შეარჩიეთ მაღალი ხარისხის კარაქი და არ შეგეშინდეთ მისი ყოველდღიურად სხვადასხვა დანიშნულებით გამოყენება. გახსოვდეთ, პრემიუმ კლასის კარაქს გამოკვეთილი ნაღების გემო, პასტერიზებული რძის არომატი, ღია ფერი და კრემისებრი სტრუქტურა უნდა ჰქონდეს.
გაიგეთ რამდენი ტიპის კარაქი არსებობს
კარაქი სასარგებლო და აუცილებელი პროდუქტია როგორც ბავშვებისთვის, ისე ზრდასრულებისთვის. ის ერთ–ერთი ყველაზე სასარგებლო ცხოველური ცხიმია, რადგან გამოირჩევა მაღალი კალორიულობით, დიდი ბიოლოგიური ღირებულებით და მაღალი შეთვისებადობით. თუმცა კარაქის მიღების დროს გარკვეული ზომიერების და რეკომენდაციების დაცვაა საჭირო. ნებისმიერი კარაქი არაა რეკომენდებული პურზე წასასმელად ან კულინარიაში გამოსაყენებლად. ყველამ იცის, რომ არსებობს კარაქი და სპრედი, თუმცა კარაქის სახეობებს შორის სხვაობის შესახებ ბევრმა არ იცის.
რეალურად, კარაქის დაახლოებით 10 სახეობა არსებობს, რომელთაგან 3 ყველაზე გავრცელებული ტიპია: მჟავე ნაღების კარაქი, ტკბილი ნაღების კარაქი და გლეხური კარაქი.
გლეხური კარაქი
გლეხური კარაქის ცხიმიანობა უფრო დაბალია, ტენიანობა კი მაღალი. ის შეიცავს 25% წყალს და რძის ცხიმს არა უმეტეს 71%-72,5%-ისა. მზადდება ასევე პასტერიზებული ნაღებისგან. ბაზარზე ამ ტიპის კარაქს დიდი წილი უკავია, რადგან მჟავე ნაღებისა და ტბილი ნაღების კარაქებისგან განსხვავებით, მათი ფასი შედარებით დაბალია.
თუმცა ასევე დაბალია კვებითი ღირებულებაც. ამ ტიპის კარაქის გამოყენება შესაძლებელია როგორც წასასმელად, ისე კულინარიაში, თუმცა გემოვნური თვისებები განსხვავებულია.
ტკბილი ნაღების კარაქი
ტკბილი ნაღების კარაქს ახასიათებს კარგად გამოხატული გემო და სურნელი, რომელიც იქმნება ახალი ნაღების პასტერიზაციის შედეგად. შეიძლება იყოს მარილიანი და უმარილო. მისი ცხიმიანობა მერყეობს 81,5%-82,5%, წყლის შემცველობა არა უმეტეს 16%-ისაა.