერძოდ კი Fratelli Beretta-ს ბეკონსა და სალიამის გთავაზობთ. აღნიშნული ბრენდი 1812 წლიდან აწარმოებს სხვადასხვა სახის პროდუქტებს. Fratelli Beretta-ს ნაწარმი უმაღლესი ხარისხის ნედლეულითა და უნიკალური ტექნოლოგიით მზადდება, რაც მის გემოვნურ თვისებებსა და ხარისხს განაპირობებს. 

ხარისხთან ერთად, "ევროპროდუქტის" ბეკონი და სალიამი ხელმისაწვდომი ფასებითაც გამოირჩევა. ხშირად ეწყობა ფასდაკლებები მაღაზიებში, რაც საშუალებას გაძლევთ, შეიძინოთ სასურველი პროდუქტი კიდევ უფრო მისაღებ ფასად შეიძინოთ.

სწორედ ამიტომ, ბეკონისა თუ სალიამის ყიდვის შემთხვევაში, არჩევანი აუცილებლად "ევროპროდუქტზე" უნდა შეაჩეროთ. ისიამოვნეთ ნამდვილი ევროპული ხარისხითა და გემოთი ხელმისაწვდომ ფასად. "ევროპროდუქტის" ბეკონი და სალიამი ნებისმიერ კერძს უნიკალურ გემოსა და იერსახეს შესძენს.