შოკოლადისა და ადამიანების სასიყვარულო ურთიერთობა ხუთ ათასწლეულზე მეტ ხანს ითვლის და სათავეს ცენტრალური ამერიკიდან იღებს. ძველმა აცტეკებმა და მაიას ტომის ხალხმა კაკაოს მარცვლებს მალევე გაუგეს გემო.
მათთვის შოკოლადი "ღმერთების საკვებად" მიიჩნეოდა და ერთ-ერთი მთავარი დელიკატესი იყო. აცტეკებს ისე უყვარდათ შოკოლადი, დაპყრობილი ტომებისგან ხარკის სახით პირველ რიგში კაკაოს მარცვლებს ითხოვდნენ.
ოქროსა და სიმდიდრის მაძიებელი ესპანელი კონკისტადორებიც არ დარჩენილან უკმაყოფილოები, როდესაც ადგილობრივებმა მათ ოქროზე უფრო ძვირფასი - კაკაოს სასმელი შესთავაზეს.
ცენტრალური ამერიკიდან ევროპაში სწრაფი ტემპით გავრცელებულმა კაკაომ შორეულ კონტინენტზე ახალი სიცოცხლე იპოვა. ევროპელებმა განსხვავებული ინგრედიენტები გამოიყენეს და შოკოლადის წარმოება დროთა განმავლობაში ძალიან განვითარდა.
მე-19 საუკუნის შუა პერიოდიდან კი შოკოლადის ბუმი დაიწყო, მას შემდეგ, რაც ინგლისში შოკოლადის ფილა გამოიგონეს.
დღეს სხვა ქვეყანაში წასვლა, ან ხარკის მოლოდინი აღარაა საჭირო, რომ ეს მაგიური პროდუქტი თავისუფლად მივირთვათ. “ევროპროდუქტის” ქსელი თავისი 30-ზე მეტი მაღაზიით უზრუნველყოფს, რომ სახლთან ახლოს გვქონდეს ევროპული პრემიუმ ხარისხის შოკოლადი.
ევროპის სხვადასხვა ქვეყნებში საუკუნოვანი ტრადიციებით დამზადებული შოკოლადი უამრავ შემოწმებას გადის, რომ უმაღლესი ხარისხის სერტიფიკატები მოიპოვოს, ხოლო მათი გემოს შემფასებელი კი ხალხია და ამ გამოცდას ასეულობით წელია ევროპის ნარჩევი შოკოლადი წარმატებით აბარებს.
შვეიცარიიდან ფინეთში ემიგრირებული ფაზერების ოჯახი წარმატებულ ბიზნეს ხელმძღვანელობდა. მათ იცოდნენ, როგორ უნდა გაეთბოთ ჩრდილოელი ხალხი და სხვადასხვა ტიპის ბეწვეულს აწარმოებდნენ.
უმცროსი კარლ ფაზერისთვის ტანსაცმელი არ აღმოჩნდა საკმარისი. მას უნდოდა სხვანაირად ემოქმედა ადამიანებზე - შეექმნა მათთვის გამოცდილება, რომელიც იქნებოდა დაუვიწყარი და ამისთვის, არც მეტი და არც ნაკლები, შავი შოკოლადი გამოიყენა.
"ფაზერის" პირველი კაფე 1891 წელს გაიხსნა, ხოლო დღეს უკვე “ფაზერი” ფინეთის წამყვანი კვების კომპანიაა.
Fazer-ის ერთ-ერთი ყველაზე პოპულარული პროდუქტი კლასიკური “კარლ ფაზერია”. სპეციალურად შერჩეულ არაერთ ინგრედიენტთან ერთად, უნიკალურ გემოს ახალი რძე განაპირობებს, განსხვავებით ფხვნილისა და შედედებული რძისგან, რაც ჩვეულებრივ შოკოლადის წარმოებაში გამოიყენება.
სპეციფიკური ლურჯი შეფუთვა მას კიდევ უფრო გამორჩეულად აქცევს. 2001 წელს ეს ფერი - Pantone C 280, Fazer-ის რეგისტრირებული ექსკლუზიური ფერადი სავაჭრო ნიშანი გახდა.
“ფაზერი” ფინეთის ერთ-ერთ ყველაზე პატივცემული ბრენდია. ის ფინური კულტურული მემკვიდრეობისა და სამზარეულოს ნაწილია.
უკვე ნახსენები ლურჯი “კარლ ფაზერის” რძიანი შოკოლადი, ისევე როგორც ამავე ხაზის ბონბონერი, “ევროპროდუქტის” მაღაზიებში დაგხვდებათ.
