როგორ შევარჩიოთ სასმელი წვეულებისთვის
წვეულების დაგეგმვა საკმაოდ საპასუხისმგებლო საქმეა, მაშინაც კი, როცა მხოლოდ ახლო მეგობრები იკრიბებით. ნამდვილად არ გვინდა, რამე არასწორად გავთვალოთ და დასალევი მაშინ გამოგველიოს, როცა ჯერ ისევ საღამოა. ზუსტი რაოდენობის პროდუქტის შეძენა არაა მარტივი საქმე და ეს მხოლოდ გამოცდილ ადამიანებს შეუძლიათ. პირველ რიგში უნდა გაითვალისწინოთ ბიუჯეტი.
ალკოჰოლური სასმელები ფასების ხელმისაწვდომობის კუთხით მაინცდამაინც არ გამოირჩევა. ასე რომ, არამარტო ის არ გვინდა, რომ რაღაცები დაგვაკლდეს, არც ისაა კარგი, რომ ძალიან ბევრი შევიძინოთ. სანამ შეადგენთ საყიდლების სიას და ეწვევით ალკოჰოლური სასმელების მაღაზიას, დაუსვით საკუთარ თავს რამდენიმე ძალიან მნიშვნელოვანი კითხვა:
- რამდენი ადამიანი მოდის?
- ბავშვები თუ იქნებიან?
- დაახლოებით რამდენი ხანი გაგრძელდება წვეულება ? (მთლად დილამდეც ნუ გაატანთ)
- ბუნებაში ხდება ეს ყველაფერი, თუ შიდა სივრცეში?
- რა ტიპის შეკრებაა - ვახშამი, მწვადის შეწვა, კოქტეილის წვეულება თუ ა.შ.
ალკოჰოლური სასმელები ონლაინ - რა უნდა გაითვალისწინოთ შეძენამდე
თქვენი სტუმრების გემოვნება
ზოგადად როგორ ერთობიან - უყვართ მთელი საღამო ლუდის დალევა, თუ ურჩევნიათ ვინტაჟური ღვინო გახსნან და ამ ძვირფასს პროდუქტზე დაუსრულებლად ისაუბრონ. იქნებ კოქტეილებისკენ იხრებიან და ურჩევნიათ მათი შექმნილი ექსპერიმენტული კოქტეილი გაუზიარონ დამსწრე საზოგადოებას. ამ ბოლო შემთხვევაში დიდია რისკი ყველაფერი წარუმატებლად დასრულდეს. ამიტომ, მხოლოდ თქვენი მეგობრების გაკეთებული კოქტეილის იმედად ნუ იქნებით. კრიტიკულ სიტუაციაში ალკოჰოლური სასმელების ონლაინ მაღაზიას შეგიძლიათ მიმართოთ.
საკვები
სასურველია საკვები თუ ზუსტად ესადაგება ალკოჰოლის ტიპს. ლუდის დროს ბევრი ვარიანტი გაქვთ - ცხარე კერძები, სალათები, ბურგერები, ბარბექიუ, პიცა და ა.შ. რეალურად ამ დროს შეზღუდულები არ ხართ. თუ ღვინოს მიირთმევთ, მაშინ უფრო შესაფერისი იქნება საქონლის ხორცი გრილზე, ან შამფურზე. ასევე მსუბუქი კერძები, როგორიცაა ყველი, ხილი და ბოსტნეული და ა.შ.
თქვენი სტუმრების ასაკი
ბავშვებისთვის წვენებისა და გამაგრილებლების მარაგი მზად გქონდეთ. ახალგაზრდებისთვის ლუდი არ დაზოგოთ. ევროპროდუქტში შეგიძლიათ შეიძინოთ შავი ლომი, რომელიც პირველი კრაფტ ლუდია საქართველოში.
შედარებით დიდი ასაკის ადამიანებისთვის ღვინოა აუცილებელი. ამ შემთხვევაში კი, შატო მუხრანი ყოველთვის სწორი გადაწყვეტილებაა.
დარწმუნდით, რომ გაქვთ საკმარისი ჭიქები
იქნება ეს მინა თუ ერთჯერადი, თითო სტუმრისთვის რამდენიმე ჭიქა გათვალეთ. სტუმრებს ხშირად ავიწყდებათ სად დადეს ჭიქა, ან შესაძლოა ლუდს ვისკი არჩიონ. მოკლედ, ბევრი ჭიქაა საჭირო.
ყინული
თითო ადამიანისთვის მინიმუმ 400-500 გრამი უნდა გქონდეთ. ყინულის ეს ოდენობა საკმარისია ყველაფრისთვის. სასმელებში დასამატებლად და ასევე მათ ჩასაციებლად. ზოგადად, ზაფხულში ჯობია, რომ არ დაინანოთ ყინული, მაგრამ მაცივარში თუ გაქვთ საკმარისი სივრცე, რომ ყველაფერი ცივ მდგომარეობაში იყოს, მაშინ არაა საჭირო დიდი რაოდენობით მომარაგება.
რა მარაგი უნდა გქონდეთ მზად
ბევრი რამე დამოკიდებულია იმაზე, თუ რამდენ ხანს გაგრძელდება წვეულება. მართალია, ამის განსაზღვრა ძალიან რთულია, მაგრამ დაახლოებით გაიხსენეთ მოსული სტუმრები რა ტიპის გართობას ანიჭებენ უპირატესობას და როგორც წესი რამდენ ხანს რჩებიან შეკრებაზე. სტანდარტულად თითო ადამიანზე 2 ტიპის სასმელი უნდა გათვალოთ წვეულების პირველი ორი საათისთვის.
