ჩაის უნიკალური და სასარგებლო თვისებების შესახებ ადამიანებმა ჯერ კიდევ უძველეს დროში გაიგეს. მოგვიანებით ის მსოფლიოს ყველა კუთხეში გავრცელდა და ბევრი ქვეყნის კულტურის ნაწილად იქცა. დროთა განმავლობაში დაიხვეწა ჩაის მოყვანისა და დამუშავების წესები, შეიქმნა მისი სახეობები და გაამდიდრა სხვადასხვა არომატითა და გემოებით.
დღეს ჩაი ჩვენი საუზმის, სადილისა თუ ვახშმის განუყოფელი კომპონენტია, მას ვსვამთ ერთმანეთთან კომუნიკაციის, მუშაობის, წიგნის კითხვისა თუ სხვა მრავალი აქტივობის დროს. ჩაი გვეხმარება გამოფხიზლებაში, ძალების აღდგენასა თუ განწყობის ამაღლებაში და, რაც მთავარია, მას უდიდესი სარგებელი მოაქვს ჩვენი ჯანმრთელობისთვის.
საინტერესოა, რა იცი ამ ერთ-ერთი ყველაზე პოპულარული სასმლის წარმომავლობის, მისი სახეობებისა და თვისებების შესახებ? ამის გარკვევაში ეს ტესტი დაგეხმარება.