ვიტამინიზირებული წყალი — რა არის და რა სარგებელი აქვს მას?

როდესაც ორგანიზმი იმაზე მეტ სითხეს კარგავს, ვიდრე იღებს, დეჰიდრატაცია, ანუ გაუწყლოება ვითარდება. საინტერესოა, რომ უმნიშვნელო, 1-2%-იანი დეფიციტიც კი შესამჩნევ შედეგებს იწვევს: მყისიერადვე გვეწყება თავის ტკივილი, ადვილად ვიღლებით და გვიჭირს კონცენტრაცია. 

გაუწყლოების პრობლემა ძალიან ხშირია. მთავარი მიზეზი ისაა, რომ წყურვილის შეგრძნება დაგვიანებული მაჩვენებელია და ამ დროისათვის ორგანიზმში დეჰიდრატაციის პროცესი უკვე დაწყებულია. ეს პრობლემა განსაკუთრებით აქტუალურია ხანდაზმულებში, რომელთაც წყურვილის სიგნალი ხშირად სუსტად აქვთ გამოხატული.

ამ ფიზიოლოგიურ თავისებურებას ემატება ქცევითი ბარიერებიც. მაგალითად, ბევრი ადამიანისთვის, განსაკუთრებით კი ბავშვებისთვის, ჩვეულებრივი წყალი უგემური და მოსაწყენია, რის გამოც ისინი უპირატესობას ტკბილ სასმელებს, წვენებსა და ლიმონათებს ანიჭებენ. ამას ემატება ისიც, რომ ხშირად, წყურვილის შეგრძნებას შიმშილში ვურევთ და წყლის ნაცვლად წასახემსებელ საკვებს ვიღებთ.  

დღეს სასმელების დახლები სავსეა მრავალფეროვანი არჩევანით, რაც ხშირად გვაბნევს და გვიჩენს კითხვას — რომელია საუკეთესო ჩვენი ორგანიზმისთვის? მოდით, თავიდანვე აღვნიშნოთ, რომ ჩვეულებრივ წყალს ალტერნატივა არ აქვს, მაგრამ განვიხილოთ რა სარგებელი მოაქვს მინერალურ და ვიტამინზირებულ წყალს და რა განასხვავებს მათ ერთმანეთისაგან.

მინერალური წყალი მიწისქვეშა წყაროებიდან მოიპოვება და მის შემადგენლობაში მინერალები, მაგალითად, კალციუმი და მაგნიუმი, ბუნებრივად შედის. ვიტამინიზირებული წყლისგან განსხვავებით, მინერალურში ხელოვნური დანამატები არ აქვს. საქართველო მდიდარია ისეთი ცნობილი მინერალური წყლებით, როგორებიცაა „ბორჯომი“, „საირმე“ და „ნაბეღლავი“. თუმცა, გასათვალისწინებელია, რომ ზოგიერთი მათგანი მაღალი მინერალიზაციის გამო „სამკურნალოდ“ ითვლება და მისი ყოველდღიურად, დიდი რაოდენობით მიღება, შესაძლოა, არ იყოს რეკომენდებული.

„ოში“ (Oshee)  პოლონური ბრენდია, რომლის მთავარი მიზანი ფიზიკური აქტივობისა და ჯანსაღი ცხოვრების წესის ხელშეწყობაა. „ოშის“  პროდუქცია მსოფლიოს 55 ქვეყანაშია წარმოდგენილი, საქართველოს ბაზარს კი 2017 წელს შემოუერთდა.  

ბრენდის ასორტიმენტი მრავალფეროვანია, თუმცა მისთვის პრიორიტეტულ კატეგორიას სწორედ სასმელები წარმოადგენს. „ოშის“ ვიტამინიანი წყალი არის მიკრო და მაკრო ელემენტებითა და ვიტამინებით გამდიდრებული სასმელი, რომელიც აძლიერებს იმუნიტეტს, ხელს უწყობს ნერვული სისტემის სწორ ფუნქციონირებას, აუმჯობესებს მეხსიერებას და აწესრიგებს მეტაბოლიზმს. აღსანიშნავია, რომ პროდუქტები არ შეიცავს ხელოვნურ არომატიზატორებსა და სხვა კომპონენტებს. 

ჩვენს ონლაინ მაღაზიასა და ფილიალებში დაგხვდებათ ვიტამინიზირებული წყლები სხვადასხვა არომატით, მაგალითად, დრაგონფრუტისა და წითელი ყურძნის ან ლიმონისა და ფორთოხლის, ისე მატონიზირებელი სასმელები, რომლებიც განკუთვნილია ფიზიკური დატვირთვის დროს დასალევად. განსაკუთრებულად გვეამაყება, რომ ჩვენთან ხელმისაწვდომია უშაქრო ვერსიებიც, რაც მომხმარებელს საშუალებას აძლევს, თავისი გემოვნების შესაბამისი, ჯანსაღი ალტერნატივა შეარჩიოს.