- ღვინო - თითო ბოთლი ორი ადამიანისთვის წვეულების პირველ ეტაპზე სრულებით საკმარისია. ნებისმიერი შეკრებისთვის საფერავი ღვინოს იმ სიაში უნდა შედიოდეს, რომელიც აუცილებლად დევს მაგიდაზე. მშრალი თეთრი რქაწითელი ღვინო იდეალური ვარიანტია, ვისაც ნახევრადტკბილის დალევა არ სურს. თუ დაგაკლდათ, არ გქონდეთ ამის დარდი - ეს ალკოჰოლური სასმელები ონლაინ შეგიძლიათ შეიძინოთ ნებისმიერ დროს. თავიდან თითო ადამიანზე 2 ბოთლი განსაზღვრეთ. ლუდი ფასით შედარებით ხელმისაწვდომია, ამიტომ თავისუფლად შეგიძლიათ შეიძინოთ იმ ოდენობით, რომ თქვენი მეგობრები და სტუმრები უკმაყოფილოები არ დარჩნენ. არ დაგავიწყდეთ, რომ ასევე არის უალკოჰოლო ლუდი და სურვილის შემთხვევაში სასმელების მაღაზიაში ისიც შეგიძლიათ შეიძინოთ.
- შამპანური და ცქრიალა ღვინო. 750 მილიგრამიანი ბოთლი ავსებს შამპანურის ექვს ჭიქას. თუ მას მხოლოდ სადღეგრძელოსთვის მიირთმევთ, ერთ ადამიანზე ერთი ჭიქა საკმარისია. თუ შამპანურს ჭამამდე კოქტეილის სახით სვამთ, დაგეგმეთ ერთი, მაქსიმუმ 2 ჭიქა ადამიანზე.
- ლიქიორი და კოქტეილები. 750 მილიგრამიანი ლიქიორის ბოთლი 15 ჭიქას უდრის. Henessy პოპულარული არჩევანია და თქვენც შეგიძლიათ მასზე შეჯერდეთ. ასევე მარტინი. ის არის კოქტეილი, რომელიც მზადდება ჯინითა და ვერმუტით და მორთულია ზეთისხილის ან ლიმონის ნაჭრით. წლების განმავლობაში, მარტინი გახდა ერთ-ერთი ყველაზე ცნობილი შერეული ალკოჰოლური სასმელი. პოპულარული ვარიაცია მარტინი არყით, რომელიც არაყს იყენებს ჯინის ნაცვლად. კოქტეილების შემთხვევაში დარწმუნდით, რომ მზად გაქვთ ყველა საჭირო ინგრედიენტი. იაგერმაისტერი არის გერმანული სასმელი, რომელიც მზადდება 56 სხვადასხვა მწვანილითა და სანელებლებით. მისი ალკოჰოლის შემცველობა 36%-ია და იდეალურად ჯდება კოქტეილის სპეციფიკაში. არ დაივიწყოთ ბეილისი. ეს არის ირლანდიური ლიქიორი, რომელიც შეიცავს ნაღების, კაკაოსა და ირლანდიური ვისკის არომატით. პირველად 1973 წელს დაამზადეს და მის შემდეგ ერთ-ერთი ტოპ გაყიდვადი ლიქიორი გახდა მსოფლიოში. მასში ალკოჰოლის შემცველობა 17%-ია და ყველანაირ შეკრებას უხდება.
ვისკი და არაყი. Beluga არის გამორჩეული ციმბირული არაყი ქიმიური ნაერთების გარეშე. მას აქვს მსუბუქად ტკბილი ვანილის, შვრიის ფქვილისა და თაფლის არომატი, რომელიც საბოლოოდ მშრალი და დამამშვიდებელი ფინიშით. ასევე კარგი არჩევანია ჯეიმსონი. მისი ინგრედიენტებია ქერი, სიმინდი, ირლანდიური წყალი. ის სამჯერაა დისტილირებული და 4-7 წელი დაძველებულია ბურბონისა და ხერესის კასრებში.
კორპორატიული წვეულება
ან უბრალოდ შედარებით არაოფიციალურ წვეულებაზე ყველაფერი რა თქმა უნდა დამოკიდებულია სტუმრების გემოვნებაზე და იმაზე, თუ რა ატმოსფეროს შექმნა გსურთ. ნებისმიერ შემთხვევაში უნდა გაითვალისწინოთ ბიუჯეტი. ალკოჰოლური სასმელები შეგიძლიათ ევროპროდუქტის მაღაზიათა ქსელში ონლაინ შეიძინოთ.
ბიზნეს ვახშმის შემთხვევაში შამპანური და ღვინო კარგი ვარიანტია. ტვიში ერთ-ერთი ასეთი სწორი არჩევანია, რომელსაც შემოგთავაზებთ. ასეთ დროს ადამიანები მეტ ღვინოს სვამენ, ვიდრე ლუდს, არაოფიციალურ შეხვედრაზე კი ლუდსა და კოქტეილს ენიჭება უპირატესობა.
თუ გსურთ ნამდვილი წვეულების მოწყობა და ფული პრობლემა არაა, უმაღლესი ხარისხის კოქტეილებისთვის გამოცდილი მიქსოლოგი დაიქირავეთ.