რატომ ფასობს ხიზილალა: მისი ისტორია, კვებითი სარგებელი და რჩევები ხარისხიანი პროდუქტის შესარჩევად

ხიზილალა - ეს სიტყვა მყისიერად ფუფუნებასთან, განსაკუთრებულ მომენტებსა და დახვეწილი გემოსთან ასოცირდება. საუკუნეების მანძილზე, ეს პრიალა, პატარა ,,მარგალიტები" მეფეების, არისტოკრატებისა და გურმანების რჩეულ დელიკატესად ითვლებოდა. 

მიუხედავად იმისა, რომ ხიზილალა დღესაც უმაღლესი კლასის დელიკატესია, მისი შერჩევა ხშირად აბნევს მომხმარებელს. მაგალითად, მუდმივად ჩნდება კითხვები რით განსხვავდება ხიზილალას სახეობები ერთმანეთისაგან? რას ნიშნავს ეტიკეტზე დატანილი ინფორმაცია? როგორ დავრწმუნდეთ ხარისხში და არ აგვერიოს იმიტაციაში?

სუპერმარკეტების ქსელი „ევროპროდუქტი“ გიზიარებთ ცოდნასა და რჩევებს, რათა შეძლოთ ინფორმირებული არჩევანის გაკეთება და ამ უნიკალური დელიკატესით გაამრავალფეროვნოთ განსაკუთრებული შემთხვევები ან უბრალოდ საკუთარი თავი გაანებივროთ. 

ტერმინი ,,ხიზილალა" ტრადიციულად მხოლოდ ზუთხისებრთა ოჯახის თევზების დამუშავებულ ქვირითს აღნიშნავს. სწორედ ეს არის კლასიკური და ყველაზე ძვირფასი ხიზილალა.

ზუთხის ხიზილალას ძირითადი სახეობები:

• ბელუგა (Beluga - Huso huso): ითვლება ყველაზე ძვირფას და იშვიათ სახეობად. ხასიათდება მსხვილი (3-4 მმ), რბილი მარცვლებით, რომელთა ფერი ღია ნაცრისფრიდან თითქმის შავამდე მერყეობს. გემო ძალიან დელიკატურია, სტრუქტურა კი კრემისებრი;
• ოსეტრა (Osetra - Acipenser gueldenstaedtii): პოპულარული, საშუალო ფასის კატეგორიის ხიზილალა. აქვს საშუალო ზომის (2-3 მმ), მკვრივი მარცვლები. შეფერილობა კი ოქროსფრიდან მუქ ნაცრისფრამდე მერყეობს. გამოირჩევა გამოკვეთილი, თხილისებრი გემოთი;
• სევრუგა (Sevruga - Acipenser stellatus): კლასიკურ სამეულში ყველაზე ხელმისაწვდომი ვარიანტია. ახასიათებს ყველაზე პატარა (1-2 მმ), მონაცრისფრო-შავი მარცვლები და ინტენსიური, ზღვის მკვეთრი არომატი.

სხვა თევზების ქვირითი (ხშირად მოიხსენიება როგორც ,,ხიზილალა"):

• ორაგულის ხიზილალა (Salmon Roe / Ikura): გამოირჩევა კაშკაშა ნარინჯისფერი, შედარებით დიდი მარცვლებით და მკვეთრი გემოთი;
• კალმახის ხიზილალა (Trout Roe): ორაგულის მსგავსია, თუმცა ოდნავ პატარა მარცვლები და ნაკლებად ინტენსიური გემო აქვს;

მნიშვნელოვანია: როდესაც პროდუქტს ,,ხიზილალა" აწერია, მაგრამ ის ზუთხისგან არ არის დამზადებული, ეტიკეტზე აუცილებლად უნდა იყოს მითითებული თევზის კონკრეტული სახეობა (მაგ. ,,ორაგულის ხიზილალა", ,,კალმახის ხიზილალა").

იმისთვის, რომ ხიზილალას გემო და არომატი სრულად შეიგრძნოთ, რამდენიმე მარტივი წესის დაცვაა რეკომენდებული. პირველ რიგში, ხიზილალა სუფრაზე კარგად გაციებული უნდა მიიტანოთ. გამოიყენეთ სპეციალური, არალითონის კოვზები – სადაფის, მინის, ძვლის, ხის ან თუნდაც პლასტმასის, რადგან მეტალთან რეაქციამ შესაძლოა ხიზილალას გემო შეუცვალოს. ტრადიციულად, მას თხელ ბლინებზე, თეთრი პურის ტოსტებზე ან უმარილო კრეკერებთან ერთად მიირთმევენ. მაგალითად, ტოსტს გადაუსვით Valio Valsa-ს უგემრიელესი წასასმელი კარაქი, შემდეგ კი მასზე ხიზილალა მოათავსეთ, ჩაკბიჩეთ და სრულად შეიგრძენით ამ დელიკატესის გემო. უკეთესი გამოცდილებისათვის კი კარგად გაციებული ცქრიალა ღვინო მიაყოლეთ. 

