იოგურტი

იოგურტი რძის ბაზაზე დამზადებული პროდუქტია. იოგურტი კვების რაციონის, განსაკუთრებით კი საუზმის ან ხემსის, მნიშვნელოვანი ნაწილია, რადგან გემოსთან ერთად, ენერგეტიკული ღირებულებითა და სარგებლით გამოირჩევა. როგორც წესი, ამ საკვები პროდუქტის მრავალი ვარიაცია არსებობს, რომელთა შეძენის შესაძლებლობასაც სუპერმარკეტი ,,ევროპროდუქტი" გაძლევთ. 

იოგურტის სახეობები

იოგურტი საკვები პროდუქტია, რომელიც ნებისმიერი გემოვნების ადამიანს უყვარს. ამას კი მისი მრავალფეროვნება განაპირობებს. 

ტრადიციული იოგურტი

ტრადიციული იოგურტი რძის ხანგრძლივი დუღილის შედეგად მზადდება და ბერძნული ვერსიისაგან განსხვავებით, თხელი ტექსტურით ხასიათდება. ამ ტიპის იოგურტი არაჩვეულებრივი არჩევანია მათთვის ვისაც პრობიოტიკური სარგებელი, სხვადასხვა ვიტამინებისა და მინერალების მიღება სურს. 

ბერძნული იოგურტი

ბერძნული იოგურტი ერთ-ერთი ყველაზე უფრო ფართოდ გავრცელებული სახეობაა. ეს რძის ნაწარმი სქელი კონსისტენციისაა, რადგან დამზადებისას შრატისა და ლაქტოზის დიდი ნაწილი ამოღებულია. წარმოების ამგვარი მეთოდის გამო ის ცილის მაღალი შემცველობითა და კრემისებრი სტრუქტურით ხასიათდება. ბერძნული იოგურტი იდეალურია მათთვის ვინც გემოვნურ თვისებებთან ერთად, მაღალცილოვან კვების რაციონს ანიჭებს უპირატესობას.

მცენარეული იოგურტები 

ცხოველური პროდუქტების რაციონიდან ამოღებასთან ერთად, ბაზარზე მცენარეული ვერსიები გამოჩნდა. იმ ადამიანებისათვის, რომლებიც რძისაგან დამზადებულ პროდუქტებს, მათ შორის იოგურტს არ მიირთმევენ, ნუშის, ქოქოსის, სიოსა და შვრიის ალტერნატივები არსებობს, რაც ვეგანობისა და ლაქტოზის შეუწყნარებლობის შემთხვევაში, იდეალური გამოსავალია.

იოგურტის სასარგებლო თვისებები

როგორც წესი რძის პროდუქტები, მათ შორის იოგურტი, ნუტრიენტების სიმდიდრით ხასიათდება. ის მდიდარია კალციუმით, რომელიც ჯანსაღი ძვლებისათვის ძალიან მნიშვნელოვანი ელემენტია. გარდა ამისა, იოგურტი დიდი რაოდენობით B12 ვიტამინს შეიცავს, სისხლის წითელი უჯრედების წარმოქმნასა და ტვინის კოგნიტიური ფუნქციის შენარჩუნებას უწყობს ხელს. ყოველდღიურ რაციონში მაღალი ხარისხის იოგურტის ჩართვა, ორგანიზმში სხვადასხვა ვიტამინებისა და მინერალების შევსებას განაპირობებს.

ამასთანავე, იოგურტი მდიდარია პრობიოტიკებით, რაც იმუნური სისტემის ეფექტურ ფუნქციონირებაში მნიშვნელოვან როლს ასრულებს. ორგანიზმის ბუნებრივი დამცავი მექანიზმის გაძლიერებით, ინფექციური დაავადებების პრევენციას შეძლებთ. 

იოგურტი ,,ევროპროდუქტში”

,,ევროპროდუქტი” რძის ნაწარმის მრავალფეროვან არჩევანს გთავაზობთ. ჩვენთან წარმოდგენილია ბერძნული იოგურტების ფართო ასორტიმენტი, რომელიც პროტეინის მაღალი შემცველობით ხასიათდება. თქვენ გაქვთ შესაძლებლობა არჩევანი სხვადასხვა ხილის არომატზე შეაჩეროთ და საუზმისათვის მოცვის იოგურტი შეიძინოთ. ამასთანავე, ქსელში ხელმისაწვდომია ვალიოს პუდინგი, რომელიც განსაკუთრებულად სასარგებლოა მათთვის, ვინც კალორიულ დეფიციტში იმყოფება და უშაქრო იოგურტი სურს. 

იმ ადამიანებს, რომელთაც ლაქტოზის აუტანლობა აქვთ, ულაქტოზო იოგურტს ვთავაზობთ, ხოლო მათ, ვისაც დასალევი, შედარებით თხელი სტრუქტურის პროდუქტი გირჩევნიათ, სანტეს ნაწარმს შემოგთავაზებთ. 

,,ევროპროდუქტი” გაძლევთ შესაძლებლობას, რომ თქვენი ყოველდღიური რაციონი მრავალფეროვანი გახადოთ. ამის ხელშესაწყობად კი მაღალი ხარისხის პროდუქტთან ერთად, ხშირად ფასდაკლებას გთავაზობთ. სასურველი სურსათის შეძენა როგორც ფილიალებში, ისე ონლაინ მაღაზიაში შეგიძლიათ.