ორიგინალური კერძები 2026 წლისთვის

საახალწლო სუფრა ქართული საახალწლო ტრადიციის ერთ-ერთი მნიშვნელოვანი ნაწილია. თუმცა, ნაცნობ კერძებთან ერთად ახალი რეცეპტების ცდამ და კულინარიულმა ექსპერიმენტებმა შეიძლება თქვენი ოჯახის დღესასწაული კიდევ უფრო განსაკუთრებული, დასამახსოვრებელი და რაც მთავარია, მრავალფეროვანი გახადოს. ამიტომ, 2026 წელს სიახლით შეხვდით  და სტუმრებს ორიგინალური და თანამედროვე კერძებიც შესთავაზეთ. 

იმისათვის, რომ თქვენი საახალწლო სუფრა მართლაც გამორჩეული იყოს, სუპერმაკეტების ქსელი ,,ევროპროდუქტი" გაგიზიარებთ რამდენიმე ორიგინალურ რეცეპტს, რომელიც მენიუს დაგეგმვაში დაგეხმარებათ.

სადღესასწაულო სუფრის დასაწყებად იდეალური იქნება სეზონური, არომატული და მსუბუქი კერძი. მაგალითად, გოგრით, ყველითა და კარამელიზებული ნიგვზით მომზადებული, კრემ-სუპი. მისი მოსამზადებლად დაგვჭირდება:

გოგრა ბოსტნეულის ბულიონში უნდა მოიხარშოს დარბილებამდე, პარალელურად კი ზეთში მოიშუშოს ხახვი და ნიორი. ამ ყველაფერს ერთად დააბლენდერებთ, დაამატებთ კრემ-ყველს, მარილს, პილპილსა და მუსკატის კაკალს. სუპს განსაკუთრებულ გემოს კარამელიზებული ნიგოზი შესძენს, რომელსაც თაფლთან ერთად ცალკე ტაფაზე მოამზადებთ და სუფრასთან მიტანის წინ წვნიანს მოაყრით.

ქართველები ხორცეულის სიყვარულით გამოირჩევიან, ამიტომ თუ განსხვავებული ტიპის წასახემსებელი გირჩევნიათ, საინტერესო ვარიანტია ქათმის ფრთები ფორთოხლის ჩატნით. ინგრედიენტები, რომლებიც ამ კერძის მოსამზადებლად დაგჭირდებათ: 

მთავარი აქ ფორთოხლის ჩატნია: ფორთოხლის წვენი და ცედრა, შაქარი, ჯანჯაფილი და ბალზამიკოს ძმარი ერთად უნდა ადუღდეს შესქელებამდე. თავად ფრთებს ჯერ სოიოს სოუსს წაუსვამთ და ღუმელში 200 გრადუსზე 30 წუთით შეწვავთ. ბოლო 10 წუთის განმავლობაში კი მომზადებულ ჩატნის გადაუსვამთ და შეწითლებამდე დატოვებთ.

წასახემსებლების შემდეგ, ძირითადი კერძის ჯერი დგება. აქაც შეგვიძლია კლასიკური არჩევანი, ღორის ხორცი, სრულიად ახლებურად მოამზადოთ და სტუმრებს ასე შესთავაზოთ. იმისათვის, რომ ღორის ფილე კომშისა და თაფლის გლაზურით მოამზადოთ, დაგჭირდებათ:

• 1.5 კგ ღორის ფილე
• 300 გ კომში
• 100 მლ თაფლი
• 50 მლ ბალზამიკო ძმარი
• როზმარინი, ქონდარი
• მარილი, შავი პილპილი

ფილე შეაზავეთ მარილითა და პილპილით და შედგით ღუმელში 180 გრადუსზე 40 წუთით. პარალელურად, დაჭრილი კომში შაქრიან წყალში მოხარშეთ. 