“ევროპროდუქტი” ამით არ შემოიფარგლება და “ფაზერის” შოკოლადის ვრცელ ასორტიმენტს გთავაზობთ. შოკოლადი ბატონი “დამლი”, შოკოლადის პრალინე მარმელადის შიგთავსით, მარმელადი “ფინლანდია”, შოკოლადის პრალინე ლიქიორის შიგთავსით და რაც მთავარია, ყველასათვის საყვარელი შოკოლადი “გეიშა”.
“გეიშას” წარმოება “ფაზერმა” 1962 წელს დაიწყო. დღემდე ეს პროდუქტი საერთაშორისო ბესტსელერი და კომპანიის სახეა. ამ გლობალური ქსელის ნაწილია საქართველოც. “გეიშას” სხვადასხვა ტკბილეულის შეძენა რა თქმა უნდა “ევროპროდუქტში” შეგიძლიათ.
“გეიშას” ბონბონერი, რძიანი და შავი შოკოლადი განწყობას ერთი-ორად ამაღლლებს. ეს უკანასკნელი თხილის შიგთავსითაა სავსე, შავი შოკოლადის საფარი კი შესანიშნავად ავსებს რბილ, მაგრამ ხრაშუნა შიგთავსს.
“რებერის” საკონდიტრო ნაწარმი 150 წელზე მეტია დახვეწილი კომპოზიციებით თავბრუს ახვევს მომხმარებლებს.
ავთენტური საკონდიტრო პროდუქციით, ტრადიციული საოჯახო რეცეპტებითა და ბუნებრივი ინგრედიენტებით “რებერი” ქმნის დაუვიწყარ სიმფონიებს, რომლის მთავარი მიზანი მთელს მსოფლიოში მილიონობით ადამიანისთვის სიამოვნების მინიჭებაა.
კომპანიის პროდუქტების სიაში შედის “მოცარტის” არაერთი შოკოლადი. “მოცარტის” ბომბონერი - შოკოლადის პრალინე აერთიანებს ნუშის მარციპანს, ახალი ნუშის, თხილის ნუგასს, რომელიც რძეში და წვრილ შავ შოკოლადშია დაფარული.
“მოცარტის” ტკბილეული, რომელსაც “ევროპროდუქტის” ქსელში შეიძენთ, იდეალური საჩუქარი გახდება ნებისმიერი ადამიანისათვის.
Camille Bloch 1929 წელს დაარსდა ბერნში და დღემდე ინარჩუნებს საოჯახო კომპანიის ტრადიციას. 1942 კამილ ბლოხმა გარღვევა მოახდინა შოკოლადის წარმოებაში. ევროპაში ომის გამო ინგრედიენტების მოპოვება ძალიან ჭირდა. ამიტომ კამილმა დაფქული თხილის მასა მთლიან თხილთან ერთად აურია, ნარევი გააბრტყელა, ორივე მხრიდან დააფარა შოკოლადის თხელი ფენა და დაჭრა ოთხკუთხა ფილებად. ასე დაიბადა ყველასთვის საყვარელი Ragusa.
დღეს “რაგუსას” შოკოლადის ფილას აქვს პირვანდელი მახასიათებლები: იგივე რეცეპტი, დამზადების ტრადიციული მეთოდი და რა თქმა უნდა, იგივე მართკუთხა ფორმა.
საკულტო შოკოლადის ფილამ მალევე მოიგო პრეტენზიული შვეიცარიელების გული და მსოფლიო ბაზარზეც დაიმკვიდრა კუთვნილი ადგილი - გლუვი პრალინის შიგთავსით, მთლიანი თხილითა და ორიგინალური მართკუთხა ფორმის დამსახურებით. რაც მთავარია, ის 100%-ით ნატურალურია!
კამილ ბლოხი მხოლოდ რაგუსათი არ დაკმაყოფილებულა. 1948 წელს შეიქმნა “ტორინო”. “ტორინო” შოკოლადის სამი ხაზითაა წარმოდგენილი - Torino Lait, Blond და Noir. ყველა მათგანი განსხვავებული მახასიათებლებით იწონებს თავს. “ევროპროდუქტი” ტრადიციულად უმაღლესი ხარისხის პროდუქციას გვთავაზობს და მაღაზიებში როგორც “რაგუსას”, ასევე “ტორინოს” შვეიცარიული შოკოლადის შეძენაც შეგიძლიათ.
თუ გსურთ შავი შოკოლადი ნუშისა და თხილის კრემით, მაშინ არჩევანი Torino Noir-ზე უნდა შეაჩეროთ.
ფინეთი, გერმანია, შვეიცარია - ამჯერად “ევროპროდუქტი” დანიაში გვამოგზაურებს და ამ ქვეყნის ერთ-ერთი უძველესი კომპანიის შოკოლადს წარმოგვიდგენს.