თუმცა, ხიზილალას თუ პირველად აგემოვნებთ, გირჩევთ, რომ სუფთა სახით მიირთვათ, რათა მისი ბუნებრივი, დამახასიათებელი გემო დანამატების გარეშე შეიგრძნოთ. ეს დაგეხმარებათ, უკეთ გაიგოთ, რატომ ფასობს ეს პროდუქტი ასე და თან შემდგომში უკვე შეუხამოთ თქვენთვის სასურველ ინგრედიენტებს.

იმისთვის, რომ ნამდვილად მაღალი ხარისხის პროდუქტი შეიძინოთ და იმედგაცრუებული არ დარჩეთ, რამდენიმე ფაქტორს უნდა მიაქციოთ ყურადღება. მართალია, „ევროპროდუქტში“ ყოველთვის ვზრუნავთ იმაზე, რომ მხოლოდ საუკეთესო პროდუქტი შემოგთავაზოთ, მაგრამ ზოგადი რჩევები არჩევანის გასამარტივებლად მაინც გამოგადგებათ:

1. ენდეთ სანდო მომწოდებელს: როგორც უკვე აღვნიშნეთ, ხიზილალას ყიდვა რეკომენდებულია მხოლოდ სანდო მაღაზიებში, როგორიც „ევროპროდუქტია“, სადაც პროდუქციის წარმომავლობა და ხარისხი კონტროლდება;
2. ყურადღებით შეამოწმეთ შეფუთვა და ეტიკეტი: დარწმუნდით, რომ ქილა ან კონტეინერი ჰერმეტულად არის დახურული და დაზიანებული არ არის. ეტიკეტზე გარკვევით უნდა იყოს მითითებული თევზის სახეობა (ზუთხის შემთხვევაში – კონკრეტული სახეობა, მაგ., ოსეტრა, სევრუგა; ორაგულის შემთხვევაში – ორაგული, კალმახი), წარმოების ადგილი, ვარგისიანობის ვადა და შემადგენლობა. „Malossol“ წარწერა, როგორც წესი, მაღალ ხარისხზე და ნაკლებ მარილიანობაზე მიუთითებს;
3. შეაფასეთ ვიზუალურად (თუ შესაძლებელია): ხარისხიანი ხიზილალას მარცვლები უნდა იყოს მთლიანი, ერთმანეთისგან ადვილად გამოსარჩევი (არ უნდა იყოს ფაფისებრი მასა, თუმცა არც ზედმეტად მშრალი). უნდა ჰქონდეს ბუნებრივი, ჯანსაღი ბზინვარება. ფერი უნდა შეესაბამებოდეს მითითებულ სახეობას. მცირეოდენი სითხის არსებობა ქილის ძირში დასაშვებია, მაგრამ მარცვლები არ უნდა ცურავდეს წვენში.
4. ყურადღება მიაქციეთ სუნს: გახსნისას ხიზილალას უნდა ჰქონდეს სასიამოვნო, ოდნავ ზღვის სუნი. მძაფრი, უსიამოვნო თევზის ან ამიაკის სუნი პროდუქტის გაფუჭებაზე ან დაბალ ხარისხზე მიუთითებს.

როდესაც ხიზილალას ყიდვას გადაწყვეტთ, მნიშვნელოვანია, სწორი არჩევანი გააკეთოთ. უპირველეს ყოვლისა, მიმართეთ სანდო მომწოდებელს. „ევროპროდუქტი“ სწორედ ასეთი ადგილია, სადაც გარანტირებულად მაღალი ხარისხის, ავთენტურ პროდუქციას იპოვით. 

„ევროპროდუქტში“ წარმოდგენილი ასორტიმენტი საშუალებას გაძლევთ, აირჩიოთ უმაღლესი ხარისხის ხიზილალა თქვენი გემოვნებისა და მოთხოვნების შესაბამისად. მაგალითად, შავი და წითელი ხიზილალა შეიძლება განსაკუთრებული შემთხვევისთვის, კერძის სერვირებისთვის ან უბრალოდ ახალი გემოების აღმოსაჩენად გინდოდეთ.