გლაზურისთვის ერთმანეთს შეურიეთ თაფლი, ბალზამიკო ძმარი და ცოტაოდენი კომშის წვენი, წამოადუღეთ. მომზადებული გლაზური ხორცს წაუსვით და ღუმელში დამატებით 15 წუთით დატოვეთ. სუფრაზე მიტანისას კომშის ნაჭრებითა და როზმარინით გააფორმეთ.

ინდაურის ფილეს ნაჭერს ორივე მხრიდან შეაზავებთ მარილითა და სანელებლებით, შემდეგ კი 160 გრადუსზე გახურებულ ღუმელში დაახლოებით 2 საათით შეწვავთ. სოუსი ცალკე მზადდება: მოცვი წითელ ღვინოსთან ერთად უნდა წამოდუღდეს, შემდეგ დაბლენდერდეს და გაიწუროს. ამ კერძს ძალიან უხდება პატარა კარტოფილი, რომელსაც ჯერ მოხარშავთ, შემდეგ კი ზეთს მოასხამთ და ხორცთან ერთად ღუმელში შებრაწავთ.

მძიმე და ნოყიერი ძირითადი კერძების შემდეგ, დესერტით ბალანსს შემოიტანთს საახალწლო სუფრაზე. ამ მიმართულებით გვსურს, რომ შემოგთავაზოთ შოკოლადის ტრუფელები ქართული ელემენტებით:

• 300 გ მუქი შოკოლადი
• 200 მლ ნაღები (33%+)
• 100 გ დაფქული ნიგოზი
• 50 გ შაქრის პუდრა
• კაკაოს ფხვნილი ამოსავლებად

მუქი შოკოლადი ორთქლის აბაზანაზე გაადნეთ. ნაღები აადუღეთ და შოკოლადს დაასხით, აურიეთ და გააცივეთ. შიგთავსისთვის დაფქული ნიგოზი შაქრის პუდრას შეურიეთ. გაციებული შოკოლადის მასისგან პატარა ბურთულები გააკეთეთ, შუაში ნიგვზიანი შიგთავსი მოათავსეთ და ბოლოს კაკაოს ფხვნილში ამოავლეთ.

ხოლო თუ უფრო მსუბუქი, ხილის დესერტი გვსურს, სეზონურობიდან გამომდინარე, კარამელიზებული ხურმის ტარტი ნიგვზით ძალიან კარგი არჩევანი იქნება. დაგჭირდებათ:

• 200 გ ფქვილი
• 100 გ კარაქი
• 3 მწიფე ხურმა
• 100 გ შაქარი
• 100 გ ნიგოზი
• 2 კვერცხი
• დარიჩინი

ცომის მოსამზადებლად ფქვილი, კარაქი და 1 კვერცხი შეურიეთ და 30 წუთი განმავლობაში მიღებული მასა გააცივეთ. შიგთავსისთვის ხურმა დაჭერით და შაქართან ერთად კარამელიზება გაუკეთეთ. გაბრტყელებულ ცომს ფორმაში მოათავსებთ, ზემოდან ხურმასა და ნიგოზს დაალაგებთ და 1 კვერცხისა და ნაღების ნარევს მოასხამთ. ტარტი 180 გრადუსზე 35 წუთის განმავლობაში ცხვება.

საახალწლო სუფრის მენიუს შედგენისას აუცილებლად უნდა გაითვალისწინოთ სტუმრების გემოვნება.  ყოველთვის კარგი აზრია ერთი ან ორი ვეგეტარიანული ალტერნატივის მომზადება. 

წინასწარ დაგეგმეთ კერძების სუფრაზე მიტანის თანმიმდევრობა და დრო. ყველაზე მთავარი რჩევა კი ალბათ ისაა, რომ მაქსიმალურად ბევრი რამ, რისი მომზადებაც წინასწარ არის შესაძლებელი (მაგალითად, დესერტები ან სოუსები), წინა დღეს მოამზადოთ. ასე სადღესასწაულო საღამოს სამზარეულოში გატარება არ მოგიწევთ და მეტი დრო დაგრჩებათ საზეიმოდ.