როგორც ზღაპრებში, ამ შემთხვევაშიც ყველაფერი მოულოდნელად დაიწყო. როდესაც შოკოლადი პირველად შემოვიდა დანიაში, მას იყენებდნენ როგორც ფარმაცევტულ პროდუქტს. ანტონ ბერგმა - მაშინ ბოსტნეულის გამყიდველმა - სხვებზე ადრე დაინახა შოკოლადის პოტენციალი და სხვაგვარად გადაწყვიტა მისი გაყიდვა. ანტონმა შოკოლადის მაღაზია კოპენჰაგენის ძველ უბანში გახსნა და მალევე უდიდეს წარმატებას მიაღწია. ბერგის შოკოლადები იმდენად პოპულარული იყო, როგორც მაღალი, ასევე საშუალო კლასის დანიელებში, რომ მისი მაღაზიის გარეთ მთელი დღე გრძელი რიგი იდგა.
რიგში ჩადგომა შეიძლება თქვენც მოგიწიოთ, რადგან “ევროპროდუქტი” “ანტონ ბერგის” შოკოლადის ძალიან ფართო ასორტიმენტითაა წარმოდგენილი. უპირველესად უნდა ვახსენოთ ლიქიორის ბონბონერი, რადგან “ანტონ ბერგი” მსოფლიოში ერთ-ერთი წამყვანი კომპანია საუკეთესო შოკოლადისა და ბრენდული ლიქიორების შეხამებით გახდა. “ევროპროდუქტი” რამდენიმე ასეთ ლიქიორის ბონბონერს გთავაზობთ. ასევე, რეკომენდებულია შოკოლადი ალუბლისა და რომის შიგთავსით, არც მარციპანის ბატონი კონიაკით არ დატოვოთ უყურადღებოდ. “ანტონ ბერგი” ნებისმიერ შემთხვევაში უმაღლესი ხარისხის პროდუქტით გაგანებივრებთ.
“ვერგანის” ისტორია 1881 წელს იწყება, როდესაც სეკონდო ვერგანიმ მაღაზია იყიდა და შაქრის, კვერცხის ცილის, თაფლის, თხილის ტრადიციული ნაზავით ნუგა დაამზადა. მაღაზია სწრაფად გაფართოვდა იტალიაში, ხოლო 1930 წლისთვის “ვერგანი” ნუგასა და შოკოლადის სხვადასხვა ნაწარმს საერთაშორისო მასშტაბით აგზავნიდა.
Vergani-ს ტკბილეულის მრავალფეროვანი არჩევანი აქვს. მათ შორისაა კლასიკა - Vergani Classic Gianduia შოკოლადის პრალინები, შერეული თხილისა და შოკოლადის გემრიელი არომატით. მათ, ვისაც შოკოლადის მჟავიანობა მოსწონს, უნდა სცადოს Vergani Limoncello, რომელიც სავსეა შოკოლადითა და ტკბილი ლიმონჩელოს კრემით. თუ გსურთ რამე ალკოჰოლით შთაგონებული, ამისთვის Vergani Rum Chocolate იდეალური გადაწყვეტაა. ხოლო ჭეშმარიტად ავთენტურობისთვის, სცადეთ ძველი ორიგინალური გემო Nougat - Specialita Di Torrone.
ჯანდუიოტო პერნიგოტის ტრადიციული რეცეპტი 1860 წლიდან გამოიყენება და დღემდე შოკოლადის მოყვარულთათვის ფავორიტი ნუგბარია. თქვენ აღმოაჩენთ რძიან, ასევე შავი შოკოლადის ფილებს, თხილის, ფისტას შიგთავსით, პრალინეს, შოკოლადის კრემებს, რომელსაც 30% აქვს თხილის შემცველობა.
სანამ დღევანდელ წარმატებამდე მოვიდოდა, “პერნიგოტის” დიდი გზის გავლა მოუწია. 1914 წელს, პირველი მსოფლიო ომის დაწყებისთანავე, აიკრძალა შაქრის გამოყენება საკონდიტრო ნაწარმის მომზადებისას. კარგი ინტუიციისა და დიდი გამოცდილების მქონე პაოლო პერნიგოტიმ გადაწყვიტა შეეცვალა ნუგას რეცეპტი. მან შაქარი თაფლის კონცენტრირებული რაოდენობით ჩაანცვლა, რითიც უნიკალური გემოსა და კონსისტენციის პროდუქტი მიიღო.
“ევროპროდუქტში” Pernigotti-ს არაერთი შოკოლადი დაგხვდებათ. იქნება ეს შოკოლადის ფილა, თუ სხვადასხვა შემადგენლობის შოკოლადის კრემი, შეგიძლიათ დარწმუნებული იყოთ, რომ ნებისმიერი ტკბილეული დაუვიწყარი გემოს მატარებელია.
ასე რომ, “ევროპროდუქტი” ის ადგილია, სადაც უდიდესი ისტორიის მქონე არაერთი ევროპული ბრენდი თავს იყრის და მომხმარებლისთვის ხელმისაწვდომი ხდება.
